السلام عليكم ورحمة الله وبركاته
بالامارات عندنا بطاقة فيزا اسمها هدية
ممكن تعبيها وتستخدمها ولما تخلص ترميها
رسومها فقط 5 دراهم
وتستخدم للمشتريات والحجوزات عبر المحلات أو الانتر نت
ممتازة جدا لمثل هذه الامور
ابحث عن نفس العرض في السعودية ،، وأكيد بتلاقي ،، لأنها انتشرت فالاونه الاخيرة
لمزيد من المعلومات
http://www.unb.co.ae/arabic/inner.aspx?p=1&mid=282

ها انا من الامارات
اول مره اسمع عن هاي البطاقة والله
اذا عندك معلومات عنها وعن باقي استفساراتي لا تقصر معاي

بوتركي
بالنسبة لطيران اسيا ،، ان شاء الله بتحصل من هناك ،، ولكن يمكن مثلا تروح في وقت يكون فيه ضغط وما تحصل ،، الله اعلم
بالاغلب الحجوزات متوفرة
http://www.airasia.com/site/my/en/home.jsp
بالنسبة لبطاقة الفيزا هدية
المعلومات بتلقاها فالرابط اللى فوق ،، عن بنك الاتحاد
وموضوع البطاقة وباختصار
تزور أي فرع من فروع بنك الاتحاد ،، وتقولهم ابغي بطاقة هدية
وحط المبلغ اللى تبغيه
فلنفرض تبغي تحط فيها 3000 درهم
0+ 5 رسوم اصدار = 3005 درهم
الموظف سيقوم بتعبأة الطلب ،، وما عليك إلا دفع المبلغ والتوقيع على الطلب ،، ويجب ابراز بطاقة هوية او جواز سفر ،، وتستلم البطاقة في نفس اللحظه
بعد ذلك يكون لديك بطاقة فيزا تقدر تستخدمها في كل انحاء العالم ،، عادي
وبعد ما تخلص رصيدك ،، ترميها وخلاص
وتقدر تاخذ الكمية اللى تباها من البطايق لو حبيت
تبدأ من 100 درهم إلى 3500 درهم
ورسوم الاصدار فقط 5 دراهم ،، البطاقة عملية جدا
اتمنى تكون الصورة وضحت

جزاك الله خير اخوي
سرن طلعت البطاقة بس البطاقة من دون اسم فيها
فاذا حجزت من هني االطيران الداخلي + الفنادق باستخدام بطاقة هدية
كيف يكون النظام يعني هل الفندق يسحب المبلغ كامل ولا يعلق المبلغ ولما اسير هناك ادفع لهم او ادفع كاش
يعني شركات الطيرات اير اشيا احجز من هني وخلاص اموري ماشيه يعني يمكن يقولون اشخط مره ثانية ولا يمكن ما يشووفون اسم على الفيزا ويقولون مب بطاقتك وما تستوي الحجوزات
والسموحه على الاطالة

بوتركي
أخي الكريم
يوم تحجز ،، دخل بيانات البطاقة ،، واكتب اسمك ( الاسم الاول واسم العائلة )
حتى لو مب مكتوب على البطاقة
لأنه اسمك مسجل فالنظام لدى شركة فيزا
والبطاقة هذي نفس جميع بطاقات الفيزا ،، يعني تحجز منها أو يسون بلوك على المبلغ نفس جميع البطاقات
بس ما تقدر تسحب كاش
بالتوفيق

الله يسهل امورك في الحجوزات ان شاء الله والتذاكر تجدها بوفره ولكن المشكلة اذا وصلت وحبيت تحجز على موعد معين قد لا يكون مستبعد ان تجده فل ولكن هذه الامور تحصل بشئ قليل جداً
وحسب معلوماتي البسيطة بأن اغلب شركات الطيران في تايلند مثل اير اسيا وبانكوك ايرويز ما يدققون على البطائق ما عدا التايلندية اذا كنت حاجز عن طريق الانترنت فيجب عليك ابراز بطاقتك لديهم اما الباقي لو تشتري للمسافرين كلهم ما لك احد