امواج
11-05-2022 - 08:17 am
السلام عليكم ورحمة الله تعالى وبركاته
احنا السنة ناويين نسافر بريطانيا في شهر 8 , وابي مساعدتكم لاني احنا عايلة كلها اطفال وابي اسكن في مدينة جنب لندن , وفيها ملاهي او اماكن سياحية للأطفال
هل ممكن تفيدوني عن :
1- احلى المدن القريبة من لندن
2- السكن سواء الفانادق او الشقق الفندقية وكيف نحجز فيها ؟
3- المسافة بين لندن وهالمدن
4- الاماكن السياحية في كل مدينة
5- ومعلومات عن احلى المدن الأسكتلندية لان ناويين نقعد في لندن اسبوع وفي اسكتلندا اسبوع
وجزاكم الله كل خير
بتكلم لك عن المدن اللي انا زرتها
فيه مدينه بورنموث هذي ساعتين تقريبا عن لندن مدينه ساحليه وسياحيه فيها عروض على الشاطىء وفي شهر ثمانيه تقدر تسبح في البحر الجو يساعد برايتون بعد حلوه بس اكبر من بورنموث
اذا تبي تقدر تروح ويلز هاديه ورايقه وجوها شي تنفع للي يبي الريلاكس عاصمتها كارديف حليوه بس المدينه اللي في ويلز سياحيه سوانسي هذي على البحر ومدينه ملمومه وحليوه
اسكتلندا حلوه وبارده واهلها حبيبين ادنبره العاصمه اذا جيت بتسكن دور سكن جنب برنس ستريت ان كاني ماني غلطان وفيه شارع ثاني بعد كبير الظاهر رويال او كنج ماني متذكره زين المهم خلك حول الحديقه اللي في الداون تاون
غلاسكو مدينه اسواق واعمال فيه قبل اسكتلندا منطقه البحيرات هذي خلوه ورايقه وهدوء