sayd.ali
05-11-2022 - 07:30 am
انا الحين طبعا خلاص باقدم للابتعاث ان شاء الله على استراليا
طبعا اوراقي كلها جاهزة مترجمة ومصدقة وانا استنى بس التقديم على الوزارة حق احصل الضمان المالي
طبعا انا الحين ابغى الطرقة بالتفصيل حق اقدم للمعهد مال الجامعة
طبعا انا ناوي اروح جامعة سيدني
ابغى الطريقة كيف وكيف التسجيل في المعهد والجامعة
وابغى اسال هل القبول صعب ويقولون الدراسة في استراليا صعبة جداًً
انزين اخر سأل ادري زهقتكم بس ويش اسوي مالي غيركم
ويش احسن جامعة في ولاية (نيو ساوث ويلز) وحتى لو في جامعة جيدة بس في منطقة رخيصة في هذي الولاية
واهم شي ابغى الطريقة ؟؟
لأن المعهد بعد نفسه في اكثر من برنامج للتعليم اللغة؟؟
فنبغى خبرتكم ياشباب
ماعليش ازعجتكم
الدراسة في استراليا
1- حدد لك اكثر من جامعه
2- اكتب خطاب تبين فيه اسمك وسنك ودراستك وطموحك في الحياه وانك ترغب تكملت الدراسه في جامعتهم ... وتريد قبول من عندهم ولا تنسى تكتب طرق الاتصال بك
3- صور اوراق دراستك ( شهادتك + سجل الدرجات باللغه الانجليزيه + جوازك + .... )
4- ارسل له اوراقك بالدي اتش ال ... او اي وسيله سريعه
5- بعض الجامعات لكي تشوف اوراقك تلزم تحول لهم مبلغ معين او ترفقه على هيئه شيك .. ( ممكن تحدد الشي هذا من موقعهم على النت )
ارسل لهم هالاوراق وراح يردوا عليك بسرعه
على فكره هذه الطريقه اللي يسويها مكاتب السفر عندنا .. وياخذون عليها 500 ريال ... يعني لو تعرف تسوي كذا راح توفر عليك 500 ريال