ياهلا والله ومسهلا ومرحبا..
أسفرت وأنورت
..وكلنا هنا لخدمة بعض..
أنا من رأيي لو توضحين عدد أعضاء الرحلة
عشان نفصل البرنامج عليكم..
شخصين؟؟ معكم أطفال؟؟ عائلة؟؟
؟؟؟؟؟؟؟؟؟؟؟
أنا أفضل ذلك لفائدتك..

وعليكم السلام ...
حياكِ الله يا لموية العسولة ونورتِ يا اختي .
اخونا الجمال طرح سؤال مهم وجميل لأجل على اساسه
يتصلح برنامجك ... صراحة ذوقاً واخلاقاً ما اقدر اتعدى
اخوي الجمال وتراه خبير ونعم فيه ...خبرينا ياعسولة
كم فرد رايح معاكِ وكم اعمارهم وحتلاقي الجميع يتسابقون
لاجل يردون عليكِ ...واسئلتك حلوة وستجدين اجابة كاملة
وشافية بأذن الله تعالى
ترى ننتظر اجابتك ولك تحياتي وتقديري والسلام عليكم

أخوي الشعيبي
أنا أستغرب إذا قالوا عنك
الخبير / كله ذوق
!!!!!!!!!!!!
انت لا خبير و لا صاحب ذوق
؟؟؟؟؟؟؟؟؟؟
إنت أبو الخبرة وجد الذوق وتاج راس الطيبين
الله يبيض وجهك يا غالي..
وترى العين ما تعلى على الحاجب
يا جعل عيون محبيك ما تبكيك
ومالي خبرة وراي دامك موجود
عسى الله يجمعنا وإياك وكل الأحباب على كل خير
والله أشكرك من كل قلبي يا لموية
هذي فرصة أتمناها وجبتيها..
وبإنتظارك

ألف شكرا على التجاوب السريع
احنا الله يسلمكم أربع أشخاص كبار من 20 وطالع ومعانا الوالدة
بس نبي رحلات وترفيه وملاهي وكل شي..... عادي جدا
تسلمون جميعا وبانتظاركم..

السلام عليكم ...
الله يسلمك اخوي الجمال وكلك ذوق وكثر الله من امثالك
ومن غير العيون مانشوف الدرب الله يسلمك
حياكِ اختي لموية العسولة اهلاً اهلاً تندوسة
الله يطول عمر الله الوالدة في طاعته ويعطيها الصحة والعافية .
لاجل عيون الوالدة الله يسلمها ...
سلانجور ..الخيول الذهبية 2
لانكاوي ..شيراتون بيردانا 4
بينانغ..راسا ساينغ 5
جنتنغ ...جنتنغ هوتيل 2
كوالا ...ويستن 8
ودي احط لكِ كاميرون لاجل الوالدة تشوف الدنيا الخضراء
وتتنفس هواء نظيف وعليل ...لكن خايف انها تدوخ من الطريق
ها...وش رايك ...ان بغيتي ...
خليها وانتم راجعين من بينانغ وطبعاً بالسيارة وخذوا فيها
ليلتين بأكواتوريال .
الفنادق 5 نجوم ...وان بغيتي شيء افخم او اقل شوي خبرينا .
الخيول افضل واقرب للمطار ...وخاصة انه ماعندكم اطفال
وما ودنا تشوفون مناظر تحزن من اول ما توصلون
وتقدروا تروحوا ملاهي صن واي لاقون بأخر الايام بكوالا
وما يحتاج سكن فيها ...
سلانجور ---لنكاوي (طيارة)
لنكاوي --- بينانغ(طيارة)
بينانغ---كاميرون (سيارة)
كاميرون--كوالا (غواصة) دعابة المغربية (سيارة)
كوالا -- ديرتكم (طيارة)
مطار ديرتكم --بيتكم (سيارة)
موفقة اختي عسولة وترانا مانستغني عن اراء الحبايب
اعضاء كثيرين كلمتهم مثل الالف عندك الجمال وابو ميسم
وخالتي العربية ولا يهونون بقية الكرام .
موفقة اختي ولا تنسي تدعي لنا وتشتري لنا هدايا حلوة كبيرة
وكثيرة وتوزيعها علينا ... وترجعون لنا بالسلامة والسلام عليكم

ألف مليون شكر لك أخوي الشعيبي الحقيقة كفيت ووفيت وأنقذتنا
وابشر بالخير
بس سؤال صغيرون اذا تكرمت
ماعليه انت كريم واحنا نستاهل
أيهما أفضل وأقرب من الشارع (شارع العرب) ريجنت والا ماريوت (وشرايك فيهم) والا وستن والا مندرين والا ريجنسي )))))
وسامحني على ازعاجك

بيض الله وجهك يا الشعيبي..
وتستاهلين لموية
الكتاب بين من عنوانه...
وأنا أحب ألفت إنتباهك لشئ مهم
وهو
لا تأخرين ترتيب جدولك في كل بلد
أنا أنصحك نصيحة مجرب
تفحصي تجارب الأحباب وإقرائي عن كل ديرة
وإعرفي الأماكن الزينة
وبالنسبة للقنادق أنا يعجبني ماريوت
بتسأليني ليش؟؟؟
أول شئ حلو ومرتب..
يكفيك أول ليله سكنت فيه كان فيه زواج بنت أحد السلاطين عندهم
والحاجة الثانية وهي الأهم عندي ويمكن عندك!!
من تطلعين من الباب وتأخذين يسار
والمراكز التجارية قدّامك..
ما فيه شئ وراك..
..وتروحون وترجعون بالسلامة..
..والله الله بسعة الصدر وطولة البال..

تسلم أخوي الجمال وماقصرت وكثر الله من أمثالك
وكثرلي من هالدعوات الطيبة