اختي انا كنت اواجه مشكله مع تاكسي دبي في عدم توفرها في بعض الاماكن او عدم توقفها في اماكن اخرى ووجدت ان الحل هو طلب تاكسي عن طريق التلفون في اي وقت واي مكان ... صحيح احيانا انتظر بين ربع ساعه الى نص ساعه حتى يوصل ولكن اضمن ان التاكسي بيوصل ولا اتعب نفسي.
وطبعا في كل الاحوال الافضل هو استئجار سيارة اذا كنتوا على معرفة بطرق دبي وتحويلاتها.
تحياتي

اذا عندك رخصه وتعرف شوارع دبي جيدا يفضل استئجار سياره طول فترة الزياره
اذا ما تعرف بالشوارع جيدا وتقدر تستأجر سياره مع سائق يكون افضل " اقصد هنا الوضع المادي "
اذا وضعك المادي لا يسمح باستئجار سياره مع سائق ولا تعرف شوارع دبي ما عندك الا خيار طلب سيارة تكسي والإنتظار حتى قدومه وهذا قد يأخذ وقت طويل قد يمتد الى ساعه اذا كنت باماكن مزدحمه وبعض المرات ايقلك ما اقدر ابعتلك .
اعتقد ان كل الخيارات المتاحه مطروحه وانت تقرر .
بالتوفيق وزياره سعيده وعوده امنه .

فعلا أختي تاكسي دبي معاناة في الإنتظار وكذلك في الحصول عليه وأسعار غاليه
إذا تقدرين تستأجرين سياره بدون سائق فهو أفضل حل بلا منازع

شو فيهم التكاسي في دبي؟؟؟ يعني ما وضحتي شو مشكلتج مع التكاسي
بالمستحيل التكسي بيوقف لحد في الشارع ,,,,لازم طلب
والعداد موحد يبداء ب4 دراهم

في 3 مشاكل للتكاسي في دبي
1- اذا كنتوا في الشارع .. صعب جداً احد يوقفلك
2- في بعض اوقات الذروة ماراح تلاقون اي تاكسي حتى لو اتصلتوا
3- في الاماكن اللي فيها اماكن مخصصة للتكاسي مثل المراكز التجارية الكبيرة .. بتلاقون طابور طويل وممكن توقفون اكثر من 40 دقيقة عشان يوصل دوركم
أنا دائما أفضل استئجار سيارة بدون سائق .. بس لازم يكون عندكم جهاز GPS عشان ماتضيعون في الشوارع

لا زالت المشكلة قائمة وبقوة
أمس كنت في زيارة لدبي وعانيت الأمرين كالعادة بسبب التكاسي
لم أرغب في استئجار سيارة لأن بقائي في دبي لساعات قليلة
لكن قلت أجرب شي جديد
واستخدمت باصات النقل العام :d
بدرهمين ومن محطة لمحطة
حددت وجهتي والاماكن اللي بروح لها وطريق الرجوع وارقام الباصات
ونسيت همّ التكاسي
مع اني انتظرت ساعة كاملة حتى اوقف تاكسي لأني كنت مستعجل على محل
قبل يسكر لكن مافيه فايدة
مالك الا باصات النقل العام
محترمة ونظيفة ومكيفة ورخيصة جداً
بس عيبها تاخذ وقت اطول وكثر الوقفات
ونصيحتي اللي يبقى أكثر من يوم لا غنى له عن سيارة خاصة ...

شكراً لكم على تجاوبكم اللي مو غريب عن هذه البوابة المميزة

ومعناته ... معاناة التكاسي موجوده !!
طيب شنو الحل
شنو أفضل مكان لإستئجار سيارة صغيرة في دبي سواءً في المطار أو خارج المطار
بدون بطاقة فيزا

في المطار ممكن تلاقين مكاتب تأجر بدون بطاقة
بس لاتروحون للشركات الكبيرة والعالمية
في بعض المكاتب الصغيرة مثل بن هادي وآسيا .. احتمال يعطونكم بدون فيزا
عالعموم ممكن تاخذين ارقامهم من موقع مطار دبي