مرحبا استاذه .. بقولج سر المخططين الاول والثاني والثالثث عجزت افهمهم .. الى ان قلتي مخططج انتي وزوجج راح اعدل عليه بحيث يكون
باريس ثم جنيف لا تكثرين فيها ايام ولو حصل اسكني بمونترو او لوزان .. ثم انترلاكن .. ثم انسبروك النمساويه بين زيلامسي وانترلاكن .. احلى من زيوريخ .. ثم زيلامسي وهنا زودي ايام . ثم ميونخ وتسوقي على راحتج
سؤالي شنو وسيلة التنقل ؟؟ وجم يوم الرحله انا حسبت اطلعو 20 ليله؟؟ وطبعا انتو اثنين فقط

مشكور استاذي ربي يعطيك العافيه احنا 6
2كبار
و4 اعمارهم 13 و9و6و5
وسيلة النقل سياره
نستلمها من باريس ونسلمها بميونخ او ميلانو حسب الخطه المقترحه
الايام من 20 الى 23 يوم
لسى التذاكر ماقصيتهم السبت ان شاء الله راح اقص التذاكر لحد ما احدد الوجهه الي راح ارجع منها
انا ماودي اسكن بجنيف ودي ديفون ومنها اتنقل كل يوم مكان
يوم انسي ويوم مونترو ويوم لوزان ويوم شامونيه
زيورخ حبيت اسكن فيها لان اولادي يبغون بيت هايدي فقلت نريح فيها ومنها نزور بيت هايدي
ايش رايك

للاسف اشوف منتدى العرب المسافرون قلت فيه روح التعاون والمساعده

لا افا عليج موجودين .. بس الوقت له احكام.. تأكدي ان لن نهدأ الى يوم وصولكم الى اوربا .. تأكدي من هذا الشي
طالما وضحتي الامور المهمه
يكون هناك مخططين هم كالاتي
الاول
باريس ديفون انترلاكن انسبروك زيلامسي ميونخ .. هذا من اجمل المخططات لكن تنقله كثير يحتاج فعلا ل 23 يوم .. السكن صعب مثل ما قلت لج اذا شقق مبدئيا
المخطط الاخر .. باريس ديفون انترلاكن ميلان .. هذا اسهل بالتنقل .. وممكن يكفيكم ال 20 يوم والسكن نفس الفكره مبدئيا
مسألة هايدي لاند ترى جدا بسيطه القريه .. وبالامكان زيارتها من انترلاكن ساعتين ونصف طريق .. واذا كانت لكم رغبه وما تتنزلون عنها ضميها بالجدول الثاني بعد انترلاكن زيوريخ ثم ميلان

ربي يعطيك العافيه مشرفنا
مشكور على المساعده ماقصرت اخوي
بس اش رايك نوشاتل تستحق الزياره والسكن فيها يومين ولو سكنا فيها ايش ممكن نزور منها

تقصدين نوشاتل الفرنسيه اكتبي اسمها بالانجلزي .. وفي اي مخطط تحبين اتضيفينها