موفق باذن الله تعالى والاخوان لن يقصروا معاك ولو راجعت المواضيع راح تحصل برامج ذهبية ونصائح تفيدك برحلتك

دامك وحداني اتريوم هو الاقرب لرادن صالح وشكيني وجميع الخدمات سعره اعتقد الان 620 الف روبيه وهو مناسب لك في ظني

فندق كراون بلازا اعتقد ب70 دولار فخم جدا

1. وبعدين ارجع الى جاكرتا وريح فيها يوم.

صوت الجبل
هلا ومرحبا اخوي صوت الجبل.
انا افضل انك تخليك على الاتحاد لان الانتظار في مطار ابوظبي بنسبه لااهل الدمام تقريبا بس ساعه في الذهاب والعوده.
بنسبه لرحلتك 15 يوم انا اشوف انها حلو مع العلم اني ما افضل ان الواحد يسافر لحاله. بس خلك ذيب هناك.
شوف ياالطيب اول ما توصل مطار سوكارنوا "مطار جاكرتا" وبعد ما تاخذ عفشك وتحجز لك سكن من مكتب كاها اللي في المطار.
اذا ما فيك تعب روح لصالة الطيران الداخلي في المطار وشوفلك اقرب رحله الى بالي. واقعد هناك 4 ايام.

وبعدين ارجع الى جاكرتا وريح فيها يوم.

وبعدين اطلع الى باندونق من جاكرتا باالقطار على درجة الااكزكتف. واول ماتوصل هناك احجز لك هناك في فندق خمس نجوم لمدة 3 ايام روح فيها للمجمعات والمياه الحاره البركانيه واذا حاب تغير سكنك وتسكن في مجمعات طبيعيه باالقرب من المياه الحاره مثل مجمع شياتر فهذا جيد.
وبعدها اطلع الى الجبل من باندونق بسياره والمسافه تقريبا 3 ساعات وراح تستمتع باالطريق كله طبيعه.
عاد في الجبل "البونجاك" غير . على فكره اشترط على السائق اللي راح ياخذك من باندونق الى الجبل انه ما يخليك الا لما تحصلك فيلى خاصه او في مجمع حلو وامين.
بعد ما توصل الجبل وتسكن راح تجد فعاليات ترفيهيه كثيره مثل "حديقة سفاري .وانصحك ما تروح لها الا في عطلة الرسميه السبت او الااحد عشان تستمتع باالعروض اللي هناك+الشلالات +البرشوت+مصنع ومزارع الشاهي+حديقة الزهور+بحيرة الليدو+زيارة مسجد التعاون.
ولا تنسى تجرب تيوسهم + الذره على سفوح الجبال الاخضراء.
كم صار عدد ايامك الان : 4 ايام بالي+1 جاكرتا +3 ايام باندونق+5 جبل البونجاك"
يابقى من رصيد رحلتك يومين انا افضل انك ترجع الى جاكرتا وتقضيها ما بين المجمعات +وانشول+ودنيا فانتازيا ....واهم شي انشول يبيلها يوم خاص لانها مدينه ساحليه وفيها فعاليات كثيره.
تحياتي