دعائي دنيتي
05-06-2022 - 10:57 pm
بسم الله الرحمن الرحيم
هذي أول مشاركة لي بس طبعا متابعة لكم من زمان بل من سنين
المهم أنا سافرت قبل ماليزيا ولفيتها كلها مع زوجي وبنتي كان عمرها ذاك الوقت 8 شهور وضوقتني الويل بس ماتبت وكل مرة أسافر آخذها معانا وألخين ماشاءالله بتكمل خمس سنين بس أخوها عمره 10 شهور
فعشان هالشي هالمرة حجزنا بروحنا مو مع جروب سياحي وحجزنا بس كوالالمبور وزوجي ماشاءالله رايح من قبل مراات ومرات في دورات شغل يعرف كوالا عدل عدل احنه فضلنا مانتنقل لأن عندنا رضيع وغير ان رحنا كل مكان قبل بس المشكلة الفترة طويلة يعني سفرنا من تاريخ 9-يوليو لحد 25 يوليو فاقترحت عاى زوجي ان نحجز مبدئيا بس اول خمس ليالي وبعدين نشوف في عندنا فكرة ان نروح تايلند بس نحجز من هناك
أبي أحد بس يساعدني شلون نحطز لتايلند من هناك يعني كولا تايلند ونرجع كوالا بعدين
وزوجي يقول مايبي يجازف يحجز بس خمس ليالي وبعدين نتورط
ماأدري صرااحة فخططوا لي اذا ماعليكم أمر تخطيط حلو بدون تنقلات كثيرة لأن الاثنين إلي عندي عذااب يبي لهم طاقة وصبر وطولة بال
وخبروني عن الحجز لتايلند شلون وكم يكلف
وزيدوا عليها شوية نصاايح وشكرا مقدما
إذا سفركم يوم 8 يعني الوصولو يوم 9 والعودة يوم 25 يعني عندكم 16 يوم وماتبغوا تحركات كثير
طيب أنا بقترح عليكم برنامج حلو وفيه تجديد ومافيه تنقلات كثير
أول ماتروحون على كوالا وزي ما خططتوا احجزوا 5 ليالي
خلال تواجدكم في كوالا خصصوا يوم لزيارة مرتفعات جنتنق
ويوم لزيارة سلانقور للإستمتاع بحديقة الألعاب المائية
ولو حبيتوا أيضاَ يوم لزيارة أفاموسا
بعد كذا تروحوا على سنغافورة وسنغافورة صغيرة جداً كما تعرفين يكفيها 3 أيام وقريبة جداً من ماليزيا وإسمها رحتوا شفت دولة ثانية تقضون فيها 3 ليالي
ثم من سنغافورة على بينانج شمال ماليزيا وأقرب شيء لتايلند بواسطة طيران إيرأسيا مباشر
تقضون في بينانج 3 ليالي ومنها بواسطة طيران إيرأسيا إلى تايلند وتقضون ففيها ال 5 ليالي الأخيرة
تمنياتي لكم برحلة موفقة إن شاء الله