موجوده هذه الاشياء في الاسواق الليلية

السلام عليكم
اللي سبق وشاف محلات تبيع زي شعبي (تقليدي) اللي يلبسونه بإحتفالاتهم ... للبنات سن 5 _ 6 سنوات يدلني عليه ..(في بانكوك)
ومشكورين مقدماً
مرحبا اختي حبيبة بدر
بالنسبة للملابس التقليديه موجوده وبكثره في الاسواق التايلند مثل السوق الليلي و سوق الاحد و سوق باتونام
وانا اشتريت هذي السنه حق العيال من مركز البج سي ال في بانكوك كما مبين على يمين الصوره بحرف C

هناك كشك تبيع فيه امرءه كبيره في السن وبعض الاحيان ابنتها الصغيره تبيع في نفس المكان عمرها تقريبا لا يتعدي 15 سنه ويقع هذا الكشك في الطابق الارضي مقابل محل المساج عند البوابه الخلفيه عندهم ملابس جميله وفي غاية الروعه مثل

• الملابس الصينيه التقليديه
• الملابس السموراي الصوفيه
• -ملابس اهل منطقة شنجماي السوداء المزركشه بالاحمر
• قبعات للبنات واحذيه تقليديه
• وهناك البسه جميله وراقيه وكلها للبنات وللاولاد من سن السنتين الي 15 سنه

السعر جيد جدا يبداء من 250 بات اي 25 درهم الي 500 بات اي 50 درهم وبحق البس يستاهل مقارنه بنوع القماش وجودته
تحياتي لكم اي استفسار انا حاضر
اخوكم بخالد

الحوسني
يعطيك العافية .. بإذن الله بس أنزل بانكوك بمر السوق الليلي أكيد

روح غناتي
من جد يعطيك الف عافية .. وبالفعل أسعار مره حلوه .. أنا زلت من سنتين لتايلند ومتخيلة الأسعار حلوه ورخيصة لكن انصدمت يعني فيه شغلات عادية مررة مثل السعودية سعرها..وقلت أكيد ارتفعت بعد مع هالغلا ..
مركز البيج سي مازرته قبل بس هالمره بروح اشوف هالكشك اللي تمدحه تشكرات