A.H.N
عليكم السلام
مشوار فرانكفورت الى ستراسبوغ سهل ما عندك مشكله فيه
اما من ستراسبورغ الى زيلامسي انصحك بالسكن بفوشن او غارمش قبل زيلامسي
سالزبورغ يومين اشوف انك اخطأت فيهم لان سالزبورغ قريبة من زيلامسي مشوار ساعة وشوي انت فيها ما اعتقد انك تحتاج تسكن فيها بالاضافة انك تروح بحيرة وولف غانغ وتقدر تزور منجم الملح والزحلاقية الصيفية اذا ساعدك الجو
بالخدمة لأي استفسار

مشكور اخوي على المساعده
طيب بنسبة الى سالزبروغ ادا كانت مشوار ساعه لليلتين تبعاها وين اقدر احطها ؟؟ استغلها وين هل في منقطه اقدر اضيفها
او انه اضيفها في سترابوغ مثلا ليله و في زلامسي ليله والغي سالزبروغ

A.H.N
يالغالي
ليلة بفرانكفورت اشوف ان مالها داعي او انك تسكن بفرانكفورت ليلتين عالاقل او انك تكنسلها لانك بهالحالة راح تخسر ليله عالفاضي مشوار فرانكفورت الى ستراسبورغ ساعتين والطريق سريع ما عندك مشكلة فيه
المناطق المحيطة بفرانكفورت تستحق الزيارة وبما انك واصل فرانكفورت وعندك وقت ليش تزحم نفسك
اشوف يومين بفرانكفورت عالاقل تزور كوبلنز وفيسبادن وعندك تحت مانهايم
وستراسبورغ تقدر تضيف عليها يوم وتزور بادن بادن والغابات السوداء وفرايبورغ والقرى داخل الغابات وبحيرة تيتيسي
المنطقة تستحق بكل أمانة 10 ايام ولا راح تقدر تغطي نصها
وكابرون 5 ايام حلوين كافي عليها

والله انا ماودي اسكن في فرنك ادا كان كذا المشوار راح اوصل على طول من المطار ( الطياران القطري) يوصل الساعه 2 الظهر راح انطلق الى ستاربوغ مباشرة
المخطط
فرانك وصول فقط الانطلاق مباشرة الى ستاربوغ
5 سترابوغ(راح ازور المناطق الى حواليها من رست و بادن بادن وغيرها ) - 3 فوشن(راح ازور قارمش والمناطق الي حواليها ) - 5 كابرون- 2 ميونخ
كذا الان باقي لليله وين اقدر اضيفها
شراك في المخطط ؟! اي نصايح ؟! ادا اوكي مشان ابدي ابحث عن السكن في كل منطقة

A.H.N
ممتاز معناته ماله داعي تسكن بفرانكفورت فقط وصول
ضيف مدينة انسبروك اطلع لها من فوشن
اذا كنت تبي تتسوق ضيف اليوم الاضافي على ميونخ

خلاص راح اعتمد هذا طيب وين ارجع السياره في مينوخ ؟ في المطار او القطارات او وين بظبط واي شركه تنصح فيها للحجز السيارة ؟!
2- الحجز السكن راح اعمله عن طريق البوقنق و السياره احتاج نصيحه وين احسن موقع حق حجز
3- وين تنصحي في السكن في كل منطقه ؟ ملاحظه السكن حق نوم فقط وراحه يعني ماحتاجه فخم فخم واحتاج فيه يكون مواقف
4- هل يوجد بطاقة تخفيض للاماكن السياحية سواء في المانيا او النمسا !؟وين اقدر اخذها ادا موجوده
بنسبه الى المانيا راح اوصل انا يوم الجمعه وانطلق مباشره الى سترابوغ الفرنسيه متى يوم الاجازه الاسبوعيه عندهم ؟لان انا ناوي راوح يورو بارك بس ماودي اروح في وقت الاجازه يعني بعدها بيوم بما انا اني بجلس فيها 5 ليالي
سوال اخير هل القطرية ممتازه للسفر الى اوروبا لقيت حجز عليها ذهاب وعوده ب 5000 ريال لشخصين ؟
هل احجز عن طريقهم من موقعم مباشرة او في موقع اخر كويس ؟؟!.
شكرا ....

A.H.N
يالغالي كل شخص له طريقة بالسفر
انا من الناس اللي يتعب عالمكان والمنطقة لكن احب اريح نفسي بكل شئ يعني ما احب أستأجر سيارة وادفع فلوس وبالنهاية اروح لمحطة القطار واخذ قطار واروح للمدينة عشان استلم السيارة هذا كلام مو منطقي ابدا والسبب ابي أوفر كذا يورو واتعب نفسي عالفاضي
ادفع عشان ترتاح أو وفر واتعب ما عندك مشكلة
كل سنة كنت اتعامل مع اليورب كار لكن هالسنة خذيت من هالشركة وما صارت معاي اي مشكلة الحمدلله
http://www.economycarrentals.com
الشركة تحولك وتعطيك افضل سعر وبعدها تبعث لك فاتشر للشركة اللي حجزت منها
يعني ممكن تحجزلك من سكست او ايفيس او يورو وهكذا
انا حجزت منهم مرسيدس c200 من شركة دولار ولما وصلت عملو لي اب غريد وعطوني bmw x6
6يوم بسعر 270 دينار مع التأمين الشامل سعر ولا بالاحلام تحصله يعني اليوم 18 دينار
ما استخدمت بطاقات الخصم لكن موجوده تقدر تسال الفندق يقولك عنها بكل مدينة
الاجازة الاسبوعية يوم الاحد قليل او نادر جدا تشوف المحلات فاتحة
بالنسبة للقطرية للامانة لا افكر فيها ابدا بعد رحلتي هالسنة
انصحك باللفتهانزا أو الاتحاد ( ابو ظبي )
اذا للحين ما حجزت الله يعينك عالسعر .. انصحك تنتظر بعد العيد اذا ما حصلت سعر جيد لان الاسعار دبل الحين
المفروض تكون خالص من الحجوزات

سلام عليكم بنسبة الى اخر نقطه ذكرتها ممكن توضحها اكثر
هل تقصد الان السعر مرتفع قبل العيد يعني انتظر بعد العيد للحجز !؟ مافهمت عليك
انا الان ماحجزت عندهم بس لقيت هم و الطيران التركي الي عندهم وقفه وحدة و يكون الوصول على الساعه 2 او 3 بعد الظهر