و عليكم السلام و رحمة الله و بركاتة "
أعتقد لو عملت جدولك كلآتي يكون انسب :

• شنجماي 5 ليال
• فوكت 6 ليال
• بانكوك 4 ليال

أفضل طيران داخلي هو التاي ايرلاينز
أرشح لك الفنادق التي تناسبك :
شنجماي ..... سنتارا داونغ تاون - رويال برنسيس - d2
بوكت ...... بان لاي ماي - هوليدي ان - رويال بالم
بانكوك ...... بايوك اسكاي - ماجستيك - اماري بوليفارد

• أخذ معاك الدولار الامريكي و لا تنسي مبلغ ما يقارب ال 10000 بات من العملة التايلندية كمصاريف طريق .
• بقية الاجابات سوف تلاقيها من خلال تصفحك للتقارير الموجودة بالبوابة .

تقبل تحياتي "

أخوي اذا ماتبي رحلات بحريه وقوارب وهالسوالف انصحك تخلي سفرتك محصوره بين بانكوك وشنقماي
أول ليلتين اقعد في بانكوك للراحه من عناء السفر ، وبعدين اطلع شنقماي وارجع آخر اربع ليالي بانكوك للتسوق .
فنادق بانكوك : قراند ماجستيك - نوفتيل سيام
فندق شنغماي ارشحلك d2
تحياتي

اشكركم على الرد والاجابات الطيبة
خلاص قررت اني اروح بانكوك
وشنغاماي
5 ايام شنغاماي
5 ايام بانكوك مقسمه يومين اول ماوصل وبعدين 3 او 4 ايام
شنغاماي فندق دي 2
بس بانكوك مو عارف اي فندق احسن وسط المجمعات وسوق
اخذ Amari Boulevard Bangkok
او Baiyoke Sky Hotel
اوNovotel Bangkok On Siam Square
في احسن بعد ؟؟؟؟
grand Hotel Majestic شوي غالي
وشرايكم في البرنامج زين ؟؟؟

1. علي طيران الخليج بحرين بانكوك بحرين


2. مجمع زين ( zen )


3. مجمع Yoyo land في بانكوك

weld_alba7rain
السلام عليم ورحمة الله وبركاته
موضوعي هو سفره مع الاهل انا وزوجتي وبنتي عمره 7شهور طبعا الي تايلند من 1-7-2011 الي 15-7-2011

علي طيران الخليج بحرين بانكوك بحرين

1 ابي برنامج حق منطقتين ومن ظمن المنطقتين بانكوك وتكون المنطقه الاول بعد بانكوك سياحية مانبي قوارب وبحر غيره من الامور نبي جزيره خضره طبيعه حلوه وفيه اماكن حلو لان عندنا رضيعه منبي تنقل وايد وبحر وقوارب مع الفنادق الزينه للاهل.
2 طيران داخلي شلون وشنو الاحسن .؟
3 الفنادق في بانكوك نبي جريبه من الاسواق ومولات وسوق الصيني وسعر مناسب .
4 نبي برامج سياحيه في المنطقتين كيف نرتب وشنو الاماكن الزينه والمكاتب الي ترتب الرحلات اليوميه؟
5 اسما المولات والاسواق واسما المناطق السياحيه؟
6 طريقة الصرف كيف في تايلند اودي معي دولارات مع بات؟
7 اذا ماعليكم امر تضبيط البرنامج معي نبي نستفيد من خبراتكم الطيبه والنصايح الطيبه
8 تذكير رحله مع الاهل وطفله رضيع 7شهور
وشكرا لي تعونكم معي *
وعليكم السلام يا اخي ولد البحرين
ليش ماتخليهم 3 مناطق
4 ايام شنغ ماي فندق d2
6 ايام بوكت فندق الهوليدي ان
4 ايام بانكوك العاصمة للتسوق فندق نوفيتيل سيام
الطيران داخلي الاحسن الطيران التايلندي التاي
أهم المجمعات التجاريةفي بانكوك العاصمة :-
البغ سي
اللوتس
سيام براغون
مركز ام بي كي
طوكيو سنتر
بانتيب بلازا – اشهر محلات الكمبيوتر
مركز بوبي
مركز روبنسون
مركز امبريوم
مركز سنترال شيت لوم
مركز التجارة العالمي
سوق دامنوين
سيام ديسكوفري سنتر
كومبيوتر سنتر
sogo store يشتهر ببيع البضائع اليابانية ويقع في شارع ploenchit
central dept store المكان المفضل للتايلنديين ويقع في شارع silom road
البضائع الفنية والأثرية وتكثر محلاتها في شارع suriwanges road وchaoen khrong
مجمع ريفرسايد بلازا (riverside shopping plaza )
توجد مئات المحلات التي تبيع الملبوسات بأسعار رخيصة في مركز ( indra export center )
بوبى تاور : احد اسواق الجملة

