حياك الله ..قبل لا ابدا .. سويسرا بتكون بعيده عليك من زيلامسي ولك بعض المسافات
من زيلامسي >> هايدي لاند : 344 كم ( 4 ساعات و 15 دقيقة )
زيلامسي >> لوزين : 436 كم ( 6 ساعات و 39 دقيقة )
زيلامسي >> انترلاكن : 521 كم ( 6 ساعات و 11 دقيقة )
زيلامسي >> لوقانو : 457 كم ( 7 ساعات و 17 دقيقة )

ثانيا اخوي التاجير ممكن من بلدك اذا تعرف مكتب او من طريق النت
ثالثا اليوربا بارك يوروب بارك >> ميونخ ( 3 ساعات بالسيارة )
جميع المسافات بالسياره
هاذا بشكل مبدئي .. والواضح انه جميع المسافات بعيده ومرهقه وخصوصا للاطفال
اما الجدول المناسب
فينا 4 ايام ... سالزبورخ 3 ايام وزيلامسي 4 ايام .. وميونخ 4 ايام وممكن منها اتزرون ملاهي للاطفال جميله اسمها ليكو لاند وهي قريبه من ميونخ .. وملاحظه هناك مىهي بارتر بفينا حلوه ايضا للاطفال
اذا كان هاذا الجدول مناسب .. انا بالخدمه لجميع متطلبات الرحله
واذا عندك اقتراح اخر انا بالخدمه

شكرا اخوي
بالنسبه لرحلتي 16 ليله ومن اولوياتها زيارة ملاهي اليوروب بارك وزيلامسي !
ولا ارغب بزيارة سالزبورغ
وكم هي المسافه بين زيلامسي وزيورخ لأن حسب معلوماتي زيورخ قريبه جدا من يوروب بارك
فكرتي :
فيينا 3 ليالي
زيلامسي 5 ليالي
زيورخ 4 ليالي استقر بها وازور منها المدن المجاوره والعوده مساءاً
يوروب بارك ليلتين
ميونخ ليلتين
وبالنسبه لاستئجار السياره نصحني احد المكاتب بالسعوديه باستئجارها عند الوصول
فما الافضل من الناحيه الاقتصاديه ؟؟
شاكر لك اهتمامك بموضوعي

والله يا اخوي على راحتك .. لكن لازم تعرف ان من زيلامسي الى زيوريخ هاذا التنقل .. مع العلم من سالزبورخ اقرب لكن تضيف ساعه تقريبا على هاذي المسافه
Salzburg - Zürich
Time : 04h40 - Distance : 458 km
ل
زيورخ >> يوروب بارك ( ساعه ونصف يالسيارة ) .. طبعا جميع امسافات والازمنه بالسياره ..لانك بتاجر سياره صح ... على العموم اذا حاب اتاجر اطلبه من النت افضل او بلدك ..
واخوي الحبيب من اليوربا بارك الى ميونخ حوالي 3 ساعات ونصف بالسياره
اي استفسار عن الفنادق او اي شي انا بالخدمه

شكرا اخوي علي مره ثانيه لاهتمام
طيب المسافه من زيلامسي الى زيورخ كم ؟؟ وزيورخ وش اقرب المناطق السويسريه لها ؟
وابي منك اقتراح لخط سير مرتب يلبي رغباتي بطريقه ممتعه لي وللأولاد
وبالنسبه لاولادي ماشالله 12 و 9 و 4 سنوات يعني نوعا ما يتحملون الطريق
وماعلمتني عن مصنع الشيكولاته وش اقرب مصنع لزيورخ ؟؟
وانشالله بعد ترتيب الرحله نبدأ بالفنادق - وجزاك الله كل خير

حياك الله اخوي .. بالنسبه لمصنع الشكولاته الي بسويسرا ممكن تسئل عن في بوابة سويسرا افضل .. ومع هاذا الي اعرفه انه قريب من منترو .. اما المسافه بالسياره من زيلامسي الى زيوريخ كتبتلك فوق حوالي 5 ساعات واقرب المدن المفضله هي انترلاكن ...

اما لو حبيت رايي اخوي ... الوصول الى مطار ميونخ والذهاب مباشره الى زيلامسي المسافه (من ميونخ اللى زيلامسي 181 كيلو ) والجلوس فيها 5 ايام .. ( او تاخذ راحه يوم بميونخ ثم الذهاب الى زيلامسي ) ... ثم الرجوع الى ميونخ والجلوس فيها 4 ايام وتزرون ليكو لاند للاطفال ... ثم الانطلاق الى اليوربا بارك المسافه (ميونخ >> يوروب بارك ( 3 ساعات ونصف بالسيارة ) والجلوس فيها يومين .. ثم الانطلاق الى زيورخ والمسافه (يوروب بارك >> زيورخ ( ساعه ونصف بالسيارة ) 4 ايام واتزور منها انترلاكن الجميله .. هاذا افضل مخطط برايي من ناحية المسافات .. مع تلبية حاجة الاطفال ..
ولك الاختيار اخوي
وانا بالخدمه لاي مقترح ..

يعطيك العافيه اخوي
بس انا رحلتي الوصول الى فيينا والعوده من ميونخ
عذرا اخوي ازعجتك لكن هذي رحلتي الاولى للمنطقه وحبيت اخذ من خبراتكم
واذا ماعليك كلافه ابي موقع يبين المسافات بين المدن الاوروبيه او خريطه
وهل الخطوط وعره وصعبه؟؟
وعذراً مره ثانيه

http://maps.google.com/ رابط مواقع خرايط