الى الآن لا يوجد رد !

الأسهل تروح عن طريق باصات
National Express
مباشر من المطار لوسط ويندرمير
السعر تقريبا 60 جنيه
ربمكا تكون المشكلة وقت الرحلة طويل نظرا لبعد المسافة

اخوي هالموقع بيفيدك
http://www.nationalrail.co.uk/default.aspx
انا لما رحت مشيت عليه.

ادخل عليه وحط من المحطه الي تبيها الي هي Embankment لين WDM الي هي وينديرمير.
الزبده اخوي انك تروح محطة اوستن اول شي. وتحجز من هناك قطار فيرجن الي هو رايح وينديرمير. والافضل تاخذ رايح راد والرده مفتوحه (ولاتقط التذاكر خلها معاك).
ومن اوستن اركب القطار. وخلك سريع لايحرك عنك. واذا ماخاب ظني البوابه يعلنونها قبل نص ساعه تقريباً يعني خلك منتبه لايروح عنك.
وعقب بتم فالقطار وانتبه ع المحطات لانه بيوقف اكثر من مره.(واذا مب متاكد كلم حد من طاقم القطار ياكد لك كم محطه باقي على ماتوصل). وبتم فالقطار لين محطة Oxenholme lake وفيها تنزل وتغير القطار لين قطار عادي وهو الي بيوصلك وينديرمير. ومن محطة وينديرمير بنحصل تكاسي خذلك تاكسي لين الفندق. وسلامتك
هاي الرحله بالتفصيل الممل. وطبعاً الرحله مدتها 4ساعات تقريباً.
ادري طولت بس هاي الي اذكره. وان شاءالله ماكون غلطت في شي. وتاكد بعد اخوي من الموقع ومن الاعضاء

بحيرة وينداميير
أسهل طريقة للذهاب الى مدينة وينداميير Windermere بالقطار حيث هناك تقع بحيرة وينداميير
رابط القطار للحجز
http://www.nationalrail.co.uk/
عند الوصول الى المدينة سوف تشاهدون خارج محطة القطار الصغيرة محلات تسوق ، وخلفها جهة المدينة سوف تشاهدون مركز الإرشاد السياحي. وهو يوفر جميع الارشادات السياحية
وممكن الذهاب بالتاكسي للمدينة والبحيرة.
أو إذا كنتو من هوات المشي ؟ تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .
السكن متوفر في كل مكان سواء فنادق أو نزل رخيصة .
يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .
المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .
يومين كافية تماما.
يمكن يوم واحد يكون كافي بعد إذا كنت مستعجل .
وممكن تسوون بحث في قوقل.. معلومات شاملة عن المنطقة
Lake Windermere, Cumbria
أفضل وقت لزيارتها من شهر 4 الى شهر 10
وهذا فندق بنظام الشاليهات ممتازhttps://www.booking.com/hotel/gb/burnhowhotel.ar.html?aid=1300939"http://www.walesdirectory.co.uk/holiday-cottages" target="_blank">http://www.walesdirectory.co.uk/holiday-cottages
وهذا فندق مناسب على البحيرة
http://www.macdonaldhotels.co.uk/our-hotels/macdonald-old-england-hotel-spa/
اتمنى هذه المعلومات تفيدكم

جزاكم الله خير جميعا
ماقصرتم

معليش اسمحو لي كثرت استفسارات ولكن مالي الا انتم بعد الله
سؤالي الاول
هل معناته اركب الاندرجراوند من محطة Embankment على الخط الاسود الى محطة Euston
ثم انزل لهذه المحطة ومنها اقص تذكرة للقطار اللي يودي الى وينديرمير
سؤالي الثاني
قريت بتقرير الاخ اللي مثبت عن استخدام القطارات انه
اذا حجزت من النت يرسلون لي رقم الحجز بالايميل اخذ الرقم ولما اصل محطة Euston اروح للمكينة الحمراء احط بطاقة البنك واقص التذكرة
هل بطاقة البنك يقصد الفيزا
يعني لما اقص بالنت ما ادفع بالفيزا
وجزاكم الله خير مقدماً