هدي بالك وكل مشكله لها حل
سؤالي .. اسمها بالتذكره غير عن الجواز مختلف تماما ؟؟؟؟

https://artravelers.com/p/re/363699
اقرا هالموضوع عساه يفيدكً

اختي لندنية الخطأ مهب حرف او حرفين
اسمها الاول صحيح 100% والبيانات الاخرى كلها سليمه لكن العائلة خطأ 100%
كاتب لها نفس عائلتي
انا وولدي منصور الله يصلحه اسمائنا صحيحه 100%
افكر اجازف واحجز تذاكر جديدة لنا كلنا مع اني بحثت وماحصلت باقل من 7000ريال !!
لاحول ولاقوة الا بالله

واو تو متش
طيب يمكن في حل ؟؟؟

عزيزي على طول إدخل على موقع الخطوط اليونانية ورآسلهم أو إتصل عليهم وخلي معلومات التذكره معك ..
وإذا مآقدرت حآول تروح ل أي مكتب سياحي قريب منك وهو ممكن يقدر يساعدك
أهم شيء لآزم تتصل عليهم لأنهم يحطون عند إسم زوجتك علآمة في الكمبيوتر وإذا جآء الموظف يشوف التذكره يعرف إن فيه تعديل
المهم لآزم اليوم ضروري تدبر نفسك أو الله يعينك على تذكره جديده ّ!

اهدا ابومنصور
وان صار شي قل عسي بالامر خيره
مشرف الشركه يمشيك من دبي بالراحه بس احرص تروح بدري وتشرح له الموقف
انت حجزتها من نفسك او عن طريق مكتب في بريده
اي مشرف طيران لديه صلاحيه كامله لو حتي يمشيك بدون تعديل واذا مشيت بدون تعديل البوردنيق احتفظ فيه علشان تقنعهم عند العوده

الله يكتب اللي فيه خير وييسر الأمر يارب اشكركم جميعا
اخوي فيصل ، انا حجزتها بنفسي وهذي ليست المره الأولى لي احجز فيها طيران اجنبي اقتصادي
رحت لمكتب الطيار وشرحت للموظف المشكلة وقال راسل المكتب وعطه بيانات الجواز للأسم الخطأ عشان يضيفونه لك
وراسلتهم الساعة 7 صباحاً اليوم ، وحتى الان مافيه رد
انا ابجلس في دبي 4 ايام قبل رحلة باريس ، بأذن الله ابروح اول يوم لمكتب الشركة في المطار واشرح الوضع لهم
اذا عندك اي مشورة ماتقصر ،
ايضاً فيه استفسار ، وهو حل بديل افضل حجز تذاكر جديدة
وهو انه فيما لو رفضوا نهائياًُ أي حل ، هل بإمكاني اطلب منهم يكنسلون حجز زوجتي عشان يكون فيه مقعد شاغر ثم أحجز هذا المقعد من جديد بأي سعر ؟؟؟
ياليت تفيدني اخوي فيصل
والله يجزاك خير وجميع الاعضاء الكرام

والله ما اشتري تذكره لو مكانك اقول خيره
انت حاول ولاتنسي ان في دبي عطله اعتقد اول يومين او ثلاثه للقطاع الخاص حاول بكره تتصل فيهم بدبي
وياليت تكرر ارسال الايميل مش لخدمات للعملا فقط لاي قسم
احتمال اكون ثالث عيد بدبي ان احتجت اي شي ارسل لي مسج

ماتقصر يالغالي ، احتمال اتعبك معي وارسلك خاص هاليومين تروح وترجع بالسلامه يارب