abufaisal
05-09-2022 - 02:12 pm
عندي استفسار ياريت احد يساعدني
بخصوص السكن بغيت شقة تتكون من غرفتين قريبة من الشانز لمدة ثلاثة ايام وماتكون غالية
التنقل بما اننا خمسة اشخاص ان وزوجتي وثلاثة اطفال افضل وارخص طريقة للمواصلات الباص ام المترو او استاجر سيارة وهل بالامكان احد يخبرني عن كروت الاشتراك في النقل هل هي مجدية
الاماكن اللي لابد من زيارتها في باريس غير ديزني وبرج ايفيل
اتمنى ماكون ثقلت عليكم
اخي الكريم اذا هذه السفرة الاولى لك وللعائلة الكريمة فهذا برنامج بسيط لثلاث ايام راح ارتبه لك وان شاء الله يعجبك
تخينا الوصول والدخول للفندق الساعة 3 العصر واقترح عليك شقة لان الي معاك اطفال وصعبه الفندق وخاصة مافيه كنكت رووم في باريس الا اذا تاخذ استديو الي هو نظام صالة وغرفة
مثل هالفندق جنب برج ايفل الليلة ب200 يورو للغرفة معا صاله Adagio City Aparthotel Paris Tour Eiffel يعني 1000 ريال سعودي
والحلو فيها جنب ايفل وعندها محطة للباص الاحمر الي دايم انصح فيه تاخذ لك بطاقة ل3 ايام او يومين بحدود 24 يورو للكبار فقط الاطفال ما يحسبونهم ويلف فيك جميع مناطق باريس وهذا جدول رحلاته وهو عبارة عن 4 مراحل كل مرحلة ترتبط بمحطة تنزل منها عشان تركب للباص الثاني الي يوديك لفه في مناطق غير الي رحت لها وهكذا
وهذا مسار الباص الاحمر واغلب شي يوقف في 9 او 12 مكان بس
وهذا مسار احد الرحلات الي تبدا بالشانز بعدها تروح ايفل على طول
Champs-Elysees الشانزليزيه
Arc de Triomphe قوس النصر
Concorde كونكورد
Madeleine مادلين
Opera الأوبرا
Louvre Museum متحف اللوفر
Cite, Saint Louis الاستشهاد ، وسانت لويس
Notre-Dame نوتردام
Seine River نهر السين
Orsay Museum Orsay متحف
Invalides
Eiffel Tower برج ايفل
Trocadero
وتستمر الرحله 2 وربع وهي افضل مسار وجولة تاخذها لاكتشاف اهم معالم باريس
وفيه رحلات 3 غيرها بس هذي اهمها
راح اضيفهم لفائدة
الرحله الثانية هذا مسارها وتستمر ساعه وربع طبعا فيه نقطة التقاء تقد تبدل الباصات عشان تلف اكبر قدر ممكن في باريس
Department stores المتاجر
(Printemps, Galeries Lafayette) (Printemps ، لافاييت Galeries)
Saint-Lazare Train Station سان لازار محطة قطار
The Moulin Rouge cabaret مولان روج كاباريه
Sacre-Coeur Basilica Sacré - Cœur كاتدرائية
Place du Tertre مكان دو Tertre
Gare du Nord (Train Station) غاري دو نور (محطة القطار)
Gare de l’Est (Train Station) غاري دي l' مؤسسة (محطة القطار)
Republique الجمهورية
Saint-Martin Canal سانت مارتن القناة
Hotel du Nord فندق دو نور
Grevin Museum (wax museum) Grevin متحف (متحف الشمع)
Opera Garnier أوبرا غارنييه
Cafe de la Paix مقهى دي والسلام
Place Vendome مكان Vendome
Place de la Madeleine ساحة مادلين
الرحلة الثالثة وتستمر ساعة وهذا مسارها
Pantheon البانتيون
Luxembourg Gardens حدائق لوكسمبورج
Sorbonne University جامعة السوربون
Paris Observatory مرصد باريس
Rue Daguerre شارع Daguerre
The Catacombs فإن سراديب الموتى
Fondation Cartier for Contemporary Art مؤسسة كارتييه للفن المعاصر
Montparnasse Tower برج Montparnasse
Invalides
Maillol Museum متحف Maillol
Saint Germain-des-Pres سان جرمان - ديس - عرض
Cluny National Museum Cluny المتحف الوطني
الرحلة الرابعة والاخيرة من ضمن سلسة رحلات الباصات الحمر :) ومدتها ساعة
Cite, Saint-Louis أذكر ، في سانت لويس
Flower Market سوق الزهور
Hotel de Ville فندق دي فيل
Arab World Institute معهد العالم العربي
Opera Bastille أوبرا الباستيل
Lyon Station محطة ليون
Jardin des Plantes Jardín ديس Plantes
Nature History Museum الطبيعة ومتحف التاريخ
Austerlitz Station محطة Austerlitz
Francois Mitterand National Library فرنسوا ميتران والمكتبة الوطنية
Bercy Parc بارك بيرسي
Bercy Omnisport بيرسي Omnisport
Cour Saint-Emillion محكمة سان Emillion
Le Marais لو ماريه
