الحمدلله على السلامه
متابعينك يا الغالي

الحمدلله على السلامة
ياليت توضح لنا اكثر متى كانت السفرة وعلى اي خطوط يعني من الامور اللي تنير الواحد لو فكر يسافر لها

الله على الصور الرائعة
وهلا وغلا...وبأنتظار المزيد ياغالي

اخ jemy وين باقي التقرير واصل

نبدأ من حيث كانت البدايه ,كانت الوجهه السياحيه هي تايوان ولكن على اساس نصيحة احدالاصدقاء غيرت الوجهه للفلبين وكانت نصيحه في محلها,,فقررت السفر ومن الطفش خليتها عشرين يوم ,,, ومن موقع خطوط جويه الى ثاني حتى استقرينا على الخطوط الوطنيه العتيقه السعوديه وكان سعر التذكره رائع 2500 ريال فقط , وجهة نظر : أفضل شركة طيران من حيث العروض على الاسعار هي الخطوط القطريه فقط سجل في موقها و تجيك العروض
Mnaila وصلت مانيلا الساعه 12:50دقيقهظهراوكان الجو جدا حار ورطب أنتظرت عند السير لاخذ الشنطه يمكن ساعه وكان فيه مصري ماشي بنص عقل أقلقنا يهرج اجلش ويضحك يفكرالناس خاشين جو معه ,,,أخذت الشنطه وحولت الدولار من بنك ( BDO)سعر الصرف اربعين واحد ستين بيسو جدا مرتفع البيسو ....
حجزت في مكاتي في افنيو المفضل للشباب السعودي واخذت الليله ب 275 ريال غير مسترده

اللي يسأل عن الفندق من وجهه نظري كان في الماضي جيد ولكن الان قديم والاثاث قديم جدا.. لقيت واحد من الشباب هناك و عطاني كم نصيحه على الطاير وجلست معه وبعدين طلعت اتمشى خارج الفندق والجو حار مرهق والزحمه,, مانيلا اسوء مدينه في الفلبين ,,
رحت للسفاره السعوديه مشي من البكره وهي قريبه يمكن 10 دقايق من الفندق وسجلت بعدانتظار يمكن ساعه
Tagaytay بعدالتسجيل في السفاره أخذت تاكسي وعلى تقياتاي وكنت مستاجر ليله في تقيتاي في فندق(ذا ليك )جدا الفندق نظيف لكن سعره غالي بحدود 419 ريال وكثيره على تقيتاي هذا السعر ,, مدينه جدابسيطه

مافيه في تقياتاي غير البحيره وحديقه لا تستحق الزياره ,,,بعد التشك ان كلمت الحارس قالي يجيك ابن عمي الان ,,, وكان الترايسكل تبعه خربان يمشي ويطفي وبعد مكاسر السعر اخذته رايح جاي ولفه في تقيتاي ب 30 ريال لان البحيره مايقارب 20 كليومتر من الفندق ,, وصلنا البحيره واخذت قارب ب 1500 بيسو مع الخيول اللي ريحتها تجيب الهم وتسد النفس وصلنا الجبل اللي فيه البحيره وحصلنا الخيل المعفن جاهز وفيه ناس ساكنه هناك في سفح الجبل لا تنسونهم تكفون ترى والله يهم بفقر ما شفت زيه ناس حالتهاجدا تعبانه ,,,,, يا شين وجهه الفقر

على فكره ترى الاسعار جدا بسيطه اذا عرفت كيف تكاسر معهم ومن البدايه عط السعر اللي فراسكوصدقني راح يرضى فيه ,,
رجعت مانيلا بالباص كانت رحله مرهقه لكن مافيه تاكسي من تقيتاي الى مانيلا وكان فيه سواق اخذت رقمه لكن لغته الانجليزيه سيئه ولا يفهم علي و أرسلته انا توني طالع من تقيتاي الاخ راح وحضر في موقع وانلطع ساعتين وعشرين دقيقه ,,,و انتظرته عند إيالا لموقف الباصات ولما وصلنا الفندق قال ميتين بيسو لفندق اس تي وانا عطيته100 فقط وكثيره بس حقها عشرين بيسو فقط عشان يقول انه انتظر ساعتين قلتله مع السلامهيا سيدي البلد مليان تكاسي وزعل علي بلحيل ,,,, الفندق جدا نظيف وموقعه حلو ورحت يمكن الساعه 5 العصر الى روبنسون جدا زحمه و ما تلحق تاخذ تاكسي لكن الحل في مثل مواقف زي كذا خذ باص لا تنتظر للتاكسي خذ باص لاقرب نقطه وبعدين تحصل التكاسي متوفره اهم شي تبعد شوي عن المول او منطقه الزحام
الحلقه القادمه بوركاي و بالاوان ,,,,,,,,,,, الله يرعاكم

حمدلله علي السلامه
يعني تيقتاي نشطب عليها

الحمد لله على السلامه ..
نفس الفندق اللي سكنت فيه بمساعده مشرفنا origami الله يوفقه ..
بس غريبه ليش مارحت شلالات لآقونا؟
فيصل
بالعكس انا اشوف انها تجربه حلوه .. واذا على ريحة الخيول .. تقدر تشتري كمام من عندهم,,

لا هنت مهاجر للتوضيخ

شكرا للجميع ,,الاخ مهاجر المدينه الرحله الجايه ان شالله شالات نياجرا اقصد لاقونا ,,,اما عفنة الخيول والله ما يرد عنها شي وبعد بغت تنكسر رجلي عثر فينا الخيل وعلى رجلي ما غير الدم تشوف يسيل من رجلي ,,لكن تجربه رائعه تشوف البركان كيف يظهر البخار منه