ياهلا وسهلا فيك اخوي الطريق من كازا لطنجة مايحتاج توقف الموضوع كله 4-5 ساعات وأنت بإذن الله في طنجة مافي داعي للانتظار في أي مكان وانت في الطريق لعروس المغرب واذا كان على موضوع السكن يعتمد اذا كنت لوحدك افضل انك تآخذ لك في فندق : الموفنبيك ولا الانتير أو المنزه واذا انتوا مجموعة تقدر تآخذون لكم فيلا من الفلل اللي موجوده في ملاباطا نظيفه ومرتبة واسعارها معقولة لكن في الصيف يمكن تكون اغلى بشووي هناك فيه مكتب اسمه على مااتوقع الخليجيين أو سياحة الخليجين عنده فلل ممتازة موقع المكتب في نهاية شارع محمد الخامس. والله لك وحشة ياطنجة
تحياتي لك ولا تنسى التقرير اذا رجعت بالسلامة تراني من فترة طويلة عن طنجة

مشكور اخوي عبد الله
وماقصرت على فكره احنا اثنين ويفضل فندق
والفنادق الي قلت اسعارها كيف
طيب رايك العوده نرجع مع نفس الطريق

والله أسعارها بالضبط تدخل على موقع كل فندق من الفنادق اللي قلت لك لان كل فترة لها أسعار سياحية بس اذكر فندق المنزه في شهر 8 ب 190 دولار.
وهذا الموضوع مثبت بالفنادق كامل لجميع مناطق المغرب ادخل عليه وشف الفندق اللي يعجبك سعره
https://artravelers.com
وطريق الرجعة أحسن لك انك تنام بالسيارة نصيحة ولا تفكر في طنجة وأنت راجع ......
هوب إلا وأنت في المطار
تحياتي لك

أخوي الغالي المسافر نت
مرحبا ً بك
اخوي أذا أنت بتروح على سيارة وتبي الوناسة روح على طريق كازا طنجه العادي مش السريع ,,,
وخذ حسابك أن الطريق بدل ما يكون ساعتين ونصف بالطريق السريع بالعادي راح يكون أكثر من ست أو سبع ساعات ولكن..........؟؟؟ بتكون رحلة قمة بالروعه ..
وبتمر على عدة مدن وقرئ ومناظر خلابه وماتحظرني ترتيب المدن الأن بالضبط ولكن منها مولاي سليمان الرباط وقنيطرا وقلعة الغساسنة وسيدي قاسم والعرايش واصيلة وغيرها من المدن..
والأهم من هذا كله توفر فلوس الضرائب التي تدفع في الطريق السريع(( واحد بخيل ههه))
والله يسهل عليك..

البزناس
مشكور اخوي على النصيحه
بس ماقلتلي الضرائب غاليه حيل