abusalem
انا كنت موجود بهذه الفترة عام 2009 والحركة كانت ممتازة... لأنها فترة الربيع والجو تمام جداً... توكل على الله

أشكرك يالغالي وانشالله نستفيد من الشباب لانها معلومات تهمني كثير

ياليت أحد تكون عنده معلومات عن الفنادق المذكوره جزاكم الله خير .. لأن يمديني أغير والسفر آخر الأسبوع

الحال من بعضه ياابو سالم
جنيف نهاية الاسبوع مافيها الا انا وانت ههه

فندق جنيف الافضل تغيرة اذا فيه امكانية . لو انا مكانك ماراح اختارة مع اني ما جربته لكن اراء النزلاء في التريب ادفايزر والبوكنج ما تشجع ابد.
وضح لنا التواريخ و حدود السعر المطلوب .
الفترة الي بتسافر فيها من الاوقات المفضلة عندي مع سيبتمبر . لا تقلق من هذي الناحية صدقني بتنبسط

اخوي سعد انا آخر الاسبوع راح اكون في جنيف انشالله

الفزعه ياشباب .. انا حجزت فندق nash ville في جنيف عن طريق موقع بوكنق ودفعت الفلوس وخلصت والحين الشباب يحذروني من الفندق وانه يقع بالمنطقة الحمرا ولا ادري شنو المنطقه الحمرا هذي ... ولما بغيت أكنسل الحجر أو أغيره قالو لي ماراح تسترد المبلغ في حالة الألغاء أبدا !!!!!
الحين شسوي انا معاي أهلي .. أضحي بفلوسي اللي دفعتها وأسكن فندق ثاني جديد ولا اكمل وأسكن فيه ولا أغير ولا شسوي بالضبط .. أنا آخر الأسبوع هذا راح أكون هناك يعني ماعندي وقت .. الفزعه يالنشاما

مافيه أحد من المشرفين أو خبراء سويسرا يتفضل علينا ويفيدنا ؟؟؟!!!!!!!!!!!!!!!!!!!!!!!!!!!!!!!!!!!!!!!!!!!

abusalem
طيب ماتقدر تكلم على موقع بوكينق وتتفاهم معاهم على اساس انك مو تكنسل لا تقوم فقط بعمليه تبديل بنفس القيمه او اعلى شوي وتطلب منهم يحطون تغييرك على اوتيل اخر عليه نفس الشروط في سياسه عدم الاسترجاع جرب معهم اتوقع يتجاوبون معك لان مره اخوي كلمهم عشان تعديل الحجز اعتقد وكانو متجاويبين واذا مانفع وانت نفسيا مو مرتاح ضح بفلوسك اهم شي الراحه النفسيه
التعليقات الي تجي بشكل عام بعضها مفيده وبعضها مبالغ فيها شوي او يختلف من شخص لشخص مثلا انا واهلي سكنا في انترلاكن الكربس انترلكن حلو وموقعه زين لكن الاوتيل انواع الازعاج وتسمع صوت الي في الغرفه الي جنبك واي حركه فوق تسمعها المشي ويجلس الخشب يطقق فوق راسك انا تضايقت من هذي الناحيه والتكييف ماكان بارد لكن في اعضاء كثير هنا يعجبهم الاوتيل يعني يختلف من شخص لشخص
بالنسبه الاوتيلك هذا ماعندي علم فيه والا المنطقه الحمرا ذي وش المقصود فيها بس اسمها يروع
كنت اتمنى افيدك ان شاء الله تلقى رد سريع