نشر في تركيا

التنقل بين مدن تركيا

أبلة هدى

10-08-2022 - 02:42 am

السلام عليكم
ودنا نروح بالاجازة لتركيا وترتيب المدن بهذي الطريقة :
(آذا فيه مدينة نكنسلها ونحط بدالها مدينة ثانية عادية واذا فيه شي نكنسله بدون بديل عادي
اهم شي ما نروح مدينة مافيها شي يستاهل العنوة)
اسطنبول
انطاليا
بورصة
ترابزون
اوزونجول
اسطنبول ( يالوفا )
او هذي اسهل بالتنقل
اسطنبول
بورصة
ازمير ( تستاهل العنوة والا اكنسلها )
انطاليا
طربزون
اوزونجول
اسطنبول ( يالوفا)
ايهم اسهل واريح وطبعا اوفر؟؟؟
وبالنسبة لطريقة التنقل بين المدن كيف تكون بين كل مدينة والثانية مع العلم باننا عائلة بالغين وطفل سنوات

التعليقات (9)

هلالي رايق

10-08-2022 - 05:07 am

نصيحة اكتفي بهذه المدن : اسطنبول / طرابزون ومنها اطلعوا لاوزنغول وبس
والتنقل بين اسطنبول وطرابزون بالطائرة ومن طرابزون الى اوزنغول بالسيارة 100 كيلو بينهما بس

أبلة هدى

10-08-2022 - 06:08 am

الله يجزاك خير ع الرد
ودنا نمر على مدن تركيا بما ان المدة عندنا طويلة من - يوم تقريبا
وكثير يمدحون انطاليا
لكن بالاخير خبراء تركيا افضل وانتوا ادرى مني
اقتراحك سيؤخذ بعين الاعتبار

من زمن جميل

10-08-2022 - 07:09 am

انطاليا وازمير حلوه بس حاره بالصيف
الشمال التركي بيكفيكم
اسطنبول بولو ( ابانت) ثم سامسون ثم طرابزون ( اوزون قول وايدر)
وممكن بالطايره او بالباص
اسطنبول بولو 4 ساعات
بولو سامسون 7 ساعات والطريق جميل جدا جدا
سامسون طرابزون 6 ساعات والطريق جميل بمحاذاة البحر البحر يسار والطبيعه الرائعه عاليمين

أبلة هدى

10-08-2022 - 08:10 am

الله يسعدك ياخوي ع الرد ماقصرت والله
لكن اعذرني مافهمت عليك كيف الترتيب
اذا ماعليك كلافة ترتبها لي بعدد الايام بكل مدينة ( المدة كاملة من - يوم قابلة للنقص والزيادة ع حسب الجدول)
علما بان الذهاب والعودة من مطار اسطنبول
وبالنسبة لانطاليا هل هي حارة مثل الرياض والا اخف حرارة؟؟
وكم اسعار تذاكر الباصات او الطيارة؟
اخر شي احنا مانعرف بتركيا اي شي وش الافضل سائق بسيارة او مرشد سياحي؟؟
عارفة والله كثرت عليك الاسئلة اعذرني ياخوي

هلالي رايق

10-08-2022 - 09:11 am

روحي للشمال التركي طرابزون وقراها عن مليون ابانت وانطاليا
او روحي لانطاليا وابانت وخلي طرابزون آخر شي وراح تندمين على الوقت الضايع في بورصة وابانت وانطاليا

أبلة هدى

10-08-2022 - 10:12 am

ابانت قصدكم فيها اسطنبول والا مدينة ثانية؟؟؟
اذا ايه فاسطنبول لابد منها مع الشمال التركي اما انطاليا احس خلاص يمكن اكنسلها محد شجعني منكم وطبعا بورصة بعد
بس وش فيه بالضبط الشمال؟؟
بس طبيعة؟؟

هلالي رايق

10-08-2022 - 11:13 am

الشمال فيه طبيعة خلابة وهي زبدة تركيا والباقي خرابيط
اسكنوا في طرابزون وخلوها محطة انطلاق للمناطق المجاورة اوزنغول - ايدر وكلها قريبة من طرابزون بس السكن في طرابزون افضل لكم

العتيبية السنافية

10-08-2022 - 12:14 pm

لو بدك اقتراحي يا اختي . روحو اسطنبول والمناطق القريبة حولها . ثم احجزوا طيران داخلي على خطوط بيجاسوس من هنا ( http://www.hajzee.com/?p=120 واستأجروا سيارة وتنقلوا بين مناطقها وبعدين عودة لاسطنبول على بيجاسس ومن ثم لارض الوطن باذن الله.

من زمن جميل

10-08-2022 - 01:16 pm

لو تستاجرون سياره بيكون احسن
اسطنبول 5 ليالي. بحيرة ابانت التابعه لمدينةبولو. 2 ليله
سامسون. 3 ليالي
طرابزون 7 ليالي او تسكنون في ريزه عشان ايدر. وشلالات كزرده
اوزون قول 5 ليالي
والعوده لاسطنبول

تركيا المسافرون العرب

التنقل بين مدن تركيا