حياك اخوي معانا في بيتك الثاني ..
بالنسبة لخط السير مناسب ل 20 يوم ويفضل الوصول الى فيينا والعودة من جنييف او العكس .. ويكون كالاتي :
3 فيينا >> 3 سالزبورق >> 5 زيلامسي >> ليشتنستاين استراحة فقط لمدة ساعتين اثناء الرحلة من زيلامسي الى انترلاكن لانها 6 ساعات ونصف >> 3 انترلاكن >> 4 جنييف
وفي جنييف تستطيع زيارة شامونيه او آنسي الفرنسيتان والعودة في نفس اليوم .. هذه 18 ليلة اجدها مناسبة مع حريتك في زيادة او تقليل الايام ..
هذا تخطيط مبدئي .. وانتظر رأيك لنكمل البرنامج ؟؟
بالتوفيق

تسلم على ردك يابيمو ..
بس حط في بالك انا عندي طفلين .. تتوقع بكل سهوله راح أقطع مسافة 6 ساعات ونصف؟ .. ثاني شي كيف حجز السياره اذا وصلت فيينا مثلاً؟ .. وهل فيه كرسي أطفال بالسياره؟ وهل يجي gps بالسياره؟
وش رايك في كابرن KAPURN ؟
مشكور

حياك اخوي ..
بالنسبة للطريق من زيلامسي الى انترلاكن مو بعيد اذا توقفت في ليشتنستاين يعني بيتقسم الطريق على الوقت .. و3 او 4 ساعات ما اعتقد طويلة بالنسبة للمناظر والطبيعة هناك وبرضوا بتريحون ساعة في مطعم للغداء ..
بالنسبة لاستئجار السيارة يفضل انك تحجزها من بلدك وتستلمها اذا وصلت .. او اذا وصلت هناك تستأجر .. والمكاتب مثل : يوروب كار - سيكست - بدجت - هوليدي كار .. واذا استأجرت تطلب كرسي اطفال .. واذا بغيت اطلب بالنفقيشن ..
بالنسبة لكابرون هي منطقة قريبة من زيلامسي 7.5 كم .. وبعض المسافرون العرب يسكنون فيها لمن يبحث عن الشقق والراحة .. ويوجد بها مرتفعاتها الشهيرة .. والمطار المتواضع اللي تقدر تاخذ منه جولة بالطائرة الشراعية .. وايضا البراشوت ..
بالتوفيق ،،

Fride Boy
السلام عليكم
تخطيطك المبدئي جداً روعة وستستمتع بالسيارة ضعف من يتنقل بالوسائل العامة ... المسألة لن اقول لك بهذه السهولة فقط بل بهذه المتعة الحقيقية ولن تواجه اي صعوبة باذن الله...لا انصحك باكواخ ولكن جرب فنادق على مستوى عالي في قرى صغيرة او بعيدة عن السنتر ... الطريق جربته وانصح بقوة كل من يسافر خصوصاً للنمسا ان يستاجر سيارة بشرط ان شتري جهاز النوفي من بلده ويحمل خريطة اوربا 2009
وفقك الله

السلام ؟؟
اخوي انصحك خصوصا السكن بفينا تسكن برادسون ساس او انتركونتينتال او نوفيتيل فيينا ...لسبب قريب لمنطقة الواين والشارع الشهير شارع الممشى ... مقابل حديقة مافي زحمه الناس وبعيد عن الجهه الثانية اللي فيها زحمه المحلات والبارات اللي ما تصلح للعائلات ... وانصحك بعد تاجر سيارة من مدينة ميونيخ ارخص وسيارات اجدد
وسلامتك

الله يعطيكم العافيه ياشباب على ردودكم ..
طيب وكيف الأجواء في يوليو في هذي المناطق (سالزبرغ, كابرون, فيينا, زيلامسي, وجنيف)؟

غالبا حارة الى حد ما ( ولكن مو مثل الحرارة عندنا يعني مقبولة ) .. ولكن اذا كان الجو غيم ومطر تميل الى البرودة .. فلابد من الاحتياط بملابس ثقيلة او جاكيتات ،،
بالتوفيق ،،