السلام عليكم...هذه اول مشاركة لي هنا بعد ما عجزت ألقى لي مخطط مزبوط لهذه الدول...فالرجاء تحمل أسئلتي، ولكم جزيل الشكر والدعوات مقدما ان شاء الله، ابي أسافر في اغسطس لهذه الدول ومعي شخص لمدة ثلاث أسابيع الى شهر. انا قد رحت لإيطاليا قبل، فما ابي أطول فيها (يومين روما، يومين فلورنس، بحيرة كومو اللي اطلع لها من ميلان). او ارتب رحلة ايطاليا بعد النمسا وسويسرا.اما النمسا، ابي اروح فيينا 4 ايام، سالزبورغ يومين، وزيلامسي 3 ايام بعدين انطلق لسويسرا...اي اماكن ثانية تقترحون اضيفها؟الحيرة الصدقية هي سويسرا. مدري وش أشوف ووش اخلي وكم اجلس فيها! بنفسي جنيف يومين، لوقانو يوم، بيت هايدي، وانترلاكن، وهل لويزرن او لوزان يستاهلون الروحة او ابدلهم بشي ثاني؟ مدري كيف اربط مدن سويسرا كمان مدري كيف ارتب التنقل من بلد الى بلد (كيف اطلع من النمسا الى سويسرا بالقطار) ولا ادري كيف ازبط المخطط. التنقل كله بيكون بالقطار عشاني ما بسوق هناك. اعرف اني اقدر اطلع من لوقانو وانزل ايطاليا، وإيطاليا نفسها ما عندي مشكلة فيها، المشكلة في النمسا وسويسرا اكثر شي.اللي يقدر يساعدني وينصحني من حيث افضل خط سير والترتيبات الاخرى لا يبخل علينا، ولكم جزيل الشكر وخالص الدعاء وجزاكم الله خير.