مسافـــــــرة جديدة
11-12-2022 - 03:10 am
السلام عليكم ورحمة الله وبركاته
اخواني واخواتي اعجز عن الشكر لكم وخصوصا كل من ساهم وجاوب على استفساراتي
رجعت من سفرتي لاوروبا قبل 4 ايام ( الرياض-باريس-جنيف-ماربيا-برشلونة-الرياض) بصراحة كانت رحلة موفقة
سكنت في فندق رويال جاردن في منطقة الشانز , في البداية اعطونا غرفة سنقل بد وماكانت حلوة يعني مو زي الصور اللي شفتها بالبوكينج بس استقعد لهم زوجي وغيروها بعد يوم الى غرفة افضل بكثير ولله الحمد .. باريس جدا ممتعة مكثت فيها 5 ليالي ومنها بالقطار الى جنيف 3 ليالي في فندق لز نيشن 4 نجوم مجدد ولكن واجهنا نفس المشكلة اللي هي سنقل بد ووريناهم الفيوتشر دبل بد وقالوا هذا المتوفر عندنا الليلة وبكرة نعطيكم سويت من باب الرضاوة لنا طبعا وفعلا اخذنا سويت بنفس سعر الغرفة ولكن سويت ولا افخم شي اكثر من رائع بصراحة ومن جنيف الى ماربيا بالطائرة سكنت في منتجع جواداالمينا اكثر واكثر واكثر من رائع بصراحة ومنه الى برشلونة في فندق ميداسيلي قريب من شارع الرامبلا ومن الميناء لكن بصراحة الغرف سئية للغاية وتجيب المرض ونظافتها لكم عليها مكثت 4 ليالي وبعدين ترانزيت الى باريس عن طريق الخطوط الفرنسية ومن ثم الرياض على الخطوط السعودية
الشي اللي ضيق صدري ان اوراق التاكس فري ختمتها من مطار برشلونة وقالوا ان البنك الان مسكر وبيفتح على الساعة 6 ويوافق وقت رحلتي يعني ماامداني ويوم وصلت مطار باريس ورحت للبنك هناك قالوا ان الختم الموجود على الاوراق مايتطابق مع الاختام اللي عندنا ..المهم الوقت كان ضيق جدا وماامداني اسوي اي شي ورجعت بالاوراق معي للرياض
السؤال وش الحل في هذي الحالة ...افيدوني تكفون
يعني اخلي الاوراق معي او اشققها
قلت بتكتب تقرير الحين الاخت
فيه اعتقد بريد تقدرين ترسلينها عليهم بعد ما تكتبين رقم الفيزا ويردون المبالغ فيها حسب علمي