1. السلام عليكم ورحمه الله وباركاته


2. 2 وعشان كذا انا مودي معاي المبلغ كبير اشوي


3. المهم ارجوكم بصرعه ابي الجواب في اسرع وقت

السلام عليكم ورحمه الله وباركاته

الحقوني ياهوه ياناس ياعرب ياجمعه الخيرانا نسرقت واعوذ بالله من كلمه انا
سرقو بطاقات الفيزا والماستر والحساب الجاري واتصلت حق البنك قطر الوطني كول سنتر خدمه 24 ساعه في بنك قطرالوطني يوقفون البطايق في نفس الوقت وقتلهم اني انسرقت وسكرت الخط بس نسيت اقولهم في فرع لكم في لندن ول لا
وحبيت اسال او تفيدوني في فرع في لندن حق البنك قطر الوطني واذا ما فيه شنو الحل ترا انا على الحديده المهم باقولكم السالفه من طق طق لين سلام عليكم انا كنت رايح الاجور رود على الساعه 12:00طبعا عرفين الشارع العرب بليل كنت حاب اكل في مطعم عربي وكنت في دعوس طلعت المحفظه عشان كنت ابي اعرف كم عندي اتضحلي انه ما في المحفظه شي واذا بواحد وقف قدامي جنسيته كوردي عنده سكين قالي عطني المحفظه والكيمره والجوال ول باذبحك اهنيه قلت في قلبي عطه الي يبيه يبه عشان ما يذبحك وانا اتشهد واقرا القران المهم اخذ كل شيى وراح في حال سبيله وانا رحت الشقه وانا اصيح وقمت صليت لله عشان انه ما صادني مكروه ياويلي شلون الدبره البطايق راحت الفلوس فيها كلها وفيها اكثر من 150 الف ريال قطري عشان انا كنت مطول اشوي اهناك ادري بتقلون انت وايد مودي وياك باقولكم الاسباب كلها
1- عشان انا انطر اخلص اجرات المستشفى حق الوالده ومقابله الدكتور عشان بسون لها عمليه في القلب وطبعا لدكتور محدد دخول الوالده هاي الكلام في شهر 8 اغسطس وانها تجي عشان تسوي العمليه في اواخر شهر 3 وانا جاي بس ادفع مقدما التكليف وبعد ما اخلص كم شغله الوالده بتجي قبل العمليه بكم يوم

2 وعشان كذا انا مودي معاي المبلغ كبير اشوي

بس اتمنى من اخوي مسافر خبيرالقطري ولد بلادي او اختي و مشرفتنا القطريه2007 بنت بلادي تساعدني اذا عندهم خلفيه عن الفرع او اي احد من الاعضاء الي لهم خبره باع كبيرفي لندن ولي في المنتدى الي كله مو فيد في هاي المواضيع يفدوني وكلكم اخواني وخواتي ماراح تقصرون وياي اتمنى انكم ما تهملون موضوعي وانا الحين في الشقه في الاكسفورد واذا في فرع حق البنك شكثر يبعد وياليت اسم المنطقه واسم فرع البنك الي في لندن وهل اقدر اخذ كاش ول يطلعونلي بدل فاقد حق الفيزا والماستر والحساب الجاري وهل اهوه بعيد عن الاكسفور ستريت ترا والله صج وايد متضايق وفي بلاد غربه ما عرف احد وما ابي اتصل حق ولد اختي اخرعه وهوه موجود في لندن بعثه دراسيه دراسه في جامعه اكسفورد طب خارج لندن بس على حد علمي انها خارج لندن اخبر زرتها وانا صغير

المهم ارجوكم بصرعه ابي الجواب في اسرع وقت

والله يعطيكم العافيه على المنتدى وانا بصراحه صارلي شهر وايد مستانس وعندي صور وايد واماكن سياحيه وايد ما خليت مكان ما رحته بس يافرحه ماتمت شكلها ختربت السفره وفي نفس الوقت علاج حق الوالده وان شاء الله اذا رجعت قطر بانزل موضوعي عن المناطق الي زرتها داخل لندن وخارجها بعد ما تقوم الوالده بسلامه وردينا على الدوحه وان شاء الله ارفق معها الصور وعن رحلتي الي فرنسا وعن دزني لاند وغير الامانك الساحيه بس عن فرنسا بانزلها في بوابه فرنسا ورحلتي من لندن بالقطار الي فرنسا
بس اطلبو من الله في كل صلاه انها تقوم لي بسلامه وتنجح العمليه باذن الله ويشفيها والله خليها لي امي جنتي وناري والله يشفي كل مسلمين وقومهم بسلامه وردون بلادهم
وانا اسمحولي طولت عليكم السالفه بس والله قهر اني ادل لندن شبر شبر ولا مره من يوم انا كنت صغير على كثر ما رحتلها ما نسرقت بس بصراحه شقه خالتي نسرقت ومع انه فيها رسبشن ولا زم يمرو عليه بس شلون الرسبشن ما شاف الحراميه ولايدري عنهم وهاي السالفه بشيى وهاي السالفه سنه 1995 وان شاء الله باذكر سالفه السرقه بتفاصيل في موضوع ثاني
والله يحفظ كل الخليجين والمسلمين والعرب وردون بلادهم سالمين غانمين نشاء الله حق اهلهم واحبابهم
والله يعطيكم العافيه ياجماعه الخير ويحطه في ميزان حسناتكم ان شاء الله وساعدوني جزاكم الله الف خير
ولكم كل تقدير وحترام وياخواني وخواتي وعلى من ساهم في هذا المنتدى ومن قام عليه والله يجزيكم على كل خير وان شاء الله في ميزان حسناتكم
انطر ردودكم بفارغ الصبر والله عليه المستعان
مع السلامه اخوكم الحزين احمد