هالو بانكوك
02-08-2022 - 01:00 pm
اسعد الله اوقااتكم بكل خير وسرور
احبائي اعضاء منتدى العرب المسافرون
عندي استفسار وخاصه لاهل ديرتي من الكويت بخصوص أسعار التذاكر
رحت ذاك اليوم أبحجز من مكتب احد السفريات واخذت سعر للقطريه من عندهم للشخص 250 دينار
وعلى الاماراتيه ب 168 دينار
وبصراحه ماستفسرت عن خطوط طيران الكويت ولا الاتحاد لاني كنت على عجاله من امري وطلعت على طول
الي ابيه من الربع يفيدوني عن اسعار خطوط الكويتيه والاتحاد لتايلند واذا ينصحوني بمكتب معين وتكون اسعاره مناسبه والأفضل في سوق هم ياليت
وبالنسبه للقطريه اعتقد ساعتين ترانزيت بقطر ومن ثم الى بانكوك اذا ماخب ضني ؟ ولا شرايكم
الأماراتيه سعرها مناسب ولكن متعبه ترانزيت 4 ساعات دبي وبعدين الى بانكوك وبالرجعه دبي 14 ساعه !!!!
ياشباب ابي اعرف من واقع خبرتكم شنو خطوط من حيث الراحه وخاصه ان الرحله طويله لبانكوك
وهل نمشي عالمثل الي يقول حط فلوسك بالشمس ونام بالظلال؟
ناطر تعقيبكم وآرائكم ونصايحكم عالموضوع
الطيران الكويتي:
سعر التذكره من250الى270 غاليه
ميزا الى فيها دايركت بس الى ذبحتني كراسيهم ضيقه ماتغيرت ليلحين يعني افضل شي حق تايلند درجه اوله تاخذ بالكويتيه لاتاخذ سياحيه وتأخر الطيارا بالمطار هم هذا عيبها علشان جذي ركبته مره وحده ومراح اركبها مره ثانيه اتعبك حييل
الطيران الامراتي:
سعر التذكره من175 الى 230 حلو السعر
ميزا الى فيها مريحه جداً وتاخذ راحتك يعني الخدمه ممتازه وتطير في موعدها بس عيبها ترانزيت من ساعتين الى يوم كامل
الطيران القطريه
سعر التذكره من190الى240 اغلا من الامراتيه بس انا ركبتها مرتين مرا رحت فيها تايلند وذبحتني بالتأخير والثانيه للمغرب وكسرت ضهري بالمطبات الهوائيه لاكن الطيارا مريحه جداً بس عيبه التأخير بس انا ماحبه
الطيران التايلندي:
سعر التذكره من175 الى 200
طيارا حوه جداً بالطيران والهبوط ماشا الله عليهم مواعيدها بالتايم بس بالروحه توقف بالامارات 45 دقيقه وهم بالرده 45 دقيقه بس عيب الطياره الوحيد بعض ااحيان ريحه بس و عندي انا افضل شي التايلنديه بعدين الاماراتيه بعدين القطريه بعدين الكويتيه
طيران الاتحاد الشباب يمدحه طيارات جديده وحلوه يقولون مادري هنها