رجوى
06-05-2022 - 07:02 am
السلام عليكم ورحمة الله وبركاته
لو تكرمتوا أخواني عندي أستفسارات ردوا عليها تكفون
أنا ناويه أن شاء الله أروح لبنان هالعطله أول أستفساراتي
1- أنا ناويه أول ماأجي أروح منطقه جبليه واقعد فيها ثلاثه ايام وش تنصحوني فيه بحمدون ولا عاليه ولا برمانه من ناحية المطل الحلو والجو الزين والطبيعه
وبعدين أبي فندق ولا شقه ماتتعدى الستين دولار وأهم شي يكون موقعها ممتاز في هالمناطق؟
2- بعد هالثلاث أيام أبسكن في بيروت أبغى منطقه نظيفه ومريحه وبرضو قريبه من الأسواق خصوصا الأسواق الشعبيه يعني برأيكم افضل الحمراء ولا الروشه وأبغى السكن برضو بحدود ستين دولار بس يكون مرتب؟
3- اختصارا للوقت وش أفضل المزارات أو الأماكن اللي أروح لها في الثلاه الأيام الأولى والأيام الأخيره يعني على حسب القرب؟
4- هل فيه شلالات هل فيه بحيره يعني المناطق الطبيعيه اللي تفتح النفس ووينها فيه؟
5- بالنسبه للفنادق وش رأيكم هل نحجز من هنا ولا نأخذه من هناك أرخص وهل أفضل لنا شقه ولا فندق وحنا أثنين من ناحية الرخص؟
6- وش رايكم هل نأخذ ولا بيكتم حريتنا ويسوق زوجي أفضل وكم أجرة السواق بالسيارة والبنزين؟
هذي أستفساراتي والله يجزاه خير من يرد علي باأخلاص
وأحتمال يكون عندي أستفسارات غيرها تحملوني
تكفون لاتطنشوني
اختي الكريمه رجوي
حياكي الله معنا في بوابة لبنان ولاتشيلين هم الاعضاء مشاء الله فيهم الخير والبركه راح
يردون على جميع استفساراتك ان شاء الله .
ولاكن هل تعلمين اختي الكريمه ان لبنان غاليه سعر الستين $ ما تجيب لك الا غرفه في فندق ثلاث نجوم
وقديم من فنادق الحمراء . عاد ما بالك بالصيف ومع ازدياد السواح اكيد راح يكثر الطلب ويقل العرض
وبكذا راح ترتفع الاسعار واللبنانيين فرصتهم الوحيده هي الصيفيه .
انا اتوقع انك سوف تجدين السكن المناسب ما بين سعر 100$120$ تقريبا . يعني لاتتوقعين اقل من هالسعر على شان ما تتفاجئين . لانك تبين سكن مريح ونظيف .
وهناك مواضيع بالبوابه عن الاسواق والشقق وكل ما يدور في بالك فأجمعي اكبر قدر من المعلومات
قبل السفر وتوكلي على الله .
اتمنى لكي سفرا سعيدا
تحياتي
صقر من نجد