السلام عليكم ورحمة الله وبركاته
اخواني جايكم اليوم ابي المشورة على الله يطلع على احد فيكم يساعدني
طبعا انا مولود في امريكا لان الوالد كان يدرس هناك ولكن صارت له ظروف وبأخر سنة دكتوره
رجع للسعودية وقدم على الدكتوراه من جديد واخذه من بريطانيا .
الحاصل ان السفارة طلبت مني احضار شهادة ابوي الجامعية اللي تثبت انه كان طالب يوم انا ولدت
وابوي ماحصل على الدكتوراه من هناك قمت جبت لهم شهادة الماجستير فقالوا لي انه اخذها قبل لا انولد
وانهم يبغون الشهادة تكون بعد ميلادي او بنفس الفترة على الاقل واخوكم بالله متورط لان الوالد الله يشفيه مشلول ولا يقدر يطلب كشف درجات و ابغى اعرف شلون اقدر احصل على كشف درجاته للسنة اللي ولدت فيها .
عموما هو كان طالب في جامعة اريزونا و انا ابغى شهادته عام 1987 .
ياليت ياشباب تساعدوني تراني في حالة مايعلم بها الا الله لانهم رفضوا يعطوني الجنسية قبل ماجيب الشهادة ورفضوا يسقطوها قبل ما اثبتها يعني لا جواز ولا فيزا وبالاخير صرت معلق والايام تركض وانا ابي حل اللي عنده فكرة تكفون ساعدوني .
تحياتي للجميع ويعطيكم الف عافية