دق على الحجز ضروري وسجل انتظار ويرسلو لك رسالة تأكيد بدون مشاكل
مع التحية

بسرعه أسمع كلاام أخونا عبد الوهااب ..
فأهل مكة أدرى بشعابهاا ..

اذا مستعجل ممكن تبحث عن طريق اي خطوط غير السعودية مثلا الاماراتية او القطرية او المغربية ولو انها مش ذيك القد

عفوا أنا ماعندي خلفية عن رحلات الإنتظار وكيف هي ؟
وضح كيف بيرسلولي تأكيد ؟ بإختصار ماحب البهدلة شيل الشنط وأروح المطار وانتظر فيه وللا مافيه وآخرتها عودة بخفي حنين . ياريت تعطيني صورة كاملة عن كيفية نظام رحلات الإنتظار . مع الشكر

ابو شنب اضحكتني اضحك الله سنك
مافي احد يحب البهذله ذكرتني بشيل الشنطه والانتظار بطريقة الباصات
على العموم اخي الانتظار هو انه يعمل لك حجز وفي حالة توفر اي مقعد على الطائرة يتم التأكيد لك مكان هذا المقعد وزي ما انت عارف الطائرة كبيرة يحجز فيها كثير من الناس وفيه اللي مو متأكد من روحته وفيه اللي يكنسل الروحة وفيه اللي مايشتري التذاكر ويكنسلونه ففي هذه الحالة يتم الاتصال مباشرة عليك وتشتري التذكرة وتلحق بهم في المطار وانت تذكرة مؤكدة يعني مافيها انتظار في المطار ولا يحزنون
ارجو ان اكون افدتك اخي
بارك الله فيك ورحلة موفقه مقدما وانا ان شاء الله لاحقك قريبا بس بعد شهر اذا رحت تشتري التذكرة بالله اسألهم عن سعرها في 10 يونيو كم بيكون وعلمني من اي مكتب اخذتها ان كنت في الرياض

جزاك الله الف خير أخ وليد على التوضيح ! فعلا مشكلة الناس الي تحجز بدون اهتمام ولو الواحد فقط يفكر انه يضع نفسه بنفس الموقف ( مايوقف في مكان ممنوع الوقوف والإنتظار قطعياً !! ) ههه آسف مخي ضرب .. أقصد عزيزي موقف المضطر المحتاج لحجز مهم وضروري ولو تدري ماهو ظرفي ؟ لكن أوعدك أقولك ماهو ظرفي ووعد أعزمك !؟؟ صح هيا هيا بالضبط .. أكيد عرفتها ! هيا ادعي ربك ييسر لي بحجز ولعلمك أنا سمعت كلامك واتصلت على الخطوط أول أمس وقال مافي امكانية إلا انتظار وصراحة سألته كيف الإنتظار لأني أول مرة يحصل هذا الموقف وقلت له ماحب البدلة و مثل الكلام الي قلته بالرد السابق والموظف رأف بحالي وشرح لي مثل ماتفضلت انت بشرحه بس هو مااعطيته وعد أعزمه . خ
وقال اتصل على الأربعاء يكون فيه ناس الغو حجزهم أو مااشتروا تذاكر والله يعين يحتاج أكون على أهبة الإستعداد ومجهز حالي مع اني ماسويت شئ ولسا معي شغلات ماخلصتها ولا خذت معي هدايا ( أظن على كذا وضحت الصورة عندكم لما قلت هدايا ) .
شكري وتقديري لك وللجميع.

اتمنى لك التوفيق اسبوعين لا حقينك ان شاء الله قصدي بلحقك بلحك مدري وشلون تنكتب ههه يعني (((((((بجيك))))

النظرة الثاقبة
هل تعلم ان الخطوط القطرية الرابعة على العالم والاولى في الشرق الاوسط
هل تعلم ان طيران الامارات الثالثة على العالم والثانية في الشرق الاوسط
هل تعلم ان الخطوط القطرية حازت هذه السنة على افضل طاقم ضيافة
هل تعلم ان الخطوط السعودية اعلى نسبة ضحايا الركاب لشركات الطيران واقصد الشركات الكبيرة فقط المنافسة ، خصوصا في الاعطال الاخيرة
آمل زيارة رابط اخبار شركات الطيران وتصفح اخبار جميع الخطوط والمقارنة وتحديدأً المقال الاخير عن الخطوط السعودية ...
https://artravelers.com/p/re/179377
ولك مني كل الاحترام ،،،،،،