..
السلام عليكم
استفساري طويل قصة حياة
طبعاً سبق قبل سنتين رحنا تركيا وكان خطتنا ايام اسطنبول
اوزنقول طرابزون
المهم العائله الحين مايبغون اسطنبول عالطول طرابزون واوزنقول
وقسمنا اقامتنا بين طرابزون وبين اوزنقول وممكن ايدر لان قد طلعنا لها واتذكر ماشفنا سكن فيها
وتفاجئت باحد التقارير هنا ذكر فنادق فيها ففكرت نقسم اقامتنا بدل ماتكون ايام كلها اوزنقول
اوزنقول ايام وايدر ايام
والباقي طرابزون كم يوم ونرجع ل السعودية
السفر بتاريخ 2013 - 6 - 20
الى 2013 - 7 - 2
الحجز قبل سنتين كان من مطار صبيحة خطوط بيجاسوس ل طرابزون
حالياً نبغى نطلع من المطار الرئيسي اتاتورك طيران منه عالطول ياخذنا ل طرابزون
وكان قدامي خطوط onurair
لكن مافي رحلات حالياً داخلية عندهم ل شهور يوليو ويونيو راح انتظر شهر واشوف الحجز مره ثانيه
دام انتهينا من موضوع الخطوط ماقدامي الا موضوع الفنادق
خيارات الفنادق في ( اوزنقول وايدر محدوده اكيد )
قد صار لي موقف بحجز الفنادق في سفرتنا الاولى في اوزنقول خاصة
كنت حاجزة عن طريقق بوكنق على اساس انه في اوزنقول لانه طلع لي الفنادق بعد ماكتبت في البحث اوزنقول!
وتفاجئنا يوم اعطينا العنوان السواق قال هذي في ريزا مو في اوزنقول !
طبعاً مارحنا لهم وخصموا حق اول يوم والغينا حجز باقي الايام
وجلسننا يومها نفر في اوزنقول لما لقينا سكن وقضينا فيه ايام ويوم الاخير غيرنا السكن ،
اكثر شي عانينا فيه في سكن اوزنقول كانت سالفة غسالة الملابس وضيق الغرف وصغرها
يعني عائله في غرفتين صغار في كوخ !
وغير ان العائلة تبغى تستجم يعني مو يوم يومين بنطول نروق
وقتها كان في عمارة تبنى بس لسى ماخلصت
وامي تخطط عليها من ذاك الوقت اذا كررنا الزيارة نجي نسكن فيها
لان تقول دخلتها وفيه غسالاتوفيه شاشات بلازما يدخلونها
واكيد انها اوسع وافضل من الاكواخ ،
انا لقيت حالياً خيارات في اوزنقول لكن خايفة من اللي حصل
حتى امي تقول يالفندق اللي دخلناه وهو يبنى
ولا لاتحجزين اذا رحنا تتيسر
وانا مااحب سالفة الدوارة
هذي بعض الصور اللي كانت في اوزنقول
هذا صورة كوخنا اللي سكنا فيه
،
قريب من هذا الشي الجميل سبحان الخالق
..
ولقيت صور ل بعض المباني التقطتها في اوزنقول
مدري اذا موجود هذا السكن في بوكنق او لا !
و بعد البحث من جديد في بوكنق عن اوزنقول
لقيت هذا السكن اختيار مره رائع ل عائلة ،
السؤال هل هو في اوزنقول بالضبط ؟ ولا بعد يطلع لي في ريزا
https://www.booking.com/hotel/tr/uzungapl-apart.ar.html?aid=1300939
وهذا الفندق اللي ابغاه في ايدر
Otel Villa De Pelit
وهذا الرابط
من تقرير احد الاخوة هنا عن الفندق
..
وش رايكم في اختيار الفنادق ل اوزنقول ، ايدر !
واقتراحاتكم في فندق ل ايام في طرابزون !