السلام عليكم ورحمة الله وبركاته
هلا وغلا ...
أخواني وخواتي ..
سفرتي الى لندن في خلال اربع ايام فقط .. ركبت الطياره ساعه 12:30 يوم الخميس ..ورجعت 11:20 يوم الاحد
الرحله على الخطوط القطرية (الهنديه):P
المسافرين ثلاث اشخاص ..
فيصل , عبدالرحمن , محمد ..
ملاحظه ..
إي استفسار اللي بيروح لندن يسأل ولا يرده الا السانه..
المواصلات , الأندر قراوند والباصات والتكاسي .. واللي يبي يعرف كيف تنقلات بالباصات والاندر قراوند يسأل وانا بجوابه ..لأني مب حاط شي عن المواصلات
محسوبكم لندني منذ مبطي ..
نرجع لموضوع التسوق .. باحاول قدر الإمكان إني أفيدكم في بعض المعلومات .. أكثر من انه الموضوع التسلية ..
بتكلم بإموجز بيسط مع الصور عن الفندق و التسوق (الشوبينغ) الرائع جداً ..
السكن في فندق Grosvenor House, A JW Marriott Hotel جرافنن هاوس خمس نجوم طبعاً في الماي فير على شارع البارك لين..
التسوق في اكسفورد ستريت المحلات اللي بشارع وكلها ماركات عالميه ومجمع سلفيرج..
وبوند استريت كلها محلات فيها جميع الماركات العالميه .. نايس بريدج وفيها هارودز ..
والمفاجأه هي شبربوش ..!!
تم افتتاح اكبر مول في لندن في شبربوش وهو بطراز الحديث جداً واسعاره ارخص من باقي الاماكن وفيه تقريبا جميع الماركات,وافتتح من اربع شهور تقريباً..
واسمه وست فيلد
الأسعار في لندن ارخص بكثير من قطر ومافي اي مقارنه بصراحة .. لدرجه أني حسيت أن التجار عندنا قاصين علينا ..
أهناك الابضاعه أجدد وارخص ! يعني جنز أرماني بقيمة 700 ريال قطري في لندن نيو كولكشن لو أتقارنه في بلو صالون أقدم منه 1700ريال قطري!! شفت وشلون الفرق ..
وهاي انا مجربها بنفسي
وغير الاشياء اللي ماتوجد الا في لندن (ليمتد اديشن) ..
يعني بكل اختصار السفره شوبينغ بكل وضووح ..
والحين انبلش بالصور
هذا الكرسي سعيد الحظ اللي جلست عليه طول الرحله .. بزنس كلاس
اول مانزلنا من طياره وخلصنا اجرائات الجوازات جلسنا نتقهوه .. ومحمد اله يهديه راح ينتظر شنطته على سير ..مو شنطه ثلاجه وشكبر ^^
وركبنا التاكسي وعلى طول الفندق .. لو تلاحظون شنطتي انا وعبدالرحمن ركبنها معانا.. الا شنطة محمد حملنها فوق التاكسي :P