1. قالت حجوزات الانترنت على الاوتيلز "الفنادق" يعني

اخواني اخواتي رحت اليوم للسفارة الاسبانية ويا علي مارحت
حقيقة نفوس قشرى وناس يناظرونك كنك ذباب الله يكرمك والمشكله انهم عرب من الربع الي تخبرون شوفة النفس مدري على وشو
المهم مستكمل كامل الطلبات
1-تعريف بالراتب
2- كشف حساب 6 شهور
3- تأمين سفر
4- تعريف من جهة العمل كامل
5- صورة بطاقة الاحوال ودفتر العائلة
6-صورة من التذاكر مؤكدة
7 -جوازت السفر
8-حجوزات الفنادق
والرسوم بجيبي وحاط يدي عليهم :120:على بالي مستانس اول ما سألت عن الفيزة قالو رح للشباك وااروح والقا وحدة تكلم بالتلفون
طبعا لطعتني ربع ساعه وبعدين اخذت اوراقي وقالت لي اول شي فيه موعد قلت لا قالت لي ""خود موعد بالاول بعدين تعا"
سالتها من وين اخذ موعد قالت لي بالتليفو قلت طيب وانا اقول بنفسي طيب يالخبله انا عندكم الحين وتقولين لي خذ تلفون
المهم قلت لها لو سحتي ممكن تشيكين اوراقي علشان اتأكد من سلامتها
اخذت الاوراق وقعدت تتاكد منهم بعدين قالت لي وين "الفاقس" قلت لها اي فاقس

قالت حجوزات الانترنت على الاوتيلز "الفنادق" يعني

فلت لها هذا فاوتشر بيدك وكل حجوزاتي اوكي قالت لا "ماعم بيمشي الحال هيك" طيب ليه قالت لي لازم يرسلوا الفنادق الي حجزت معون فاقس لا إلك لحتى يكون الحاجز مؤكد مدري وش قصدهم من هالحركة الغبية صراحة ترفع الضغط تحس انك تراجع الجوازات اواخر التسعينات بالقرن الماضي قلت لها بس
قالت لحزا شوي (لحظة)
قلت طيب
قالت شو هيدا وتطلع التأمين الطبي وتقراه قلت وش فيه ترى والله ماسويت شي
قالت هيدا تأمين طبي لمدة شهر قلت ايوة شهر قالت لا ماعم بيمشي الحال لا زم بس فترة السفر :5:
يعني 13 يوم فترة سفري بس يعني لو تأمينك 13 يوم و 3 ساعات بيكرشونك
يا والله العله يابنت الحلال الزيادة ولا النقص قالت لا ماعم بيمشي الحال
واضفضف وريقاتي واقرب يوتيرن واقرب مخرج وامسك الدائري الغربي وهذاني بالبيت جالس الملم جروحي من القهر وضايق صدري
نداء عاجل لذوي الخبرة في المجال هل من طريقة اخرة غير هؤلاء لإستخراج التأشيرة ارجو المساعدة وانا بيني وبينكم خايف اني استخرج تأشيرة من سفارة دولة اخرى ولين نزلت بمطار مدريد مسكوني الباب وقالوا لي ارجع من حيث اتيت تكفون الفزعه يا اهل الخبرة اخوكم في مأزق وخاصة سالفة الفنادق هذي حاولت فيها بس بدون جدوى بيني وبينكم الفنادق مو متجاوبين واللغه 2 بيض كثر شطة
هل من طريقة يا اساتذه
شكراا لكم