فينيسيا - البندقية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابولـمار2006
01-05-2022 - 07:06 pm
السلام عليكم ورحمة الله
بعد التفكير والبحث عن اقصر الطرق وافضلها لترتيب رحلتي في شهر اكتوبر 2009
المسافرين انا والمدام وبناتي الصغار (وحدة عمرها 3 والثانية 6 شهور)
الفضل بعد الله يعود للمنتدى واعضاؤه المميزين
بعد التخطيط توصلت للتالي
جدة باريس على الخطوط السعودية
3 ايام باريس من ضمنها يوم واحد ديزني لاند
السفر لبرشلونة بالطيران الاقتصادي وحصلته بسعر رخيص جداً
3 ايام في برشلونة والسكن في الرامبلا (الرملة) والاهم هو حضور مباراة في الكامب نو لبرشلونة والتمتع بجمال البحر
السفر الي فينيسيا بالطيران الاقتصادي وايضا حصلته بسعر رخيص جدا
فينسيا يوم واحد نتمشى بالجندولا في البندقية ونشوف المدينة العجيبة في النهار وفي الليل ننام ونصحى الصباح ونروح على لوقانو (سويسرا) بالقطار
طبعاً اول مااوصل سويسرا باستأجر سيارة
وباجلس في لوقانو يومين
ومن بعدها بنروح على انترلاكن 4 ايام
ومن ثم العودة الى ارض الوطن (جنيف - جدة) واسلم السيارة في مطار جنيف
طبعاً جنيف ماراح اجلس فيها ولا يوم لان بصراحة الكل مايمدحها
المدة 13 يوم
المشكلة مااقدر ازود يوم واحد لانه رصيد الاجازة خلص وفي نفس الوقت نفسي اروح لباريس وبرشلونة وفينسيا وواحدة من دول جبال الالب (سويسرا او النمسا)
مايميز الرحلة هو الجمع بين صخب المدينة والتسوق والملاهي في باريس
البحر وشارع الرامبلا (الرملة) وساحة كاتالونيا وحضور مباراة للبرشا في الكامب نو (برشلونة)
زيارة واحد من عجائب الدنيا السبع (فينسيا)
الطبيعة والجو الخلاب والبحيرات والرومانسية والثلوج والتسوق (سويسرا)
ايش رايكم في البرنامج
رجاء لا تبخلو عليا بآرائكم
تحياني
ابولمار


التعليقات (6)
الهلالي
الهلالي
الجدول ممتاز
بس متعب للاطفال
وفعلاً جنيف لايوجد فيها شيء
بالتوفيق

الزعيمة
الزعيمة
هلا
المدن اللي اخترتها جميلة.....بس المشكلة في كثرة التنقلات بتصير متعبة لان معك اطفال!!!!!!
اذا تقدر تحذف مدينة وحدة وتعوضها بطول اقامة بأحدى المدن يكون افضل.....
انا مجربة الاطفال ....والتنقلات معهم متعب بهذا العمر....
وبالتوفيق اخوي

mzoon
mzoon
لو بس تشيل برشلونه و تعيد ترتيب المدن الباقيه .. بتصير الرحله ممتازه
يعني فينيسيا - لوقانو - انترلاكن - باريس

ابولـمار2006
ابولـمار2006
اشكر الجميع على مرورهم ومقترحاتهم
وفعلا التنقلات مع الاطفال متعب
ننتظر اراء الاخوان

*ستار*
*ستار*
mzoon
انا مع مزوون كذا افضل بكثير ولاتنسى ان الطيران الاقتصادي رخيص بس ياخذ سعر بالوزن انتبه لهاالنقطه
اقترح عليك
جده - باريس- بالقطارلجنيف ومنها تستاجر سياره وتنطلق الى انترلاكن ومنها الى لوقانو ومنها لفينيسيا ومنها الى ميلان فاالعوده للوطن
اذا تقدر تخلي الاطفال بيكون افضل

الليث الايطالي
الليث الايطالي
البرنامج يبغاله شوي تعديل لان المشكلة ان معك اطفال وصعبه عليهم
انصحك ب
4 ايام برشلونا
3 ايام فينيسيا
6 ايام انترلاكن
اعتقد كذا ابرنامج بيكون افضل لك واريح وشامل كل شي بحر وطبيعه و
وعلى فكرة هذي المدن افضل المدن الاوربيه بالنسبة لي فيهم متعه خياليه ووناسة على الاخير .
وبالنسبة للوقانو مايحتاج تمرها دام انت رايح انترلاكن لان مافيها شي مميز
بالنسبة لباريس ممكن الدزني للاطفال وعلى فكرة ممكن اذا جزمت على باريس بدلها ب3 ايام فينيسيا لان فينيسيا الاطفال بي يملون
تحياتي........................................


خصم يصل إلى 25%