اسيرالدوحه
31-03-2022 - 08:09 pm
السلام عليكم ...
بداية .. أحب أن أحيي الجميع على تفاعلهم مع بعضهم ... ومساعدتهم لبعضهم البعض ...
فالمنتدى قائم على اكتافنا نحن الاعضاء ....
فكل الشكر والتقدر للكل ...
انا الحين بدأت اخطط لسفرتي الثالثة للصين ... واللي راح تكون ان شاء الله في شهر ديسمبر ..
والغرض من سفرتي هي شراء الاثاث للفيلا.
اشياء كثيرة تدور في بالي فالوقت الحالي ...
مثل .. هل التوقيت مناسب .... وماهي خطوط الطيران الانسب للسفر ...
انا ناوي اسافر 9 او 10 ديسمبر (بعد العيد على طول) - هل تعتقدون بأن التاريخ مناسب؟
سؤال ثاني يدور في بالي ... شلون راح يكون الجو في هذي الفترة ؟ هل هو شديد البروده .. ام الجو فيه برودة .. لكن نقدر نستحملها ؟
انا ناوي اغير المكتب اللي كنت اتعامل معاه .. وافكر اني اتعامل مع حليمة (توصية اختنا هداوه). وشرايكم فيها؟
السكن ... احتمال اسكن في فندق كانتون واحتمال اسكن عند قرايبي. لو كنت راح اسكن فالفندق .. هل احجز من الدوحه ... ولا لما اوصل هناك ...
ياليت .. اللي وده يشاركنا بخبرته في هذي النقاط ... او اي نصيحة اخرى ...
فليتفضل مشكورا ....
وله كل الدعاء في ظهر الغيب ....
يعطيكم العافية ...
دخلت اليوم للمنتدى لقيتك متجهز للرحيل
أتمنالك كل توفيق
أما الجو في ديسمبر في بروده خفيفه بس ممتع
ولا تنسى التقرير المفصل