بالنسبة للسؤال الأول
إن شاء الله يفيدونك باللي أخبر مني
أما عن السؤال الثاني
النقاب واللثام والحجاب بشكل عام مافيه أي مشكلة أبد أبد

طبعا مافي شك الدايركت دائما اريح وافضل بالنسبة لزيارتك لسويسرا والنمسا والمانيا تعتمد على عدد الايام وجميعها تستحق الزيارة بالنسبة للأغلبية اللي تشوفهم يحجزون على ميونخ لأنها قريبة من زيلامسي او يرغبون الاقامة في بداية رحلتهم في ميونخ وما جاورها .... وعلى فكره لما تشوف الحجوزات اعكس الاتجاه اذا ما كان عندكم مانع وغالبا في فرق سعر يكون اقل على حسب الشهر اللي ناوين تسافرون فيه الرياض فرانكفورت جنيف الرياض جرب وشوف ..... رحلة سعيدة ان شاء الله

مشكورين ما قصرتو. الرحلة مدتها 14 يوم. ودي ازور كل المدن لانها اول زيارة. الحجز في اغسطس سنستأجر سيارة ان شاء الله. يعني ترشح لي الرياض فرانكفورت ...اولا ثم جنيف الرياض. يعني ما راح يكون فيه مشقة. والرحلة لن تفقد متعتها. لاني فعلا. ودي اخر الايام اختم بانترلاكن. للاستجمام. بارك الله فيكم. لو احد جرب خط السير هذا. يساعدني. اكون ممتنة

وبالنسبة للسيارة سمعت انه فيه ضرايب عند اختلاف دولة التسليم. كيف بيكون الوضع ؟؟؟

انا اقترح عليكم يوم الوصول فرانكفورت 4 ايام زيلامسي او كابرون ومنها تزورون سالزبورج 3 بيرتساو وما راح تندمون ومنها تزورون قارمش الألمانيه حلوه وقريبه من بيرتساو بحدود ساعة وطريقها ما يحتاج الريف الألماني 5 انترلاكن ويوم بجنيف استعدادا للسفر وبخصوص السيارة فيه هالأيام تخفيض في هيرتز يوصل ل33% وهي الأرخص على الإطلاق وجربتها مرتين هي الأروع والأرخص وأكيد فيه ضريبة تسليم في بلد آخر

انا اشوف انكتنزل لميونخ افضل
مدينة فرانكفورت مدينة عملية وتجارية
والسياحة قليلة بها كوجهة
افضل واقرب لك ميونخ
والامر يعود لرغبتك

جزاكم الله خير ربي يحرم يديكم على النار
. الأخ سيالة. مشكور راح اعتمد مخططك بإذن الله. . . تم الحجز اليوم والحمد لله. المدة 13 يوم. وأقول للي ما حجزو حق اغسطس. الحقو بدقيقة زاد سعر التذكرة كانت 3700 صارت 4000 الا شوي. الرياض فرانكفورت. جنيف الرياض. اما العكس. ب5000 وفوق. وموقع الخطوط زي العادة خلل على حجز الوجهات المتعددة شايلين الخيار بكبره
،،.طيب حجز السيارة ناخذه من فرانكفورت ؟؟ والا نأجلها شوي
الاخ ابو طلال. الترانزيت صعب شوي ، ولا اكيد ميونخ افضل

الله يعينك على رحلتك ترى حتضرب مسافات ماهي قصيرة خلينا نبدأ حبه حبه للبرنامج اللي ناسبك الوصول فرانكفورت الى زيلامسي 570 كيلو الى بيرتساو 120 كيلو الى قارمش 80 كيلو الى انترلاكن 380 كيلو الى جنيف 220 كيلو طبعا ممكن تلغي السكن في بيرتساو وتخليه بقارمش كذا تكون خففت شوي من ضغط المسافات واذا كنت تفكر بطريقة الغاء دفع ضريبة تسليم السيارة تطلع من مطار فرانكفورت على ستراسبورغ الفرنسية ومنها تستلم السيارة وتنطلق لزيلامسي وتسلم السيارة بمطار جنيف الجانب الفرنسي بس برضه بتكون المسافات طويلة من المطار الى ستراسبورغ 210 كيلو ومنها الى زيلامسي تقريبا 550 كيلو وبتسير رحلتكم مسافات بمسافات وحتفقدون المتعة حتى وان كانت الطبيعة ممتعه والاجواء رائعة لكن راح يصيبكم ملل مش طبيعي راجع المسافات وفكر فيها صح وهذا الكلام ايضا ينطبق لو عكست السير اللي هو الوصول جنيف والمغادرة فرانفكورت والقرار لكم تحياتي

اوه ماي قاد يا بو نورة. يعني اشوف المشكلة بفرانكفورت. طيب راح نستخدم القطار. المشكلة اني ما اعرف المسافات. ودي ازور كلير. بفرانكفورت. بس يمديها كبرت الحين. طيب الغابة السوداء وين ،،،، مو مشكلة ندفع ضرايب ما فيه محطة بين فرانكفورت واي مدينة ثانية للاستراحة. لو حبينا ناخذ سيارة ؟؟؟