هذا برنامج متعوب عليه للجزيرة الشمالية
https://artravelers.com/p/re/251710
وهذا آخر للجزيرة الجنوبية
https://artravelers.com/p/re/250739
وكلها من المبدع المستبشر
وأعتقد أن 12 يوم ماتستاهل أنك تقطع حوالي 20 ساعه طيران
بالتوفيق

ان شاءالله راح اقراهم ويعطيك العافيه بس 12 يوم بنيوزلندا
واسبوع بشرق اسيا
هذي اجازتي بعد شسوي اذا بمددها بخليها 15 يوم
بنيوزلندا حدي وابي ديرة بااردة زهقنا من الشمس
س : اوكلاند و كويز تاون بالشمال ولا الجنوب ؟

وبعد سؤال : صج مثل ما سمعت ان كوينز تاون اهي افضل مدينة سياحية بنيوزلندا ولا في احى منها ؟
المشكله اني مادري ليلحين وين اروح اي مدينه عشان اقرى تقارير الاخوان عن الاماكن الي ازورها
فاتمنى المساعده بموضوع المدينه

أوكلند بشمال الجزيرة الشمالية وكوينزتاون تقريباً بوسط الجزيرة الجنوبية
بالنسبة للمدن السياحية .. طبعاً تجي بالمقدمة كوينزتاون .. وفيه مدن كثيرة وكل مدينه تتميز بشيء
حاول تقرأ التقارير وتعرف المدن
بالتوفيق

مايحتاج فيزا
والمظلوم ماقصّر بالمعلومات
وصعب نحدد مدينة ونقول مميزة واجمل
لان كل مدينة لها ميزتها
اوكلاند مثلا .. مشهوره بأنها كأي ولاية امريكية ترفيهيه
كرايست شيرش : مدينة ارستقراطية منبسطه تحتوي على شاطئيين
ولنغتون العاصمة .. مدينة عريقة مبنيّة على الطراز البريطاني القديم
المدن الاخرى
هاملتون : المصدر الاساسي للمياه في نيوزلندا وفيها اكبر نهر
روتروا : مدينة العيون الحارة
كياكورا : مدينة الحيتان
نيلسون : مدينة الرمال الذهبية
فوكس جلاسر .. مدينة الكهوف الجليدية
تي اناو . مدينة الكهوف النادرة للحشرات المضيئة
ملفورد ساوند + دوبتفول ساوند : اجمل مدن العالم لرياضة التنزّه والمشي
كوينزتاون .. مدينة الثلوج
وطبعا هالشي للعد لا للحصر
يبقى مدن كثيره جميلة ورائعة

اخوي حساس متأكد من كلامك ماكو فيزا
انت كويتي ؟ ومتى اخر مرة رحت ؟
ماابي اتوهق وانا اخووك معااي حريم ومو لااقي احد اسأله
كل ما سالت يقولولي شهالديرة الي بتروحلها
الله يجزااكم كل خير المظلوم وحساس والله يكتبهاا لنا ان شااءالله
وعلى هالمدن شكلي بظل20 يوم فيها

هلا اخوي عزيز انا كويتي ومايحتاج فيزا اذا الخطوط موترانزيت استراليا وانتبه من البرد الجزيره الجنوبيه ابرد من الشماليه

اي شخص يحمل الجنسيه الخليجيه
يُمنح في المطار فيزا سياحيه لمده ثلاثه اشهر (90 يوم )
كبر المخده واطمن من هالناحيه ..... ودربك خضر