من راقب الناس مات هما
بانتظار تقريرك

sereemjio
مشكور او مشكوره على المرور اخوي او اختي بس انا ما فهمت من تقصد ب ( من راقب الناس ) بس اذا تقصدني اني اراقب الناس فأسمحلي اقولك انك ما فهت قصدي من الموضوع مع اني وضحت واذا صار تعليقي على موضوع ان الناس ماتسلم على بعضها في بلاد الغربه ويتصددون عن بعض ( مراقبة للناس ) فهاذي مصيبه صراحه تبون نشوف الاشياء السلبيه ومانعلق ابدا ولا بنصير (مراقبين للناس)

بصراحه انا حدي متنرفز من الشغله هذي أمس فيه خليجيين في الشانز من غير ذكر الدوله مريت قريب منهم
ويطالعون من فوق لتحت كأني مو عاجبهم قلت السلام عليكم والله مادري اذا رد أو لا بس على شنو مدري
بصراحه شي يقهر

هناك من يرى الصديق ويسلم علية ويأخذة على جنب وهات ياسوالف وهالشي اللي يخلي الناس تتصدد من بعضها
وفية ناس معاهم اهلهم ومايبون هالنوع من السلام اللي يسحب الى نصف ساعة لانة حتما اختراق صارخ لخصوصيتهم
وهناك منهم على شاكلة أخيكم الفقير العبدلله أبوفواز اللي يمشي ويسلم (اقترح علي اخي ابومالك انافس ساركوزي على الرئاسة )
والله قبل أمس وأنا خارج من الشانز ومتأخر وتعبان الساعة 2 الصبح معاي اخوي ابومالك وكنت قريب من سيارتي والتقي مع صديق عزيز اصر على جلوسي معاة (وماوصلت للبيت الا الساعة 4 )
بس مايمنع هالشي من السلام وردة مع التحفظ على السلام من بعيد على من كان برفقة عائلتة احتراما لخصوصيتهم

اي والله اخوي وانت صادق مدري ليه هناك بعض الناس تتغير وليس الكل يحسبون كانك جاي تراقبهم ولا رجعت
البلد بتعلم عنهم مدري وش تفكيرهم مع ان في بلد الغربه تتمنى انك تسمع سلام الله من اي احد
وانا صار معاي موقف بس ايجابي وانا في النمسا وكنا واقفين وحايسين ماندري اي باص نطلع ويعدين جاء واحد
كان واقف جنبنا وشايفنا حايسين من ااهل المدينه وقعد يشرحلنا واعطانا برشور كان معاه بالعربي واستفدنا منه
كثير وطول الرحله واحنا ندعيله فياريت يكون في ناس زي هذا الشخص لان البعض يطلع اوربا ولايدري عن شي
والبعض يراقبه من بعيد ولاهمه والرسول يقول الله في عون العبد مادام العبد في عون اخيه

فعلا موضوع مثير للنقاش اخوي
الكثير منا للأسف يسافر لدول اوربا سواء كانت باريس او غيرها من المدن الأوربية ويشوف حاله على اخوانه العرب المسلمون وخصوصا في موضوع السلام بمعنى لو جاه شخص خليجي او عربي وقله السلام عليكم مايرد عليه السلام ويمكن يطالعه من فوق لتحت !!!!!! فعلا شي غريب بينما لو جاه شخص اوربي وقاله هاي تلقاه يبتسم ويرد عليه ويقوله هايين بعد ههه عن جد شي للأسف موجود فيما بيننا في دول الغرب مفروض نكون ايد وحدة ونساعد بعض .........
اوكيه في ناس شحاذين ويستغلوون الخليجين بس مو كلهم المشكلة احنا الخليجين فينا ومن نفسنا نسوي نفسنا مانشوف بعض ولا نسلم على بعض
اما العضو الي يقول من راقب الناس مات هما !!!!!!!!!!!!!!!!!!!!!! انا اتوقع انه واحد منهم بصراحة لأن هذا ماهو رد مناسب كيف يعني من راقب الناس مات هما وش بيحسدهم يعني الرجال لو قال السلام عليكم السلام ياخي لله والسلام سنة والرد واجب بصراحة شي مؤسف ومحزن في نفس الوقت
اشكرك اخوي كاتب الموضوع

قد لا تستوعب للوهله الأولى قصد الناس من عدم الرد
ربما خوفاً من أن تكون أحد الذين يستغلون السياح !
وربما لم يسمعوك أو لم يفهموا !!
أنا أرى أن الأمر لا يستدعي أن تُقلق نفسك عليه
فبعض الناس لهم فكره مُعينه عن هذا الموضوع
وخصوصاُ عندما يكون مع أهله ..
،
ولو وجدت شباب .. وسلمت عليهم ! فإنهم لا شك سوف يردون السلام
لكن عائله .. ربما رجل العائلة لا يريد حوارات مع شخص آخر .. لأنه معه مسؤوليه !
أعتقد أن الأمر ليس بهذا الحجم ، و هو أمر بسيط و بعض الناس تفكيرهم صحيح
ورأيي أن لو سلمت عليّ .. أكيد سوف أرد عليك بكل رحابة وإبتسامه
بالتوفيق ،،

1. خذ عندك على سبيل المثال من الصور .


