سهران
15-08-2022 - 05:40 pm
في معظم الدول الي يتردد عليها سياح خليجيين توجد شركات التايم شير (المشاركة في الوقت ) حسب كلامهم يعطوك اسبوع من كل سنة باسعار مخفضة وللاسف ان اغلبها شركات نصب واحتيال رغم ان بعضها مسجل رسمي في الدولة لكن لو تقراء ما بين السطور راح تلاحظ وجود ثغرات يمكن للشركة الخروج منها دون اعطائك شي
في مصر يوجد واحدة منها في شارع جامعة الدول العربية بعد الشرح المستفيظ وبيع الكلام المعسول لك " والكلام ببلاش خاصة عند اخوننا المصريين " يطلب منك دفع اي مبلغ في البداية يقولك عطينا 12000 جنية واذا قلت ما معي يقولك اي مبلغ تحت الحساب واذا قلت ماعندي يقول الفيزا اى حاجة وحتى تكتمل المسرحية قد تجد مصري هو وزوجتة قاعدين يتفاوضوا على البرامج ويدفعوا مقدم يعنى شوف هذا مصري اقتنع ودفع مع العلم انهم معهم ..
للاسف الكثير من الخليجيين يقع في حبال هذه الشركات وقد يحصل على اسبوع في شرم الشيخ باسعر رخيصة علماً ان شرم الشيخ في الصيف فاضية ويمكن تسكن بسعر منخفض دون تايم شير او غيرة ! واذ حسبت ما دفعت للشركة وما يمكن ان تحصل عليه دون هذه الشركة تجد انك دفعت اكثر منما يجب
المضحك في هذه الشركات اسلوب النصب المكشوف
اولاً غالباً تكون هذه الشركات في شقق مفروشة لايوجد مقر دائم (شركة لديها منتجعات ومشتركة في قرى ومدن سياحية ولايجد لديها مقر ثابت معروف !!!)
ثانياً
غالباً تستقبلك بنت حلوه عند باب الشقه ببتسامة وترحيب وسواليف وكننك حبيبها المنتضر وبعد ما تطلع ولا تشترك في برنامجهم ما تطالع في وجهك اصلاً (لوكانت شركة محترمة ما سوت هذي الحركات )
احد اصدقائي في المغرب وصل فيهم الامر بتهديده بالضرب اذا لم يشترك بحجة تضييع وقت الموظفين بلا فائدة مع انهم سحبوه من الشارع سحب للشركة .!!!
طيب اسمع الشركات اللي تبيع بنظام الوقت اولا ماهي مصريه
والفكرة كلها ماهي مصريه ترى الفكرة قديمه وحنا ماعرفناها الا من
مصر لما بدوا يعملوا المنتجعات السياحيه في المدن الجديده المشكله اخوي
الكريم حنا الخليجين فينا شك من كل حاجه مصريه ونحس انهم قاعدين يبون يسرقونا
وهذا الكلام فيه حاجه من الصحه بس لازم نعرف ان الشركات هذي قاعده تسوق لمستثمرين
خليجين 60% منهم سعوديين وترى هذا النظام بدا ينتشر عندنا في مكه المكرمه الله يحرسها
والمدينه المنوره على ساكنها افضل السلام وبعض الدول الخليجيه وموجود الان في الاردن
ولبنان
طيب يمكن تقول هذا قاعد يتفلسف علينا ابي اقو لك شئ واحد انا من الناس اللي عندي
اسبوع بنظام الوقت من سنه 1998 اخذتها من الاسكندريه بموجب عقد مصدق ومشرف
عليه محامي من طرفي وماشين معاي زي الحلاوة اروح في هذا الاسبوع الى شرم الشيخ
او الغردقه اجمع الاسابيع باقصى حاجه 3 اسابيع تقدر تاخذ فيها 3 شاليهات بوقت واحد
او اهديه لحبايبنا في مصر او حتى في السعودية صدقني الشركات هذى مضمونه
واذا كنت تقصد الشركه اللي في نهايه شارع الدول العربيه عند الاسواق الحرة
فهذه الشركه لمعلوميتك موجوده من عام 1991 يعني اكثر من 13 سنه ماهي شقه
مفروشه ( لاني رحت لها في العام 1991 وكانت اول مره اعرف نظام التايم شير )
للتوضيح مو اكثر
دريد