albadr_200
مرحبا اخوي
فترة التسجيل للجامعات عادة من شهر 5 الى 7
ويكون موضح في موقع الجامعة..
اذا كنت بتدرس ماجستير او دكتوراه , ترسل اوراقك بالايميل لقسم التسجيل بالجامعة وتتواصل معهم..
بالنسبة للغة : اذا بتدرس بالمعهد 4 ساعات باليوم , ومراجعة ساعة او ساعتين , ان شاء الله 9 شهور بتتقن اللغة, ومو صعبة , اهم شي تفهم لعبة الحروف ونطقها وبعض الاساسيات وبعدها بتمشي امورك تمام , واللغة الاسبانية فيها 6 مستويات : a1 شهر + a2 شهر + b1.1 شهر + b1.2 شهر + b2.1 شهر + b2.2 شهر + c1 شهر ونص + c2 شهر ونص , والمجموع 9 شهور..
يوفقك ربي ان شاء الله

أخي شكراً جزيلاً للتوضيح أنا أيضاً أرغب بالاستفسار عن الدراسة بإسبانيا حيث الوضع في بلدي في تأزم مستمر ..ما العمل الآن وقد دخلنا بالشهر التاسع ؟؟؟؟ يبدو أن كل البلدان قد أقفلت جامعاتها للتسجيل في هذا الشهر وأنا منذ أواسط آب أبحث للدراسة في الخارج ..أتمنى أن تفهم وضعي وتنصحني وشكراً جزيلاً

الحمد لله جاك الرد والله يوفقك دوم
هولمز

lo0onely
الف شكر لكم جميعا ..
اخوي lo0onely
بس انا بدرس بكالوريوس ممكن تقولي وش الفرق
حاولت اشيك مواقع الجامعات الاسبانية ما حصلت طريقة للتقديم اونلاين
فضلا و ليس امرا ارجو التوضيح

albadr_200
مرحبا اخوي
البكالوريوس مشكلته مقيد بمواعيد التسجيل فقط ,, يعني اذا دخلت موقع اي جامعة مثلا ub او uab , وتختار التخصص المطلوب , وتدخل عليه وتشوف مواعيد التقديم , وانصحك تراسلهم بالايميل وتكتب جميع استفساراتك من ناحية مواعيد التسجيل والرسوم وهل يشترطون امتحان قبل دخول الجامعة ام لا, يعني تكتب اللي تحب تستفسر عنه ,
ولو ردوا عليك بانك ماتقدر تسجل الا في مواعيد التسجيل , ترد عليهم وتقولهم ابي قبول مشروط..
وكل جامعه لها طريقة مختلفة للتسجيل..
الافضل تراسلهم بالايميل.. ترسل فقط صورة من جوازك + كشف الدرجات (وتكون باللغة الانجليزية) واذا قدرت تترجمها للاسبانية يكون افضل..
لو عندك زيارة قريبة لبرشلونة , فيه مكتب عند شارع الرامبلا تقدر تقدم فيه اوراقك للتسجيل (يجمع 12 جامعة)..
يوفقك ربي ان شاء الله

lo0onely
اخوي لونلي .. انا معي شهادة دبلوم بعد الثانويه .. وسمعت انه يلزمني اختبار السلكتيبيداد علشان اقدر آخذ قبول للبكالوريوس .. تهقى ان ه المكتب يقدر يجيب لي قبول بدون ه الأختبار ؟
تحياتي ..

مهاجر المدينه
هلا اخوي مهاجر
هذا المكتب فتح لتسهيل عملية اجراءات التسجيل (حلقة وصل بين الطالب والجامعات) , عشان ماتقدم اوراقك في كل جامعة لوحدها..
يعني بدل ماتدخل مواقع 12 جامعة وتعبي لكل جامعة الطلب
هذا المكتب تعبي عنده الطلب مرة وحدة ويرسلها لكل الجامعات..
نصيحة لك : خذ اوراقك بنفسك وروح الجامعة واذا قالوا لك لازم تسوي الاختبار, قولهم ابي قبول مشروط..
وان شاء الله تمشي امورك..
انا قدمت ع الماجستير وقالوا مانعطيك قبول الا لما تختبر وتعدي اللغة الاسبانية, قلت لهم اوكي بس ابي قبول مشروط وعطوني اياه..
موفق اخوي ان شاء الله

المنتدى للسياحه فقط
عذرا
سيتم اغلاق الموضوع