- وقالوا لنا ماتنزلون ممنوع ....ممنوع ......ممنوع ؟؟؟؟
تحية للجميع
سوف احكي اليوم عليكم ماحصل لنا اثناء سفرنا الى العمة
.
.
.
.
.
.
.
.
.
.
.
ذهبت الى احد المكاتب السياحية للحجز الرياض - جاكرتا -الرياض والحمدلله حجزت 5 مقاعد لي انا والشباب على الخطوط السعودية ( الله يسامحهم ) وكان الحجز ok ذهاباً والعودة انتظار قلنا ما فيه مشكلة يتأكد أن شاءالله. وقال لي احد العاملين بالمكتب وهو صديق أن الرحلة الرياض - جاكرتا بدون توقف (دايركت) قلنا الله يجزاك خير الى هالحين والامور تمام التمام .
وبعد انتظار وحساب الايام والساعات جاء يوم السفرالثلاثاء 25/7/2006 على الرحلة رقم 814 والحمد لله قطعنا البوردنق الرياض - جاكرتا وطلعنا الى الطائرة وجلسنا بالطائرة (والله العظيم بدون مبالغة حوالي ساعة والربع)وقبل الاقلاع بقليل بلغنا احد المضيفين بالطامة الكبرى قال الطائرة لازم تمر مطار الملك فهد بالدمام لغرض التزود بالوقود(والسبب وجود زيادة في الطلب على وقود الطائرات في الطيران الاجنبي) قلت بنفسي ياولد تحمل انا مسافر للعمة .
اقلعت الطائرة من مطار الملك خالد حوالي الساعة (9.40) مساء وحصلت الكارثة اللي ما كانت بالحسبان ابداً ولاكان اي شخص يتوقع حدوثها في رحلة تستمر حوالي 9ساعات ؟؟؟؟؟؟؟؟؟؟؟؟؟؟؟؟؟؟؟؟؟؟
تدرون وش هالكارثة .................
(المكيف بالطائرة لايعمل)
بعد ذلك كثر الكلام حول المكيف ...انتظروا يمكن يشتغل .....نبي نصلحه في الدمام .....كثر التذمر من الركاب
وصلنا الى الدمام بدون مكيف والواحد يتصبصب من العرق كنه متروش:112: :112:
في مطار الدمام اثناء توقف الطائرة للتزود بالوقود اجتمع بعض الشباب وتم التحدث الى بعض المضيفين بالطائرة والموظفين في مطار الدمام وقالوا ياالله ياشباب نبي ننزل الطائرة مافيها مكيف يا انهم يصلحونه او ننزل وكثر الكلام حول المكيف وتم احضار الفنيين في المطار قالوا خلاص نبي نصلحه قالوا الشباب نبيهم يغيرون الطيارة لأن بعض الشباب تحدثوا مع الفنيين وقالوا صعب تصليحه هالحين لكن.......
طبعاً كل واحد اخذ اغراضه قلنا ياالله نبي ننزل ماحنا مسافرين على هالرحلة ويوم شافونا المضيفين مصممين على النزول تم ابلاغ آمن المطار الذي حضر الى الطائرة ومنع نزول الركاب وحصلت مشادة كلامية تطورت الى الاشتباك بالايدي بين رجل الآمن واحد الركاب الذي اصيب في ضيق بالتنفس (والله ان هالموقف حصل امامي عند باب الطائرة )وتم احضار بخاخ الربو له من احد المرافقين له .
وقالوا لنا ماتنزلون ممنوع ....ممنوع ......ممنوع ؟؟؟؟
بعد تدخل رجال الآمن تم ارجاع جميع المسافرين الى داخل الطائرة وقالوا كل واحد الى مقعده تبي تقلع الطائرة قلنا للمضيفين خلاص بطلنا نسافر نبي ننزل الى مطار الدمام خلاص هونا مانبي نروح لجاكرتا قالوا ممنوع النزول للمطار .... سلمنا امرنا الى الله وبعد توقف حوالي 1.15 ساعة تم الاقلاع الى جاكرتا بدون مكيف بس هواء حار
وتعال شف التذمر من هذا الرحلة
والله كننا دجاج شواية
والمضحك المبكي الماء اللي يجيبونه لنا حار بعد
بدون مكيف وتشرب ماء حار
حسبي الله عليهم السعودية
وصلنا الى مطار جاكرتا بدون تكييف
بس عوضتها هالسفرة بالجو الحلو الممطر البارد المنعش في الجبل
وشعاري من اليوم ورايح (( احذروا الخطوط السعودية ))(( لالالا للخطوط السعودية )) .
وياالله عساي ما نسيت شي من هالرحلة
للجميع تحياتي