مجمع زين ( zen )

مجمع Yoyo land في بانكوك

مجمع من المجمعات الضخمة في بانكوك حيث يحتوي علي ما لا يقل عن 400 محل وتم بناء المجمع في عام 1991 بتكلفة تصل الي 200 مليون دولار و المجمع يقع شرق بانكوك ويبعد فقط 14 كيلو عن مطار بانكوك الدولي للمزيد راجع مجمع Yoyo land في بانكوك
الاسواق الشعبية :
سوق باتبونغ الليلي
الحي الصيني
الباتونام
سوق الاحد
الاسواق الليليه او نايت بازار الموجودة على ارصفة الشوارع –
ساديوك العائم السوق العائم ( Floating Market )
سوق العطلة الأسبوعية WEEKEND MARKET
اخوكم :- عبدالله الكويتي

أخوي ولد البحرين ، بالنسبة لفندق بانكوك أنصحك بنوفوتيل سيام .
تحياتي

شكرا اخواني الاعضا
بتكون الرحلة بين شنغاماي وبانكوك
5 ايام شنغماي
5 ايام بانكوك
هل فندق هوليدان شنغاماي زين وجريب من المناطق الحيوية مثل نيت بزار؟؟؟؟
فندق ريال برنسيس السعر زين بس من غير فطورمادري ليش؟؟
وفندق d2 غالي شوي
اي احسن فندق نوفيتل سيام او غراند مجستك من نحيت الموقع والسوق والمجمعات وسعر؟؟؟؟
شرايكم في فندق Aspen suites bangkok?
ابي يكون الفندق مو في الحي العرب
ابي سعر الفندق 30 دينار بحريني في اليله او حتي 35 دينار
او ترشيح فنادق في هذا السعر؟؟
مع العلم عندي بنت عمره 7شهور
وشكرا

1. فندق ريال برنسيس السعر زين بس من غير فطورمادري ليش؟؟


2. وفندق d2 غالي شوي


3. ابي سعر الفندق 30 دينار بحريني في اليله او حتي 35 دينار


4. او ترشيح فنادق في هذا السعر؟؟

هل فندق هوليدان شنغاماي زين وجريب من المناطق الحيوية مثل نيت بزار؟؟؟؟

• مو قريب تحتاج توك توك او تاكسي

فندق ريال برنسيس السعر زين بس من غير فطورمادري ليش؟؟

وفندق d2 غالي شوي

• انا سكنت بفندق سنتارا داونتاون يمشي الحال وسعره زين ورخيص يمكن يعيبه الاثاث قديم بس الغرف نظيفة والعيب الثاني تكرم الحمام ما فيه شطاف غير هذا كل شي اوكي بوفيه الافطار حلو وقريب من النايت بازار 5 دقايق مشي.

اي احسن فندق نوفيتل سيام او غراند مجستك من نحيت الموقع والسوق والمجمعات وسعر؟؟؟؟

• نوفوتيل سيام يقع في منطقة سيام يعني وسط السوق والمجمعات ، اما ماجستيك جراند يقع في السوكموفيت سوي 2 قريب من منطقة العرب تقدر تروح لها مشي اقل من 10 دقايق يعني المطاعم العربية والمقاهي صوبك ويمكن مطاعم فاست فود عالمية ومجمعين صغار ومكان هادئ والفندق ممتاز ويوزازي فنادق الخمس نجوم وانا سكنت فيه اربع ليالي السنة اللي طافت ويعاملونك كملك والخدمة حلوة.

شرايكم في فندق Aspen suites bangkok?

• غير مجرب الصراحة وما شفت احد ذكره من شباب المنتدى

ابي يكون الفندق مو في الحي العرب

ابي سعر الفندق 30 دينار بحريني في اليله او حتي 35 دينار

او ترشيح فنادق في هذا السعر؟؟

• تبي فندق حلو وممتاز عليك بفندق برينس بالاس بعيد عن منطقة العرب وقريب للاسواق وفندق يستاهل سعره رخيص بالنسبة لمستواه واقل من 30 اعتقد ،، شوف القسم الرئيسي بالمنتدى في تقرير مصور عنه كاتبه العصيمي اذا ما خاب ضني.

أذهب إلى جزيرة بالي الأندونيسية
فيها جبال تطل على بحيرة عليها فنادق فخمة
جزيرة أمان وجو بارد فوق الجبال
فيه خطوط أسيويه تطير من بالي إلى بانكوك

مشكور اخوي ولد البحرين
مشكور اخوي كنج 1
ابي معلومات عن هذين الفندقين؟
Royal Lanna Hotel بشنغاماي من جميع النواحي نظافه خدمه موقع وغيرها من الامور حق الاهل؟؟
Dream Bangkok بانكوك من جميع النواحي نظافه خدمه موقع وغيرها من الامور حق الاهل؟؟
وشكرا يااعضا