محطّة انطلاق الباصات من الجهة الأخرى للميرديان ..
أدخلي المحطّة و أخري من الناحية الأخرى ..

وهناك نوعين من الجولات كبيرة و صغيرة تفرق الكبيرة عن الصغيرة بالوقت و مكانين فقط هما الحديقة الأولمبية و مكان آخر لا يحضرني الآن ..
وهذا الموقع ..
http://www.citysightseeing-munich.com/

و الله انصحك فيه جدا رائع و بيوريك المدينه كلها ..

جزاكم الله الف خير
لكن هل لها احداثيه لانه معنا قارمن وراح نستخدم فيه خاصيه المشي
ولك جزيل الشكر

ما ادري عن الاحداثيات .. بس هو عند بوابة المحطة بالظبط ..
و اذا تبون معلومات اكثر تلقين في تقريري عن المانيا

شي باص يطلع من قدام المارين بلاتز (النافورة)
http://wikimapia.org/
بس بصراحه ما عجبني ذاك الزود

غاليتي مزون ماقصرتي عزا الله انك اسم على مسمى
قريت تقريرك وشرح حلو ووافي لكن عندي بعض الاستفسارات
1-المكتب اللي نستاجر التكيت مقابل للمحطه من اي جهه ياليت تشرحين لي هالنقطه اذا ماعليك كلافه
2-الباصات وينها عن المكتب عندة على طول والا بعيدة يعني لازم مشي
3-اذا قام يلف على المعالم السياحيه تقولين انكم نزلتوا في قصر بعدين رجعتوا ركبتوا هل هو يوقف ينتظركم
والا يروح ويجي غيرة في اوقات معينه
وبعد في نقطة نقطه الانطلاق والوصول هي نفسها والا لا
ادري اسالتي واجدة لكن ماعليه تحمليني اول مرة ومرتبكة شوي
وكمان كيف معامله الالمان خايفه منهم بالحيل احسهم جلوف وبيبهذلونا وخاصه اني منقبه يارب سترك
ماقصرتي يالغلا والله يوفقك ويسعدك
في حفظ الله

موضوع وايد حلو،،،،،،، وصراحه في نقطة مهمه تهم الجميع
وهي كم فترة انتظار الباص فيي المكان السياحي؟؟؟ بس الغريب لاحظت فيه نوعين في موقع الباص واحد ساعة وحده بس وواحد ساعتين والمشكله في ثمان مناطق يزورها فكيف يكفيها ساعتين.؟؟؟؟

اهلين و سهلين

• المكتب اللي نستاجر التكيت مقابل للمحطه من اي جهه ياليت تشرحين لي هالنقطه اذا ماعليك كلافه

مو من جهة الميريديان .. من الجهة الثانيه .. نفس ما شرح الاخ ماجد .. انتي اذا رحتي هناك بتلقين كل شي واضح لا تحاتين ..




2-الباصات وينها عن المكتب عندة على طول والا بعيدة يعني لازم مشي



عنده ..




3-اذا قام يلف على المعالم السياحيه تقولين انكم نزلتوا في قصر بعدين رجعتوا ركبتوا هل هو يوقف ينتظركم
والا يروح ويجي غيرة في اوقات معينه



يروح و يجي غيره .. المكان اللي يعجبك انزلي فيه .. و اذا رجعتي بتلقين غيره .. يمكن كل ربع ساعه يجي واحد ..




وبعد في نقطة نقطه الانطلاق والوصول هي نفسها والا لا



اذا قصدك من المحطه ايه اكيد يرجع المحطه .. انا اذكر نزلت في المارين بلاتز و ما كملت .. حسب وش تبين انتي ..
بالنسبه للمعامله .. حسب تجربتي الالمان هم اكثر الاوروبيين لطافه و خصوصا في ميونخ ..
لاتحاتين ابد
و سفره سعيده ان شاء الله

الله يعطيكم العافيه على الشرح الجميل
والله يحفظ الجميع ويردهم الى بلادهم بالسلامه

سلمتي يالغلا ماقصرتي والله
كل شئ اللحين واضح لي وان شاء الله تساهيل يارب
في حفظ الله