صباحك ورد
عفوا رحلتك على اي خطوط لأنه عندي لك اقتراح ان كانت على التركية وان كنت لم تزور تركيا من قبل؟؟!!
ممكن نشيل يوم من سالزبورغ ونوديه لزيلامسي أم لا ؟ يعني هل جدولك ثابت وحجزت الفنادق وغير مسترجع سعرها؟

اهلا وسهلا
انا ان شاء الله رايحة عالخطوط القطرية
وحجزت الفنادق وقسمت الأيام
باقي علي تشطيب الجدول اليومي

1. اولا للطفل انا جاوبت هنا

هلا فيج اختي ..
ابشري اعوضج عن شلالات كريميل ... وراح نجد لكم اماكن ينبسط بها ولدنا الغالي ..
الجواب مع التفاصيل ..
اولا فينا :
جيد جدا .. ممكن اليوم الاخير حديقة شتاد بارك .. وحديقة وقصر لوكسمبورغ الافل الذهاب لها بالتاكسي ربع ساعه من فينا حلوه وفيها بحيره صغيره ووقوارب
سالزبورخ :
البحيرات الثلاث بيوم واحد .. اليوم الثاني حدائق الميربال ورحله بنهر السالزاك .. والذهاب الى مجمع يورب بارك جميل وايضا سنتر المدينه القديمه وشارع التسوق كلهم بوسط سالزبورخ
اليوم الثالث انصحج بالذهاب الى قرية وبحيرة موندسي الجميله والقريبه ..
ثالثا زيلامسي : :

اولا للطفل انا جاوبت هنا

https://artravelers.com/p/re/342893
تعويض الى شلالات كريمل اتروحون مدينة باد قستن بالقطار ساعه عند محطة القطار يوجد مطعم تركي ناسي اسمه .. ثانيا يوجد اجمل الشلالات بالسنتر ومقاهي جميله واجواء بارده ومقبوله كونها مرتفعه بالجبل تقضون فيها يوم كامل وممكن تنزلين الى باد هوفقستن ببطن الوادي .. لي تقرير خاص يتكلم عن المدينتين .. لا تتطوفج
انصحج بالذهاب الى انسبروك بالقطار ساعتين واتروحون الى عالم شوارفسكي وزيارة المدينه الجميله ومشاهد حديقة الحيوانات الصغيره لي تقرير ايضا عنها ..
اليوم الثالث الزحلاقيه الصيفيه وسنتر زيلامسي والقوارب ..
في فعاليات كثيره لكن انا اقتصرت على الافضل لكم التقارير هنا لزياده
https://artravelers.com/p/re/344083
ميونخ الجمعه والسب الاسواق مفتوحه .. مع زيارة المدينه الاولمبيه وملاحقاتها من حديقه واسواق وبرج
جميع اسواق ميونخ هنا
https://artravelers.com/p/re/357352
تبين شيئ مقبول ولا يوجد ببلدنا محلات .. c&a موجوده بفينا الارخص
اتمنى ان اكون وفقت بالجواب
تحياتي ورحله سعيده

الله يسعدك أخ علي
من بداية تخطيط رحلتي وانت ماشاء الله تبارك الله تجاوبني على كل شئ
قلتها سابقا واكررها ونعم المشرف
واجابتك موفقة ونص
وان شاء الله نرد جميلك بتقرير يبيض الوجه

اختي ااناا اشوف عادي لو طلعتي للشلالات مع ولدك مو لازم تروحين الشلالات الي فوق لا روحي للشلال الكبير
ثاني مدري ثالث محطه للمكان المطاعم و الكوكشكات روحي يسار و روحي للشلال الكبير
وبعدين انتي لبسيه لبس ثقيل
لان تبين الصراحه والله اذا رحتي للنمسا وما رحتي زيلامسي ما كانك رحتي النمسا و اذا رحتي زيلامسي وما رحتي الشلالات و لا الثلج ولا ركبتي القارب في البحيره ما كآنك رحتي زيلامسي
الثلج صح معك حق بيكون صعب و معك الطفل
بس الشلال عادي اليوم لمن رحت لهاا والله شفت عايله خليجيه ومعاهم ولدهم وبالعربيه و ملبسينه تماام جاكيت ثقيل و طلعوا عاد هذول طلعوا فوق بس فوق بصراحه تعب يبالك ثلاث ساعات
وعلى يوم الاحد ترى الاحد كل شي مقفل ما عاد المطاعم محلات و سوبرماركت وكل شي
معادا في زيلامسي القوارب و اليخت بس الي فاتحين

h&a&m
حياج الله ... وبالتوفيق .. وبجميع المقايس بيطلع تقريركم ممتاز ....
بس مهم اتشوفين التقارير حتى تأخذين معلومات تفيدكم
رحله سعيده