عصفوره المطار
23-03-2022 - 07:38 pm
السلام عليكم ورحمه الله وبركاته
اولا//
تبين لي من القراءه انو الباص الاحمر السياحي قدام قوس النصر
السؤال - من البدايه كيف اروح قوس النصر بتكسي ولا كيف وماعرف فرنسي كيف اقوله ؟
ثانيا هل له ساعات معينه يتوقف مثلا من 8 صباحا او اجي اي وقت القاه؟
وبما انه يوقف في محطات متعدده اي اماكن متعدده هل غصب اروح كل الاماكن اللي يمرها ههه ولالا لاني انا ابي
بس برج ايفل والشانز ونهر السين وبعدها ابي ارجع فندقي ؟كيف ارجع هل بنفس الباص ولا اخاف لاتاخرنا يسحب علينا ويمشي ههه
ثانيا //
انا الحين صحيت صباحا واريد اذهب الى ديزني بالرير(القطار) الي هو a4
طيب هل الرجعه نفس الاسم اي اربعه ولا ولا شلون العربه ؟
وهل اروح محطه القطارات بتاكسي ولا وين القاها؟
ثالثا/ ابي فندق ب حدود 400الى 500 باليوم مع الافطار=ببدايه شهر ابريل-
ويكون جيد وقريب عند الاشياء
رابعاا/ ابي اروح من مطار باريس الى النمسا عن طريق الطيران الاقتصادي -كم ساعه المسافه؟
(ماهي الاجراءات اللازمه هل في ورقه دخول تعبىه او شي )
سؤال اخير//هل اخلي المبالغ الماليه معي بالمحفظه-ولا اصرف من صرافاتهم لو بغيت
طيب كي طريقه السحب الالي من صرافاتهم-للعلم ماعندي لغه
رجاء ابي رد على كل سؤال
اسفع ع الاطاله
وشكراا
ان شاء الله تتسهل الأمور وتسافرين
راح اجاوب على بعض استفساراتك
الباص الاحمر المكشوف يكون الهدف من ذلك هو المرور وزيارة أهم المعالم السياحية في باريس من قصر فرساي والمتحف والبرج وقوس النصر .. الخ
وطلما انتي تبين بس البرج ونهر السين فالموضوع جدا بسيط ماله داعي الباص الأحمر اللي فهمته منك انك تحتاجين وسيلة مواصلات تنقلك لهذه المعالم بذلك تحتاجين للمترو وهو الوسيلة الاقتصادية
اذا سكنتي على مقربة من الشانز فقوس النصر هو بداية الشانز وبرج ايفيل تقدرين تروحين له بالمترو
جدا سهل من محطة جورج في الي محطة بير حكيم (( لابد أن تطلعي على خريطة المترو والمنتدى ملئ بالاماكن السياحية الموضحة على الخرائط ومثبته بالمنتدى))
انا عن نفسي مشيت من الشانز لبرج ايفيل ماحسيت المشي ممتع ونهر السين راح تقطعينه وانتي رايحة للبرج
وبالنسبة للفندق اللي اعرفه سعره معقول وقريب من الشانز لي بيلمونت
وادخلي موقع بوكنج وحطي تواريخ رحلتك ومدة اقامتك راح تظهر لك خيارات الفنادق واختاري اللي يناسبك واحيان يعملون عروض بأسعار ممتازة
عزيزتي لو اطلعتي على طريقة استخدام المترو ماراح تحتاجين للتاكسي ابد فقط اول ماتوصلين
المطلوب منك معرفة انتي بأي محطة والي اي محطة تودين الذهاب والمسار اللي يمكننك استخدامه جدا سهل اسهل مما تتخيلين يبي له شوية فهم
بالنسبة للطيران من باريس للنمسا يستغرق قرابة ساعة على مااذكر
وليس هناك اي اجراءات ولا تعبية بيانات
انا جربت من النمسا الى باريس دخلنا باريس ولا احد حولنا ولا احد سال لوين ومن وين
ان شاء الله اكون افدتك ولو بالقليل