بيبسي كولا
20-07-2022 - 09:45 am
السلام عليكم ورحمة الله وبركاته
صباح الخير للي عنده صباح ومساء الخير للي عنده مساء
اخواني وخبرائنا الاعزاء
مشكله عويصه )))))
انا الحين دخلت مواقع لتأجير السياره لكن عندي كذا استفسار بما انه اللغه سلك حالك ))))))
كيف اعرف اذا السياره ديزل او بانزين ؟؟
كيف اطلب ديزل ؟؟
كيف احصل على تأمين ؟؟
طيب في حال دفعت في الموقع ؟ التأمين ادفعه بالاستلام ؟؟
كم تقريبا التأمين ؟؟ استرده ام يروح علي ؟
القارمن اقدر اخذه معاي من الكويت ؟؟
باركنق الفنادق فري ولا مبلغ ؟
طيب بخصوص الطرق الي عليها رسوم كيف طريقتها اطلبها من المكتب ؟ او من محطات البانزين ؟ وشنو اقوله لانه الاسبلنق للبوستر ماني عارفه )))))
الخطه : الوصول الي روما ، واستلام السياره والتوجه الى فنيسيا والجلوس كم يوم ومن ثم ميلان واجلس كم يوم ، ومن ثم فلورانس ،، وكم يوم والعوده الى روما وتسلمين السياره واالجلوس 4 ايام تقريبا .
الجدول مناسب ؟ يحتاج تعديل الرحله 11 يوم 10 ليالي ؟ انتظر ردودكم وادري طلباتي زايده ))))))))))
لكن اول مره افكر بالروحه للطليان
اخوكم ببسي كولا
وحسب الموقع الي هو يوروكار التأمين شفته 200 يورو تقريبا
لكن أنا بدخلك الموقع وبشوفه لك لكن عطني تاريخ رحلتك وكم عدد الاشخاص الي معاك وأنا اشوفه لك
ولا تنسى تطلع رخصة دولية
ولازم يكون معاك فيزا عشان تستأجر
تحياتي لك