Picasso Museum متحف بيكاسو
Place des Vosges قصر Vosges
Pompidou Center – Museum of Modern Art مركز بومبيدو -- متحف الفن الحديث
وراح انبهك لاكثر من نقطة
اول شي كيف تميز باص عن باص وخاصه عند الناقط الي يصير فيها تغير مسارات لو تلاحظ بين الصورة الاولى والثانية فية تلاقي بينهم عند ساحة مادلينطيب نزلت عند الساحة وجيت تبي ترجع ايفل راح يجيك نوعين من الباصات كلهم لونهم احمر بس راح تحصل يمين السايق استكر مربع شكله يميز لون المسار الي انت تبيه اما اخضر وهو مسار الي فيه ايفل او اصفر الي هو مسار مونمارت والباقي الوانهم واضحه على الخارطة
نجي للنقطة الثانية في الباصات الخاصة بفرساي وهي تكون على 10 يورو تقريبا بس فرساي حلوة بس معا الاطفال ماتوقع راح تبسطهم وخاصة مدتك قليلة
وفيه باصات لونها اصفر اغلى اشوي بس توقف في 55 محطة تقريبا
وشركتها غير عن شركة الباص الاحمر
فانصحك اول يوم تلفون فيه او تروحون ايفل الدخولية ب12 يورو للكبار و7 يورو للاطفال لحد الطابق الثالث
بعدها ثاني يوم راح يكون دزني وبصراحه دزني فيها اشيا كثيرة راح اذكر بعضها لك وانت قرر
شنو تدخل بارك ولا استديو وهذي الاسعار من شهرين
وهذا شكل بطاقاتهم الصيف والشتاء الي فات بسبب مرور 15 عام عليها
بصراحه من وجه نظري الشخصية يوم واحد ما يكفي لها وخاصه انت بتروح بالصيف يعني طوابير وزحمة
بس انا بحاول ادليك كم محل بالثنتين واهم افضل واجمل شي بدزني كلها معا انها كلها حلوة بس وقتك ما يساعد انا جلست 3 ايام وانا بالشتاء يعني لا طوابير ولا شي
وهذا مطعم بلانيت هولويد قدام دزني روعه اكله وخاصة اللزانيا والفاهيتا
وهذا مدخل البارك
وهذي الخارطة للبارك
فيها 3 اماكن حلوة
اول واحد اسمول ورد small world
والثاني ديسكفرلاند Discoveryland
الثالث باز Buzz Lightyear Laser Blast
وطبعا اذا بخاطركم تتغدون ومنها تحضرون عرض بالمسرح شوفو الورقة الي فيها البرنامج تجي معا الخارطة وخلو غداكم معا عرض المسرحية ومكانه جنب ديسكفري تقريبا
والعرض الرئيسي راح يكون بين الساعة 4 الى 5 العصر بتوقيت باريس يعني بين 6 الى 7 بتوقيت السعودية
وهذا بخصوص البارك
اما الاستديو
مدخل الاستديو مبنى رقم 1 يحتوي على محلات ومطعم ومحل اول ماتدخل على يدك اليسار فيه هندي يصورك ويدمج صورتك معا اي شخصية من شخصيات دزني للذكرى ويلبسك لبس او تكتفي بالقبعه الي مرسوم عليها مثلا دزني 2009 او اي شكل وتختار تبي معا ميكي او هاي اسكول ميزكل او هانامونتانا او ليلو ويستج او باز يطير او اي شخصية من شخصيات دزني المشهورة الصورة الكبيرة معا صورتين مقاس عادي و8 صور مقاس اصغر ب25 يورو
وانصحك تشتري صورك الي تنعرض على الشاشات بعد اي لعبه في البارك او الاستديو على الاقل اخذو لكم من لعبتين الوحدة معا برواز ( افريم رائع وفخم ) ب 20 يورو =100ريال
المهم اذا دخلت راح تحصل في وجهك لعبة خطرة بصراحه ما لعبتها لان مكتوب انتظر بالطابور ساعه ونص وهذا انا في الشتاء قلت مالها داعي
معا ان اصراخ الي يلعبون فيها يشجع على المغامرة بس قلت مو مشكله السفرة الجاية
وهذي لعبة ثانية حلوة the Rock 'n Roller
بس بصراحه الي عجبنا مرة عرض السيارات هذا لازم تشوف البرنامج وتتاكد الساعة كم يعرض
وهذا بعد حلو عبارة عن قطار كانه تور سياحي يوريك الخدع في الافلام وبعض الحركات الي يستخدمونها بالتصوير
وبصراحه واجد اشياء حلوة في الاستديو مثل نيمو الي هو مبنى 5
وعرض شخصيات ميكي بالظلام وهم مولعين بالفسفوري رائع في مبني 3 يمينك اول ماتعدي المدخل الرئيسي
وفيه اشياء كثيرة الاستديو من حركات واكشن بس عيبه ان طوابيرة تتعب
وان شاء الله قدرت افيدك بشي
باقي لك ترتيب يوم واحد بس واتوقع اني راح انصحك برحلة بنهر السين
معا تمشي بالشانز اما اذا بخاطرك العاب بعد لعيالك راح انصحك بستراكس المشكله الاطفال مو مال متحف لوفر او ابرا بس راح يمر فيك الباص هالاماكن وتقدر تاشر عليهم من باب المعرفة
وان شاء الله احد يقدر يفيدك اكثر مني بصراحه 3 ايام ماتكفي بس على الاقل تجربه راح تكون حلوة ان شاء الله والله يسر امرك يارب