اضم صوتي لك..وياليت تكون عائلية وقريبة من الأماكن الحيوية..

النظافه والسعر والموقع
معادلة يصعب تحقيقها ولابد من حذف أحد عناصرها
او على الأقل التضحية بأحدها!!
طبعا يعتمد الأختيار اختي على نوع المواصلات اللي معاكم والله يحفظكم عددكم ومناسبة السفرة شهر عسل او عائلي او شياب او شباب واخيرا اهم شيء حطي لي ميزانية محددة في اليوم للسكن
تحياتي

aboaziz
شكرا يا أبو عزيز علو وقتك
بالنسبه للمعادله الصعبه أقول لو من كل شي شوي تكون بركه وبنمشي الحال ان شالله
بس اقدر اقول انه اهم شي النظافه اما الموقع والسعر ممكن نتنازل شوي
نحن عائله من 6 كبار وطفل واحد وتنقلنا راح يكون بالسياره
بالنسبه للسعر اذا فندق الميزانيه تقريبا 1000-1200 درهم لليله ويفضل غرفه ثلاثيه اما اذا شقق ف الميزانيه تكون دبل

Sara/07
صراحة شهري 7 و 8 الحجوزات فيها صعبة
اللي قدرت احصله (صعب البحث بدون توايخ محدده)
لكن حطيت من عندي اخر اسبوع من شهر 7
والباقي عليكي
شوفي
زيورخ
Swissotel Zurich
ميزته انه عنده غرف ثلاثية وهذا يعني انكم راح تاخذون غرفتين لكن بصراحة راح تكون الأمور شوي زحمه
وعندكم
Hotel Bristol
عندهم غرف ثلاثية ورباعية بعد
سعر الأسبوع للغرفتين بحدود 4 الاف دولار مع الضريبة
مصدري دايما هو موقع ترافيلوسيتي
الفندقين ممتازين من ناحية الموقع والسعر
صحيح مو التوب لكن جدا جدا معقولين
نجي لإنترلاكن
تقريبا عندي فكره عن معظم الفنادق
صحيح موضوع الشقق عندهم مره شحيح
لكن ما يمنع تجربين وتشوفين هذي
http://www.national-interlaken.ch/index.php?page=dyn1&id=11&lang=en
و هذي
http://www.swiss-inn.ch/
والأخوة الأعضاء جزاهم الله خير وضعوا موضوعين في بوابة السفر ممكن يكونوا ذو فائدة لما تبحثين عنه
https://artravelers.com/p/re/174943
الفنادق جدا كثيرة
تبدأ من700 ريال للغرفة في اللية
البلفيو فندق عادي
تم تجديده هذي السنة
سكنت فيه العام الماضي في الغرفة العائلية
اللي تشيل الى 5 اشخصا (غرفتين متصلتين)
وعندهم كوخ صغير على النهر (جدا جدا رائع)
ممكن ترجعين للدليل وفيه معلومات كافيه في يوميات صيف 2007
موقعه جدا جدا ممتاز
وفيه فندق انترلاكن وقولدي وسبلينديد زسويس شاليه والمتروبولي
كلها رائعة ومجربة ومتوسطة السعر
اتمنى البدء والبحث
لأن الوقت اكيد مو في مصلحتكم
واذا ممكن اساعد في البحث ماعندي اي مانع
فقط ساعديني في وضع الأيام والتواريخ
تحياتي

aboaziz
ألف شكر يا أبو عزيز... يعطيك ألف عافيه
بالنسبه للبحث معاك حق نحن فعلا تأخرنا وناويين على اخر شهر 7 بس انتوا ما قصرتوا وان شالله بتتيسر
موقع شقق انترلاكن : الناشيونال و ويلكم تو سويس انا دخلتهم من قبل وبصراحه دار راسي ولا عرفتلهم.... لاني افضل احجز عن طريق مواقع الفنادق مثل بوكينج و اكسيبيديا
شكلي بختار من الفنادق الي ذكرتهم
انا ببدأ البحث الان ومره ثانيه شكرا بو عزيز

Sara/07
لا شكر على واجب اختي
الله يوفقكم يارب