wajeeh1405
26-09-2022 - 06:45 pm
السلام عليكم و رحمة الله وبركاتة
والصلاة والسلام على اشرف الانبياء و المرسلين سيدنا و نبينا محمد صلى الله عليه وسلم
قررت اني اروح شهر العسل في المالديف بعد ما شفت مواضيع بعض الاخوان و الاخوات
واحب اشكر الاخ aboaziz
و الاخت بسبوسه
و جميع الاخوة و الاخوات اللي كتبوا تقارير عن منتجع الهيلتون
على المواضيع الرائعة و الكاملة و الكامل وجة الله
بس عندي بعض الاستفسارات:
1- قررت السفر يوم 6/9/2011 لمدة سبعة ليالي في Hilton Maldives Irufushi Resort & Spa فكيف ح تكون الاجواء هناك وهل المدة كافية؟وكيف المنتجع 5 نجوم ؟
2- ايش افضل واضمن طريقة للحجز عن طريق النت او المكاتب
لقيت عن طريق Agoda ب 27000 تقريبا
و عن طريق مكتب ب31000 تقريبا
شامل الافطار و التنقلات من والي الجزيرة و الطيران على الاماراتية
وهل موقع Agoda مضمون 100% و اذا حجزت عن طريقة اقدر اسوي ترتيبات لشهر العسل؟واذا حجزت من بدري يفرق في السعر؟
3- بالنسبة للطيران ايش افضل الامارات او القطرية او السيرلانكية؟
4- وكم المصروف تقريبا ح يكون للنشاطات و العشاء ؟
واسف على الاطالة
وشكرا
وعليكم السلام ورحمة الله وبركاتة
أخي الكريم wajeeh1405 بخصوص استفساراتك راح ارد على حسب معرفتي
1- قررت السفر يوم 6/9/2011 لمدة سبعة ليالي في Hilton Maldives Irufushi Resort & Spa فكيف ح تكون الاجواء هناك وهل المدة كافية؟وكيف المنتجع 5 نجوم ؟
الجو راح يكون جميل أن شاء الله ومثل ماهو معروف جو المالديف واحد ولكن يختلف في سقوط الامطار في الاوقات هذي وان الموسم عندهم والذي يرتفع الاسعار فيها من ديسمبر الى ابريل
المدة كافيه طبعا ولكن لو كانت مقسمه على منتجعيين تكون افضل بكثير لانك راح تمل من من منتجع واحد او تاخذها كامل بمنتجع مثل كونراد لانه كبير وتتعدد النشاطات فيه ممكن انك تاخذ 7 ليال فيه او تفسمها على منتجعين بواقع 4 ليال والثاني 3 ليال او كل منتجع 4 ليال وباقي المدة تمر دبي او قطر تقضيها فيها على حسب الخطوط اللي راح تسافر معها
2- ايش افضل واضمن طريقة للحجز عن طريق النت او المكاتب
لقيت عن طريق Agoda ب 27000 تقريبا
و عن طريق مكتب ب31000 تقريبا
شامل الافطار و التنقلات من والي الجزيرة و الطيران على الاماراتية
وهل موقع Agoda مضمون 100% و اذا حجزت عن طريقة اقدر اسوي ترتيبات لشهر العسل؟واذا حجزت من بدري يفرق في السعر؟والله انا مابعد جربت الحجز عن طريق النت للمالديف او الموقع هذا جربت مواقع ولكن لدول اخري انا انصحك تاخذ من الاماراتيه للعطلات عروضهم ممتازه وطبعا تحجز من بدري هذا امر مهم وحسب علمي واللي اخبرتني به احد الموظفات فالاماراتيه ان الحجز قبل السفر بشهرين للمالديف هناك خصم 15 % على الباكج والسعر ممتاز جدا اللي معطينك اياه الاماراتيه
3- بالنسبة للطيران ايش افضل الامارات او القطرية او السيرلانكية؟
طبعا من دون منازع القطريه افضل من السيرلانكيه اسئل اهل الدار عن خطوطهم والاماراتيه طبعا مميزه بعد
4- وكم المصروف تقريبا ح يكون للنشاطات و العشاء ؟
والله على حسب صرفك هالامر يتوقف على كل شخص وصرفه بعطيك كمثال لما طلعت المالديف كان معنا 5000 دولار لمدة 8 ليال ولكن كنا نصرف براحتنا على الاخر غطتنا اذكر كونراد كان المبلغ المصروف 2700 و w كان 2300 ولكن اذا صرفك متوسط راح يكفيك حدود 3000 دولار وتقدر تاخذ معك من 500 الى 1000 دولار احتياط لحدوث اي طار معكم