زرت الدمام الاسبوع الماضي وبناءً على مدح كثير من أعضاء المنتدى لمطعم شيزان الهندي قلت لازم نجرب..!!
اول ما جلسنا لفت انتباهي الكتابات اللي على جدار الجلسة ذكريات فلان وذكريات فلانه وحروف وكأنك جالس تحت جدار مدرسة اطالع في الستارة مليانة من الكتشب الكراسي وسخة وغطاء الطاولة واضح ان منهري.. قلت يمكن الاكل مميز وبصراحة كنا متأخرين ولا المفروض نطلع.
الطلب جلس ساعة كاملة قلت ما يخالف هذولا اكيد ما يصلحون الا على الطلب وكذا يعتبرون مميزين...!!! المضحك اننا بدينا نسمع هواش من اصحاب الجلسات المجاورة مع عمال المطعم بسبب تأخير الاكل وتغيير الطلبات ونقصها..!!
المهم وصل طلبنا وليته ما وصل الصحون الصين والله انها متقشره من كثرة الاستخدام والغسيل الاكل نفس الشي الا انهم مثلا يضيف اللون لتغيير الشكل فقط.... الرز طلبت نوعين برياني ورز شيزان الخاص اولا رز مسخن ومن زمان مصلح والنوعين نفس الشي الا انهم حطوا في الخاص قطعتين لحم ودجاج
اكتشفت ان الطلب ناقص فقلت للعامل ان الطلب ناقص وزعل علي ابو هنود قال طبلك كامل ورحت للي سجل الطلب وجابو طلبي ولا كان حسبوه علي بدون ما نشوفه.
بصراحة انا انصدمت مهوب من المطعم ..!!؟؟ انصدمت من اللي يمدحون المطعم ويمدحون اكله...!!؟؟.