2. موضوع السلام ..


3. موضوع اللباس .

أسعد الله أوقاتك
كل عام و أنتم بخير بداية
صاحب الموضوع إسمح لي أن أحيي فيك تبنيك لهذه النقطه المهمه و المؤلمه في الوقت ذاته
معك و مؤيد لكل حرف كتبته و السبب بوجهة نظري يعود لتجرد البعض من هويته الإسلامية
يا أخي إحنا لسنا ملتزمين و الواحد لحيته ما شاء الله تبارك الله و لكن شباب بسطاء في إيمان في قلوبنا يجبرنا على التمسك بعقيدتنا .

خذ عندك على سبيل المثال من الصور .

موضوع السلام ..

" تمر من بجوار خليجي تقول له السلام عليكم ما يرد عليك " طيب يا أخي دينك يقول السلام سنه و رده واجب بغض النظر عن طلب الطرف الثاني أو نواياه . إنت رد السلام و جزاك الله خير . أصلا من واقع تجربه ما يرد عليك إلا المصري و المغربي و الله فيهم إحترام عجيب . و بعض من الخليجيين الواعين أصحاب الذوق الرفيع .

موضوع اللباس .

أنا أدري إن النقطة هذي بتزعل ناس كثير لكن أتكلم عن المجتمعات المحافظه الدينية ما أعمم . البنت في بلدها أنواع الإحتشام و إذا خرجت لدول أجنبية تجردت من هويتها طيب ليه .. الشعر الكاشف و الملابس الفاتنه .. و اللي يقهر زوجها يوزع إبتسامات جنبها . إحنا ما نقول اسود في أسود لكن في ملابس ملونه ساتره و جميلة و ماركات كمان . أهم شيء زينتك ما تخرج إلا لزوجك و لبس يكون محترم .. و الله في بنات تلاقيهم في الخارج ما شاء الله تبارك الله العين تطالع في الأرض و لا تطالع فيهم إحتراما لهم . و على فكرة أغلب الدول أصبح لديها وعي ثقافي بالهوية المسلمة على سبيل المثال الولايات المتحدة الأمريكية و كندا في مطاراتها إذا معاك زوجتك من يقوم على تفتيشها و سؤالها بنت مثلها .. يعني في إحترام .
أما حكاية الشانز هذا حكاية ..
ما تسأل أحد سافر لفرنسا عن برنامجه إلا يقول لك التالي :
خرجنا الصباح و طلعنا الشانز و بعد كذا رحنا كذا و كذا و كذا و رجعنا الشانز .
ثاني يوم خرجنا للإفطار في الشانز و طلعنا على كذا و كذا و نمنا و رجعنا الشانز .
و تلاقي حياته كلها في الشانز .
و إلا يجيك واحد يشغل عقله و العالم معاه إلا فندق على شارع الشانز .. طيب و الهدف يعني ؟
و الشانز ما فيه إلا عالم " مطحلبه " و تطالع في بعض . يعني القهوه الطيبه ما تزرع و تصنع إلا في الشانز !!!
فنادق غاليه و مكان بدون قيمه بوجهة نظري .
بينما لو سكن في المناطق المحيطة بوسط المدينة في فنادق اربع نجوم عليها القيمة و بسعر النصف في الشانز .
و إذا يبغى الشانز في مواصلات دقيقتين و هو فيه ..
أدخل على الإستفسارات تلاقي أغلبها
" مطلوب فندق في قريب من الشانز "
" لو سمحتوا مساعده الشانز أرخص فندق "
عموما أتمنى ما أحد يزعل لكن صاحب الموضوع جزاه الله خير أثار نقطه كنت حاب أتكلم عنها من فترة طويلة خاصة بعد اللي شفته في الولايات المتحدة الأمريكية من صور فعلا مؤلمه ..

السلام عليكم ورحمه الله وبركاته حبيت اشارك في موضوعكم توني جايه من باريس
اولا بخصوص انا بحكم اني منقبه كان يسلم علي العربي والاجنبي
تعرفون ليش يصدون العرب من بعضهم البعض في السفر باقول لكم ليش لان
احنا رحنا نيس وشفنا بنات من دوله خليجيه بشورتات قصيره جدا الله يعزكم تعتقدون رجالهم اللي معاهم يحب حد يسلم عليه ؟؟
انا زوجي كان يوقف لاي حد يعرفه ويسلم عليه عادي لاني لابسه كني في بلادي وما كان زوجي يخجل من حد بل بالعكس ما كان يبادر بس يرد
ثانيا موضوع الشانز فعلا ماساه انا زوجي ما حب نجلس فيه كنا ندخل فقط من جهه الماركات شانيل وربعها ونتسوق ونمشي حتى سيفورا رفض اللي بالشانز قال موجوده في كل مكان
لان فعلا في ناس جايه باريس للتسكع في الشانز فقط ؟؟؟