حياك الله في بلادك قطر
هاذي مجموعة تقارير عن الاماكن السياحيه والفنادق والمطاعم راح يفيدك في تنضيم رحلتك
https://artravelers.com/p/re/283370
وهاذا التقرير بخصوص المطاعم والمقاهي في قطر
https://artravelers.com/p/re/235965
وبخصوص الفنادق ارشحلك فندقين ممتازين وسعارهم معقوله وقريبين من مجمع سيتي سنتر
الفندق الاول رتاج الريان وهاذا موقعهم على الانترنت
ظپظ†ط¯ظ‚ ط±طھط§ط¬ ط§ظ„ط±ظٹط§ظ† http://retaj-alrayyan.com/ar/content/contact-us.html
والفندق الثاني موفنبيك تاورز وهاذا موقعهم على الانترنت
http://www.moevenpick-hotels.com/en/pub/your_hotels/worldmap/doha_tower/overview.cfm
واي خدمه احنا حاضرين

1. +++ راح اذكرلك المولات من اضخم الى اصغر

اخوي بما انك ماحددت الايام راح اقولك كل المعلومات عن كل مول وكل شي ترفيهي

+++ راح اذكرلك المولات من اضخم الى اصغر

1 - سيتي سنتر = هو اضخم مول في قطر فيه 14 سينما و مدينة ترفيهيه وهو يقع في منطقة الابراج في قطر
2 - فيلاجيو مول = هو سادس افخم مول في العالم وهو مول كبير ايضا وطويل وفيه اكبر مدينة ترفيهيه في قطر مقطاه وتحتوي المدينة على قطار الموت ولعبة كبيره تتشغلب وفورملا وتزلج على الجليد وفيها بولينغ ولعبة السفينه الي تهبط من البرج على الماء والكثير من الالعاب المتنوعه وفيه المول في 13 سينما و 1 سينما اي ماكس
3 - لاند مارك = مول هادئ ورمنسي فيه مدينة ترفيهيه للاطفال وفيه 4 سينمات وهو يتكون من طابق واحد لاكن يعتبر كبير المول
4 - حياة بلازا = الي يميز هذا المول هو جنغل زون هذي الله يسلمك مدينة ترفيهيه مناسبة للاطفال من عمر 5 سنين الى 14 سنه بس وايد بس هل مجمع حجمه متوسط بس الي يميزه المدينة الالعاب مثل ماقتلكم
5 - المول (( فيه 3 سينمات وفيه مدينة ترفيهيه صغيره للاطفال ))
6 - رويال بلازا (( فيه مدينة ترفيهيه صغيره وفيه 4 سينمات و 1 سينما vip ))
اماكن مفتوحه تستحق الزياره
1 - جزيرة الؤلؤه = هي عباره عن جزيرة اصطناعيه فيها ممشى ومقاهي ومطاعم واسواق بس على الطريقه الايطاليه وايد حلوه والدخول بلاش طبعا
2 - سوق واقف = هو سوق قديم لاكن مجدد كل الي فيها مطاعم عالميه ومقاهي عالميه وفيه اسواق تبيع تراث
المتاحف
1 - متحف الفن الاسلامي (( اكبر متحف اسلامي في العالم + افضل تصميم مبنى في العالم ))
2 - متحف قطر الوطني (( اعتقد مسكر لانه صيانه ))
الحدائق
1 - حديقة سباير زون (( انصح بها هي تقع جنب مجمع فيلاجيو مول الي ذكرته فوق فقط مسافة 10 امتار بينا وبين فيلاجيو مول انصحكم فيها
2 - حديقة الدحل (( حديقة حلوه بس عاديه ))
3 - حديقة الحيوان (( من غير ما اشرحها ))
4 - الكورنيش (( انصح فيه انكم تروحنه في الليل يعني من بعد 10 مساء لان المنظر وايد حلو لما تشرب عصير وتتامل ناطحات السحاب
الاماكن الترفيهيه
1 - مدينة ترفيهيه في فيلاجيو مول اسمها (( جوندلينيا ))
2 - مدينة ترفيهيه في حياة بلازا مول (( جنغل زون ))
3 - مدينة ترفيهيه في قاعة المعارض لانه كل صيف يجيبون مدينة ترفيهيه في هذي القاعده جدا كبيره بس مؤقته لين تاريخ 23 ثمانيه على ما اضن بس اسئلو عنها اسمها (( مهرجان صيف قطر ))
الحين راح ارتبلك الاماكن الي جنب بعض وتختصر وقتك
1 - سيتي سنتر + جزيرة الؤلؤه + مهرجان صيف قطر
2 - المتحف الاسلامي + الكورنيش + سوق واقف
3 - فيلاجيو مول + حياة بلازا + حديقة سباير زون + حديقة الحيوان
اما الباقي بعديني عن بعض شوي
على طاري السكن فت مادري انا ماعندي خببره الا في الفنادق الفايف ستار والفور ستار وفي الشقق الفندقيه بس .. بس اقدر اطلعلك شقق في حدود 700 - 790 في الليله غرفتين وصاله ومطبخ هذا السعر يناسبك ؟
هذا رابط تقدر تشوف الشقق اهني
https://artravelers.com/p/re/178232
وانشالله ماقصر معاك بشي واي شي انا حاظر والاخوان في بوابة قطر مايقصرون

اللاندمارك فيه 3 سينمات مب أربع
ورويال بلازا بعد فيه ثلاث مافيه vip

qatar3333 بيض الله وجهك وجزاك الله الف خير والله يوفقك دنيا وآخرة والله يفتح لك طريق الخير والله يحيك ويخليك
the ro0ok ما اقدر اجزيك على ما فعلت إلا الله يجزاك الله الف خير ويرحم والديك ويسعدك يارب وبالنسبة للسكن فور ستار جيد ماشي بس ودي يكون مجرب السكن فيه . . شاكراً ومقدر للجميع
النوريq مشكور يعطيك العافية ومشاركة تشكر عليها وجزاك الله الف خير
الله يعطيكم العافية ويحفظكم ووالله كلمة اقولها للقائمين والمشاركين بالردود والتقرير والمواضيع إنكم نجوم تضيء سماء المنتدى كم افدتم واسعدت ووجهتم فجزاكم الله خير
اطمع بالمزيد من الكرماء امثالكم

فندق رمادا خمس نجوم بس أسعاره زينه ووسط البلد وكل شي بيكون حذاك
لأن الفنادق الثانيه الخمس نجوم بتكون على البحر وبعيده عن الاماكن اللي تبي توصلها
لو بتسكن فيه اختار القسم اليديد لان الفندق فيه قسمين يديد وقديم واليديد توهم فاتحينه

فندق موفنبيك تاور 4 نجوم
هو يقع في منطقة ناطحات السحاب وجمب الكورنيش وجمب المتحف الاسلامي وايد حلو هذي اخوي مجربه ويمدحه واختي بعد جربته وتمدحه تقول وايد راقي

the ro0ok
مب هذا اللي مجابل الفورسيزون اللي كانت تطبخ فيه عاشة التميمي في رمضان ؟؟

حياك الله في بلدك الثاني قطر صرااحه[the roookماشالله ماقصر شرح وافي

يعطيكم العافيه شباب وبنات ماقصرتو عالمعلومات
>>> صارله فتره شهر ونص مادخل المنتدا لكم وحشه والله