1. ميدان بعيده جدا عن جاكرتا ولازم تسافر لها بالطائره ...


2. اول شي اعطيكم اللي اعرفه عن مدينة ميدان


3. المكاتب السياحيه كثيره توفر لك السياره ويمكن تحصل ب 100 ريال


4. اصحاب السيارات الخاصه للاسف ماعندي عنهم اي فكره واللي يسال ما يضيع.


5. jl.jamin gmting no.301 p.bulan

ميدان بعيده جدا عن جاكرتا ولازم تسافر لها بالطائره ...

اول شي اعطيكم اللي اعرفه عن مدينة ميدان

اصغر من جاكرتا وجوها مثل جاكرتا حر بالنهار والامطار قليلة الشهرين هاذي يوليو واغسطس ..و بصراحه غلطان اللي يجلس في ميدان الا اذا يبي يريح ليله وحده .. اما الفندق اللي ذكره اخونا بوسالم اسمه داناو توبا في ميدان حلو وسعره 120 ريال ويمكن تلقاه فل قصدي مليان خاصة الجمعه والسبت فيه فندق في ميدان حق امراح ليله اسمه سيماراك بحدود 100 ريال مقابل له مركز تسوق صغير ودائما اقول لاتنسون تطلبون خصم من الفندق نفسه.. فيه فنادق كثيره خذ لفة بالتكسي اذا حبيت تضيع وقتك
في ميدان تاكد من سعر مشوار التاكسي لانهم دائما يغالون بالسعر والمشكله مافيه عداد بالتكسي وكلها موديلات قديمه.
اذن الوصول الى ميدان بالطائره سواء من جاكرتا او اقرب مطار لها من بينانق في ماليزيا وهناك العباره من بينانق الى ميدان وساضع للعباره موضوع خاص.
احرص على التوجه الى الجبل بريستاقي صباحا للاستمتاع بمنظر الطريق والوصول الى بريستاقي مبكرا المسافه من ميدان الى بريستاقي 70 كيلو والزمن ساعه فقط.
كيفية الوصول الى الجبل بريستاقي:-
الفندق يوفر سياره لنقلك والسعر لايقل عن 150 ريال

المكاتب السياحيه كثيره توفر لك السياره ويمكن تحصل ب 100 ريال

اصحاب السيارات الخاصه للاسف ماعندي عنهم اي فكره واللي يسال ما يضيع.

اذا ناوي تنبسط اخر بسطه فيه صاحب مكتب في الجبل تتصل عليه يتكلم انجليزي راح يرسل لك السياره ويستقبلك في المطار وياخذك للجبل بريستاقي على طول لكن يشترط انك تستاجر السياره بالسواق اقل حاجه ثلاثة ايام والسعر 150 ريال لليوم الواحد...
عنوانه : الاسم ايروين المكتب في بريستاقي تلفون المكتب:
5
على فكره المكتب فاتح الى الساعه 10 مساء ماعنده مانع ياخذ لفه معك ويعرض الفلل عليك مع ان الفلل للاسف قليله واي معلومات تحتاجها راح يخبرك عنها متعاون جدا...
طريقة اخرى للوصول الى برستاقي رخيصة جدا وفيها تغيير ومتعه هي الباصات اسم المحطه: بادانق بولان اذكر نوع من الباصات ميني باص عنوانه

jl.jamin gmting no.301 p.bulan

هذا باص صغير ياخذ حوالي 12 شخص السعر الى برستاقي 4 ريال يابلاش وتقدر تدفع تذكرتين اذا معك حقيبه وحبيت انها تكون جنبك ..الباص هذا غير مكيف مالو داعي المكيف لان الجو بعد خمس دقائق يبرد ...ملاحظه مهمه بالنسبه للباصات العامه مثل هذا الميني باص لاتنسى اذا مر حوالي الساعه او اقل ..تذكر السواق ان وجهتك الى بريستاقي لانه راح يواصل طريقه مثل النقل الجماعي عندنا... واعتقد انك تقدر تقول لصاحب الميني باص انك تتكفل بدفع قيمة جميع مقاعد الباص حتى يكون خاص لكم والمجموع ماراح يتعدى 60 ريال شامل الاكراميه وينزلكم بعد عند باب الفندق بالجبل احسن من انك تدفع 150 او 200 ريال حق سيارة الفندق والموضوع كله ساعه وحده والجو حلو ..
الطريق من مدينة ميدان الى الجبل بريستاقي في صعود مستمر مثل بونجاك والجو يزداد بروده منعشه وترى بعد ذلك المناظر الخلابه وتخترق غابة من الاشجار العملاقه .. نسبة المسلمين في بريستاقي 40 بالمئه والمسيحيين 50 بالمئه والعشره الباقيه متوزعه.
شبكة الجوال برو اكس ال تعمل في الجبل بريستاقي .. ماادري عن الشركات الاخرى ..
الطريق الى بريستاقي يختلف عن بونجاك خفيف الحركه مافيه زحمه.
الجبل بريستاقي مدينه صغيره جدا للاسف لاتتوفر فيها مطاعم الوجبات السريعه.
في منطقة السوق ترى العربات التي تجرها الخيول خذ لك جوله في الجو الحلو.
المشي على الاقدام في اي وقت امن والسكان مسالمين رغم نظراتهم اليك لانك تختلف عن السواح الاجانب ماتعودوا يشوفون عرب.
المدينه جميله جدا يوم الجمعه والسبت فيها حيويه.
روعة الجبل في الجو المنعش وزيارة الشلالات والمياه الحاره ولمحبي المغامرات السير على الاقدام في الغابات وقضاء ليلة هناك ..اسال المكتب عن عرض مغامرات الغابه وقضاء ليله فيها وتحتاج الى دهون ضد البعوض..
اسعار الفلل بالجبل بحدود 70ريال او اكثر حسب المواصفات وللعلم لايتوفر الكثير من الفلل حسب اعتقادي لان السواح يفضلون الفنادق.
اسعار الفنادق
اغلى فندق هو sibayak hotel سيباياك هوتيل 140 ريال اما فندق danau toba داناوتوبا طبعا بالجبل سعره بحدود 70 ريال خذ لك لفه على الفنادق واختر اللي يعجبك
:::::::::::::::::::::::::::::::::::::::::::::::::: ::::::::
لان الجبل بريستاقي يقع بين ميدان وبحيرة توبا يمكن تحب تواصل الى طق طق عند بحيرة توبا ..
اذا تبي التوجه الى طق طق في بحيرة توبا فالطريق مدته حوالي 3 ساعات من بريستاقي واذا لم تكن معك سياره يوجد عرض ساشرحه لكم في موضوع البحيره توبا .. وطبعاً هذا غير الميني باصات العامه رخيصة جدا ومتوفره..
والحين يجي دوركم اللي عنده معلومات اضافيه تكفى لايبخل علينا ..
انتظروا موضوع بحيرة توبا منطقة طق طق في الجزيره الحالمه