مساء الخير .. سفرة سعيدة ان شاء الله واكيد اصحاب الخبرة رح يفيدوك الله يعطيهم العافية ..
بس عندي سؤال لو تكرمت واعذرني على التطفل.. مجرد استفسار بالنسبة لفندق الماريوت .. ممكن اعرف من وين حجزت لان السعر ل 3 ليالي ممتاز ..

عليكم السلام
اذا تحس البرامج مريحة لك فتوكل على الله
بالنسبة للغرف مع الفنادق فوق الممتاز
رحلة موفقة

ماشاء الله شكلك ناوي تخربها
مختار أغلى الفنادق .. باين ميزانيتك مليانة الله يزيدك من فضله
فقط ملاحظة بسيطة إذا تبغى تمشى على نفس المستوى من الفخامة غير ماريوت إلى الماندرين أو تردرز لأن الماريوت أثاثه صار مستهلك وقديم
بخصوص المدة أنا مستغرب ليه فقط 10 أيام ؟!! قليلة جداً ليه ماتزودها إلى 14 يوم علشان تقدر تستمتع وتحلل الفلوس اللي بتدفعها في التذاكر على الأقل
على العموم إذا مافيه مجال أنك تزيد الأيام ممكن تأخذ يوم من بينانج وتضيفه لكوالا لأ، بينانج يكفيها يومين فقط بينما كوالا تستحق 4 أيام على الأقل (بما فيها تخصيص يوم لمرتفعات جنتنق)
ولكن إذا تبغى برنامج مريح ألغي بينانج بالكلية وأعتبر أن لنكاوي تكفي عنها وزيد يوم لسلانقور لأنها تستاهل فيكون برنامجك:
2 سلانقور - 3 لنكاوي - 5 كوالا
وبالتوفيق إن شاء الله

اشكر الجميع على الردود يااخوان انا حاجز عن طريق مكتب
ثانى شى اخوى المغادرون ماقصرت وبيض الله وجهك والله لاميزانيه مليانه ولاشى التذاكر شاريها 2280
والفنادق كلها طايحه زى مانت شايف اسعارها
لكن شكلى بكلمه اليوم يغير لى الفندق فى كوالا واخليها 4 ايام وجزاكم الله خير
بعدين ابى منكم تفيدومنى بافضل المناطق اللى ازورها فى كل مدينه وجزاكم الله خير

الاخوان ما قصروا جزاهم الله خير اقتراحاتهم كلها حلوه
انا اشوف انك تكنسل بينانج .. وتوزع لياليلها بين سيلانجور ولنكاوي وكوالا .. ويصير الجدول ( سيلانجور ليلتين ثم لنكاوي 4 ليالي ثم كوالالمبور 4 ليالي )

أخوي فهد إذا ميزانيتك عادية ترا البكج هذا فلقة .. حرام هذي الخساير أنا فكرتك أمير أو ولد تاجر يوم شفتك بتسكن في شنقريلا راساسنق وويستن لنكاوي
ترا فيه فنادق ممتازة جداً وأسعارها أقل من هذي وفيه صور وتقارير عنها ممكن تطلع عليها قبل ماتحجز والفرق أنت أولى به

يااخوان والله انى دخت مانى عارف وش اسوى ؟؟؟؟
بعدين اخوى المغادرون سبق وانى قلتللك لى 8 سنين وانا مواعد مرتى خ كل سنه اقولها السنه الجايه
ابى اعوض صبرها والله
بصراحه مدرى ليه نفسى فى بينانج وحاس سيلانقور مافيها شى
تكفى هات العلم النهائى وريحوونى

نعم مو ضروري تروح سلانقور ممكن تستبدلها بأي منتجع آخر
شوف ياغالي أنا بعطيك برنامج ماحصلش ومالك مال المكتب وباختار لك فنادق حلوة ورائعة وأسعارها طيبة جداً
أول ماتوصل مطار كوالالمبور تأخذ تاكسي على منتجع بورت ديكسون وتقضون أحلى ليلة في فيلا صغيرة بمسبح داخلي روعة إستراحة من عناء السفر
ثم ثاني يوم على المطار وإلى لنكاوي 3 ليالي في أحضان الجزيرة الحالمة
ثم إلى بينانج ليلتين على شاطيء باتوفرنجي حيث الحركة والوناسة والناس والأسواق
ثم إلى كوالا وقضاء ال 4 ليالي الأخيرة فيها (وتخيص يوم لزيارة مرتفعات جنتنق)
هذه 10 ليالي
فما رأيك؟ إذا أوكى خبرني علشان نختار لك الفنادق ونمشي معك خطوة خطوة

اخوى المغادرون بيض الله وجهك كذا البرنامج عاجبنى مره
ورحم الله والديك
خلينا نكمل ياحبيب قلبى بس ابيها فنادق تبيض الوجه