الله يكون في عونها
حسبي الله ونعم الوكيل ... هذيلا مايستحون ولا يخافون الله

الله يكون بالعون
ويرد لهم ما انسرق منهم
دمت بود

الله يعوض عليها .. ولا يحط حد بنفس بموقفها ان شاء الله

الله يكون في عونها

1. مرحبا اخواني ..

مرحبا اخواني ..

السرقة في المانيا ... مستحيله لانهم الشعب الاماني يخاف بشكل غير طبيعي من الشرطه وفي نفس الوقت عندهم الامانه وبكل صدق اقولها .. اما اذا هذا الامر بداء يظهر بسبب وجود ( العراقين الاجئين وخاصة الاكراد ) فتراهم يتسكعون في المارينا بدون هدف فيكون من المحتمل يسرقون واعتقد لو رجعت وسالت في السي اند اي يكون من المحتمل ان تحصل عليها ..
قبل 10 سنوات كنت في المارينا بلاتز وطاحت محفظتي وما انتبهت لها وتفاجأت بالمانيه تناديني وتحمل محفظتي التي كان فيها 10 الف ..
وقبل 7 سنوات تقريبا ابني الله يحفظه كان شايل شنطة الكاميرا ونساها عند احد بوابات المتحف .. وبعد نصف ساعه تذكرها رجع وشافها مكانها ..
في كل سفره لنا نحصل لنا هذه الامور ولكن في المانيا بالذات نحصلها وما تنسرق ..
ومن الامور الظريقه التي حصلت لنا ..
نسى ابني في سن 10 سنوات شنطة سحب وفيها مشتريات من المارينا في وسط المارينا وبعد شفنا الشرطه متجمعه ومن باب الفضول راح يشوف ليه التجمع اكتشف بان الشرطة سورت الشنطة بشريط احمر ....
وفي هذا الصيف نسيت ابنتي في سن 12 في دورة المياة الله يكرمكم في الفندق وبعد نصف ساعه راحت وحصلته .. وكذلك نسيت جوالها في مركز الكوفهوف وبعد مرور نصف ساعه حصله ..
لكن في اي بلاد كانت يجب علينا الحرص والاخذ بعين الاعتبار باننا مراقبين من قبل الناس المحترفين في السرقه ودائما وابدا ما نظهر الخير الي عندنا وان نكون بسيطين بطريقه تجذب ونطمع هذه النوعيه مثلا ( عدم حمل شنط ماركة وخواتم الماس والذهب ) لان هذا الي كان حاصل في المارينا بلاتس
آسفه على الاطاله ..
شكرا للجميع

ارى في اعين هؤلاء الشباب وللاسف العرب والمتمركزين في بداية شارع المارين بلاتز - قرب النافورة وامام الماكدولندز شر ،، ما ان ترى قصات شعورهم ولبسهم الذي يتميزون به عن أهل البلد ونظراتهم الغير طيبة للنساء كافة وللخليجيات خاصة .. شباب عاطل .. جلست ما يقارب ساعة قربهم سمعت منهم كلمات تجاه بعض النساء الخلجيات ... استحي ذكرها .. اشك بسؤ سلوكهم ...

جوازات السفر المفروض حفظها بالفندق لاخر لحظه قبل التشيك اوت ، وبطاقات الائتمان البنكيه افضل من حمل المبالغ الطائله الا اذا كانت تعتبر لمن يحملها انها غير طائله .
شكرا على التنبيه والله ايعوض عليهم

claz
اوافقك الرأي حصلت كثير من العرب المهاجرين وبعض الفرس .. في نافورة الكارل بلاتز .. كانوا سيئين جدا .. وتتوقع منهم اي غلط او جريمه ..
لكن دايم اقول الواحد المفروض مايطمع النصاب والحرامي فيه .. خليك فطين وانتبه شوي لعمرك ودراهمك فالقانون لايحمي المغفل
تحياتي

( المال السائب يعلم السرقة)
انا جلست هالصيف في ميونخ 45 يوم و رجعت الامارات من يومين و الصراحه الشعب الألماني شعب محترم و عندهم امانه بشكل كبيره و مستحيل يسرقون ..
لدرجة ان مرة اخوي نسى موبايله في C&a في المارين و رجع بعد ساعتين و رجعوله الموبايل بس بعد ما عطاهم اوصافه و خذوا الاسم و العنوان للتأكيد ..
.
.
.
الصراحه الي نشوفه في المارين من بعض الخليجيات شي عجيب و مخجل !
المجوهرات و الألماس و الشنط الماركات و المكياج فل على الأخير و شيل ما تغطي شي بس حق الزينه و الضحكات و النظرات الغير بريئه !
بس ما نقول الا ( ان لم تستحي فأفعل ما تشتهي )