اكبتي اسم الفندق لان هوليدي ان كثار بباريس وفيه بجنب المحطه واحد وثاني شويه وين بالضبط

ماشاءالله ..كالسهل الممتنع ..هذي السرعه ولا بلاش ,,,اخوي فيصل هذا رابط الفندق Holiday Inn Paris Bastille قولي شنو وضع الفندق ..واشلون اوصله من المطار

كاني عطيتك عين اخوي فيصل .....خلاص اخذ راحتك على اقل من مهلك انا ناطر

وضعه قمه
من التاكسي لا طلعتي من عند الوحات الارشاديه للتاكسي بتلقينهم كم يتوقف هذا السعر حقيقه حسب الزحمه بالطريق بين 45- 65 يورو
بالقطار تروحين حسب اللوحات الارشاديه الي القطار الرير B وتركبون القطار الي محطه gare de nord ومنها تنزلون وتأخذون الرير D ودايركت لمحطتكم ومنها مشي للفندق
القيمه 9 يورو تقريبا المدة ساعه الا ربع
ما فيه شيء قريب منك مشي الا حديقه لوكسمبورغ
http://maps.google.com/maps?f=d&source=s_d&saddr=Holiday+Inn+Paris+Bastille,+Rue+de+Lyon,+Paris,+France&daddr=Place+des+Pyramides,+75001+Paris,+France+(Musee+Du+Louvre)+to:George+V,+Paris,+France&hl=ar&geocode=FdxX6QIdWzEkACFW2KB8GfAyBw%3BFeaP6QIdtKMjACGjkolRhCDdKw%3BFU266QIdmRojAClRrDt1wm_mRzEd1rAv5kJhIA&mra=ls&dirflg=w&sll=48.849129,2.342749&sspn=0.028692,0.084543&ie=UTF8&ll=48.859407,2.336226&spn=0.028686,0.084543&z=14

مشكور اخوي فيصل دقيق في كل شي ..قصدك اللوحات الارشاديه اللي بالمطار ؟؟سامحني اول مره انزل بمطار فرنسا ... يعني في مكاتب ناجر منها تاكسي مثلا ؟؟ داخل المطار والسعر مثل ما تفضلت على حسب الزحمه ..انزين القطار الى محطة النورد تتبعها لوحه ارشاديه وبعدين اغير واخذ الرير d ..سؤالي هل اسم المحطه اللي نبيها اللي اهي قار دي ليون مكتوبه على الرير عشان نعرف وين ننزل وباي محطه والسعر هذا 9 يورو للمحطه الثانيه ولا الاولى؟ ادري اسالتي كثيره بس تحملني ..ملاحظه السفر يوم 66 معاك اخوك ((سمبوسو))

اخوي سمبسو
بالمطار لوحة التاكسي موجوده من يوم تأخذ العفش يسار فيه بوابه للخروج وتشوف اللوحات الارشاديه
المحطه لا نزلت منها تسال عن الرير d
كل المبلغ هو اللي راح ياخذونه منك

الله عليك يا مراقبنا خبير فرنسا ..اجاباتك وافيه ...سؤال اخير من فضلك..ابي تضبطنا بركوب المترو من المحطه قار دي ليون الى المحطه القريبه الى برج ايفل ومتحف اللوفر لزيارتهم ..وهل في تغيير بالمترو اشلون الطريقه واشلون اخذ التذاكر؟؟؟؟؟وتنصحني اخذ جم تذكره للتنقل ,,,,,واسف ع الاطاله

التذاكر اشتر تذاكر كارنيه 10 تذاكر من المحطه نفسها تستخدم الاله للبيع ولا المكتب لك الخيار بذلك وفيه تقرير المترو من اخوي بيبسي كولا يوضح الطريقه ولا بالموسوعه الفرنسيه موضوع مثبت فيه مواضيع كثيره عن المترو
محطتك طبعا جار دي ليون الي اللوفر Palais Royal - Musée du Louvre من محطتك تركب القطار رقم واحد الاصفر ويروح دايركت بعد 5 محطه تنزل
ايفل
من محطتك تركب الرير الاحمر a وتنزل بمحطه شارل ديغول ايتوال تغير الرير وتركب القطار الاخضر رقم 6 وتتجه الي محطه bir- hakiem
اذا من اللوفر بتطلع الي ايفل تركب المترو رقم واحد الاصفر ولا وصلت محطه شارل ديغول ايتوال تركب الخط الاخضر رقم 6 وتتجه الي محطه بير الحكيم

كبير يا فيصل على التوضيح ...خلاص نتوكل على الله ونضبط الشنطه وانسكرهاا ودايركت المطار ...واشكر كل المشرفين على الموقع اللي اكثر من رائع